Thursday, 15 March 2018 16:12

Lotteries shop මුල්ම අලෙවි සැල යාපනයේ

සංවර්ධන ලොතරැයි මණ්ඩලයේ Lotteries shop පලමු අලෙවිසැල ලොතරැයි මණ්ඩලයේ සභාපතිතුමන්ගේ ප්‍රධානත්වයෙන් යාපනයේදී විවෘත කර තිබේ.

සංවර්ධන ලොතරැයි මණ්ඩලයේ වර්තමාන සභාපති සේන සුරියප්පෙරුම මහතාගේ සංකල්පයකට අනුව මෙම වැඩ සටහන ආරම්භ කරන ලද බවයි එම මණ්ඩලය පවසන්නේ.

සාම්ප‍්‍රදායික ලොතරැයි කුටියෙන් ඔබ්බට ගොස් ලොතරැයි නියෝජිතයින් හට වඩාත් පහසුවෙන් හා කාර්යක්ෂමව නවීන තාක්ෂණයත් සමග ලොතරැයි අලෙවි කිරීමට අවශ්‍ය පසුබිම සකසා දීම මෙම ලොතරුයි අලෙවිසැල් සංකල්පයේ මූලික පරමාර්ථයයි.

මෙම අලෙවිසැල විවෘත කිරීමට අමතරව යාපනය ,මන්නාරම, කිලිනොච්චි ,මුලතිව් ,වව්නියාව යන දිස්ත්‍රික්කයන්හි අලෙවි නියෝජිතයින් 100 කට දිනක වැඩමුලුවක් සහ 2017 වර්ෂයේ ඔවුන්ගේ කාර්යක්ෂමතාවය ඇගයීමේ වැඩසටහනක්ද 11 ඉරිදා යාපනය ටිල්කෝ හෝටලයේදී පැවති බව සංවර්ධන ලොතරැයි මණ්ඩලය පවසයි.

සංවර්ධන ලොතරැයි මණ්ඩලයේ සභාපති සේන සූරියප්පෙරුමගේ ප‍්‍රධානත්වයෙන් වැඩසටහන පැවැත්වුණු අතර මේ සදහා යාපනය දිස්ත්‍රික්ක බෙදා හැරීමේ අලෙවි නියෝජිත ටී.තේමරාසන්, Dan TV අධිපති කුහනාදන්,සංවර්ධන ලොතරැයි මණ්ඩලයේ ක්‍රියාකාරී අධ්‍යක්ෂ එච්.ආර් විමලසිරි, වැඩබලන සාමාන්‍යාධිකාරී අනුර ජයරත්න ඇතුලු ඉහළ නිළධාරීන් සහභාගී වි ඇත.

Last modified on Friday, 16 March 2018 11:53

Business News

Stats

There are 28589 listings, 821 categories and 101 owners in our website