Business News

වරාය හා නාවික අමාත්‍ය මහින්ද සමරසිංහ මහතාගේ උපදෙස් මත ශ්‍රී ලංකා වරාය අධිකාරියේ වත්මන් සභාපති ආචාර්ය පරාක්‍රම දිසානායක මහතාගේ හා වත්මන් කළමනාකරීත්වයේ මගපෙන්වීම යටතේ ශ්‍රී ලංකා වරාය අධිකාරිය සඳහා තුන් අවුරුදු සංවර්ධන සැලැස්මක් සකස් කිරීමට කටයුතු යොදා ඇත.

නාවික හා වරාය ක්ෂේත්‍රයේ වත්මන් ලෝක ප්‍රවණතා පිළිබඳ ව අවධානය යොමු කරමින් ඒ සඳහා මුහුණ දීමට අවශ්‍ය උපාය මාර්ගික සැලසුම් ඇතුළත් කොට මෙම සැලැස්ම සැකසෙමින් පවතී.

මෙම තුන් අවුරුදු සැලැස්මේ ප්‍රධාන අරමුණ වන්නේ ශ්‍රී ලංකා වරාය අධිකාරියේ වත්මන් ආදායම වන රුපියල් බිලියන 44ක මුදල පෙර ලෙසම දිවිත්ව අංකයකින් එළැඹෙන වසර 03ක කාලය තුළ ද පවත්වාගෙන යාමයි.

ශ්‍රී ලංකා වරාය අධිකාරියේ පර්යන්තයන්හි කාර්යක්ෂමතාවය හා ඵලදායිතාව වර්ධනය කරගැනීම සඳහා අවශ්‍ය උපාය මාර්ගික සෑම පියවරක් ම ගැනීමට අමාත්‍යවරයාගේ උපදෙස් මත නව කළමනාකාරීත්වය කටයුතු කරමින් සිටී. ඒ යටතේ ශ්‍රී ලංකා වරාය අධිකාරිය අනෙකුත් සියලු වරායන් හි සංවර්ධන කටයුතු සඳහා අවශ්‍ය සියලු ආකාරයේ උපාය මාර්ග පිළිබඳ ව ද ඒවායේ ස්ථාපිත කළ හැකි ආකාරයේ ව්‍යාපාර අවශ්‍යතාවන් සඳහා අවශ්‍ය පහසුකම් ස්ථාපිත කිරීමට ද බලාපොරොත්තු වේ.

මෙම නව සැලසුම කෙටුම්පත් කිරීමේ දී වරාය භාවිත කරන්නන්, වෘත්තීය සමිති හා ව්‍යාපාරික ප්‍රජාවගේ අඳහස් ලබාගැනීමට ද නියමිතය. (biz.adaderana)

සීනි මිල ඉහළ යාමට සාපේක්ෂව බේකරි නිෂ්පාදන සම්බන්ධයෙන් ගන්නා ක්‍රියාමාර්ග පිළිබඳව ඉදිරි සතිය තුළදී තීරණය කරන බව සමස්ත ලංකා බේකරි හිමියන්ගේ සංගමය පවසයි.

එහි සභාපති එන්.කේ. ජයවර්ධන මහතා පැවසුවේ, මෙම බදු මිල ගණන් අඛණ්ඩව පවතින්නේ නම් බේකරි නිෂ්පාදන ඉහළ නැංවීමට පියවර ගන්නා බවයි.

කෙසේ වෙතත් ඒ පිළිබඳව සාකච්ඡා කර ඉදිරියේදී තීරණයක් ගන්නා බව ඔහු සඳහන් කළේ ය.

සීනි බද්ද ඉහළ යාමත් සමග බේකරි කර්මාන්තය දැඩි අර්බුදයකට මුහුණ පා ඇතැයි ද ඔහු පැවසී ය.

මේ අතර පසුගිය 6 වන දා සිට සිනි සඳහා වන විශේෂ වෙළෙඳ භාණ්ඩ බද්ද රුපියල් 10 කින් ඉහළ දැමිණ.

මුද්ල අමාත්‍යංශය සදහන් කළේ, මේ අනුව එම බදු මුදල රුපියල් 23 ක් වන බවයි.

එය මීට පෙර එය පැවැතුණේ, රුපියල් 13 ක් වශයෙනි.

දේශීය සීනි නිෂ්පාදකයා දිරි ගැන්විම සඳහා මෙලෙස බදු ගාස්තු ඉහළ නැංවූ බව මුදල් අමාත්‍යංශය සඳහන් කළේ ය. (newsfirst)

හෝටල් ඇතුළු මහා පරිමාණ අලෙවිසැල්වල භාවිතා කර ඉවතලන තෙල් නැවත වෙළඳපොළට බෙදා හැරීමේ ජාවාරමක සුලමුල අනාවරණ වී තිබෙනවා.

ඒ, ජම්පටාවීදිය පොලීසිය සිදුකළ වැටලීමකදියි.

නැවත අලෙවි කිරීම සඳහා ත්‍රිරෝද රථයකින් රැගෙන යමින් තිබූ තෙල් තොගයක් ගුණසිංහපුර - බස් නැවතුම්පොළේදී සැකකරුවන් දෙදෙනෙකු සමඟ පසුගියදා අත්අඩංගුවට ගනු ලැබුවා.

ඔවුන්ගෙන් කරන ලද ප්‍රශ්න කිරීම්වලදියි මේ පිළිබඳව තොරතුරු අනාවරණ වී ඇත්තේ. (hirunews)

වෙළදපොලේ ගම්මිරිස් මිල පහත ගොස් තිබෙනවා.

පසුගිය කාලය තුළ රුපියල් 1050 අලෙවි වූ ගම්මිරිස් කිලෝවක් මේ වනවිට වෙළදපොලේ අලෙවි වන්නේ රුපියල් 750 ක මිලකට බවයි වෙළඳුන් පවසන්නේ.

ප්‍රමිතියෙන් තොර ගම්මිරිස් වෙළදපොලට ලැබීම මෙලෙස මිල පහත වැටීමට හේතු වී ඇති බව ද වෙළඳුන් සදහන් කළා. (hirunews)

ජූලි මස පළමු වැනිදා සිට බස් ගාස්තු වැඩි කරන්නේ ද යන්න සම්බන්ධයෙන් ලබන 20 වැනි දා විශේෂ සාකච්ඡාවක් පවත්වා තීරණය කරන බව ප‍්‍රවාහණ අමාත්‍යංශය පවසයි.

ප‍්‍රවාහණ නියෝජ්‍ය අමාත්‍ය අශෝක අබේසිංහ සඳහන් කරන්නේ සංශෝධනයක් සිදු වන්නේ නම් එය සියයට 06කින් පමණ සිදු වන බවයි. (dinamina)

අඩු ආදායම්ලාභී පවුල් සඳහා නිවාස ඉදිකිරීම වෙනුවෙන් මුදල් අමාත්‍යාංශය විසින් නව ණය යෝජනා ක්‍රමයක් හඳුන්වා දී තිබෙනවා.

ඒ අනුව වර්ග අඩි 750ට අඩු නිවාස පුළුල් කර ඉදිකිරීම් අවසන් කිරීම සඳහා මෙම ණය මුදල ලබාදෙන බවයි එම අමාත්‍යාංශය ප්‍රකාශ කළේ.

රාජ්‍ය හා පෞද්ගලික වානිජ බැංකු හරහා මෙම ණය ලබාදීම සිදුකෙරෙන අතර මේ යටතේ එක් පවුලකට ලබාදෙන උපරිම ණය මුදල රුපියල් ලක්ෂ දෙකක්.

මෙහිදී ණයකරු විසින් ගෙවිය යුතු පොලියෙන් සියයට 50 ක් රජය විසින් සහනාධාරයක් ලෙස ලබාදීම ද විශේෂත්වයක්. (hirunews)

සෙනසුරාදා, 10 ජූනි 2017 05:00

රුපියලේ වටිනාකම තවත් පහළට

ශ්‍රී ලංකා රුපියල 2016 වසර අවසානයේ සිට 2017 ජූනි මස 05 වැනි දින දක්වා කාලපරිච්ඡේදය තුළ දී, සියයට 1.8 ක මධ්‍යස්ථ අවප්‍රමාණය වීමක් වාර්තා කර ඇති බව ශ්‍රී ලංකා මහ බැංකුව විසින් නිකුත් කරන ලද නවතම වාර්තාවක සඳහන් වේ.

තවද අනෙකුත් විදේශ ව්‍යවහාර මුදල්වල විනිමය අනුපාතිකවල හැසිරීම පිළිබිඹු කරමින් මෙම කාලපරිච්ඡේදය තුළ දී ශ්‍රී ලංකා රුපියල යූරෝවලට එරෙහිව සියයට 8.1 කින් ද, ස්ටර්ලින් පවුමට එරෙහිව සියයට 6.2 කින් ද, ජපන් යෙන්වලට එරෙහිව සියයට 6.7 කින් ද, කැනේඩියානු ඩොලරයට එරෙහිව සියයට 1.6 කින් ද, ඕස්ට්‍රේලියානු ඩොලරයට එරෙහිව සියයට 4.6 කින් ද සහ ඉන්දියානු රුපියලට එරෙහිව සියයට 6.8 කින් ද අවප්‍රමාණය වී තිබේ.

මේ අතර 2017 වසරේ මාර්තු මස අවසානය වන විට ශ්‍රී ලංකාවේ දළ නිල සංචිත ප්‍රමාණය ආනයනික මාස 3.1 කට ප්‍රමාණවත් වන පරිදි එක්සත් ජනපද ඩොලර් බිලියන 5.1 ක්වූ අතර, මුළු විදේශීය වත්කම් ප්‍රමාණය ආනයනික මාස 4.2 කට සමාන වන පරිදි එක්සත් ජනපද ලෙර් බිලියන 7.1 ක් වන බව ශ්‍රී ලංකා මහ බැංකුව වැඩිදුරටත් පෙන්වා දේ. (biz.adaderana)

සිකුරාදා, 09 ජූනි 2017 12:37

වෙළෙඳ හිඟය පුළුල් වෙයි

2017 වසරේ මාර්තු මාසයේ දී වෙළෙඳ හිගය, 2016 වසරේ මාර්තු මාසයේ දී පැවති එක්සත් ජනපද ඩොලර් මිලියන 617 හා සැසඳීමේ දී එක්සත් ජනපද ඩොලර් මිලියන 828 ක් දක්වා සැලකිය යුතු ලෙස පුළුල් වී තිබෙන බව ශ්‍රී ලංකා මහ බැංකුව පෙන්වා දෙයි.

මේ අනුව 2017 වසරේ පළමු මාස තුන තුළ සමුච්ඡිත වෙළෙඳ හිඟය, 2016 වසරේ පළමු මාස තුන තුළ වූ එක්සත් ජනපද ඩොලර් මිලියන 1,855 හා සැසඳීමේ දී එක්සත් ජනපද ඩොලර් මිලියන 2,505 ක් දක්වා සැලකිය යුතු ලෙස ඉහළ ගොස් තිබේ. (biz.adaderana)

පසුගියදා ඇතිවු අයහපත් කාලගුණික තත්ත්වය හේතුවෙන් දිවයිනේ විවිධ ප්‍රදේශවල තේ කර්මාන්ත ශාලා 26 ක් විනාශ වී තිබෙනවා.

සමස්ත ලංකා කුඩා තේ වතු හිමියන්ගේ සංගමය සඳහන් කළේ මේ හේතුවෙන් තමන් දැඩි අපහසුතාවයට පත්ව ඇති බවයි.

එමෙන්ම, කුඩා තේ වතු හිමියන්ගේ දළු අලෙවි කිරීමේ ප්‍රශ්නයක්ද මතුව ඇති බවටයි වාර්තා වන්නේ.

මේ හේතුවෙන් රුපියල් මිලියන 10 කට වැඩි පාඩුවක් සිදුව ඇති බවද සඳහන්. (hirunews)

ශ්‍රී ලංකාවේ දුම්රිය අංශය සංවර්ධනය කිරීම සඳහා අමෙරිකානු ඩොලර් මිලියන 318 ක ණය මුදලක් ලබාදීම වෙනුවෙන් වූ ගිවිසුමකට ඉන්දියාව සහ ශ්‍රී ලංකාව මුදල් අමාත්‍යාංශයේදී අත්සන් තැබිණි.

ඉන්දීය අගමැති නරේන්ද්‍ර මෝදි මහතා 2015 වසරේ මාර්තු මාසයේදී ලංකාවේ කළ පළමු සංචාරය අතරතුර ශ්‍රී ලංකාවේ දුම්රිය අංශ සංවර්ධනය කිරීම වෙනුවෙන් අමෙරිකානු ඩොලර් මිලියන 318 ක ණය ආධාර මුදල ලබාදීමට පොරොන්දු විය. ඉන්දීය රජය දැනටමත් ශ්‍රී ලංකාවේ දුම්රිය පද්ධතිය දියුණු කිරීම සඳහා ණය ආධාර හතරක් ලබාදී ඇති අතර, එක්සිම් බැංකුව හරහා එලෙස ලබාදී ඇති ණය මුදල අමෙරිකානු ඩොලර් මිලියන 966 ට ආසන්න වේ.
මෙම ණය ආධාර යොදාගෙන දකුණු සහ උතුරු දුම්රිය මාර්ග වැඩිදියුණු කිරීමට කටයුතු යොදා ඇති අතර, ශ්‍රී ලංකා දුම්රිය සේවය සඳහා දුම්රිය එන්ජින් මිලට ගැනීමට කටයුතු කර ඇත.

මුදල් හා ජනමාධ්‍ය අමාත්‍යාංශයේ ලේකම් ආචාර්ය ආර්.එච්.එස්. සමරතුංග මහතා හා ඉන්දියානු අපනයන හා ආනයන බැංකුවේ කළමනාකාර අධ්‍යක්ෂ ඩේවිඩ් රස්කුවින්න මහතා මෙම ගිවිසුමට අත්සන් තැබූහ.

ප්‍රවාහන හා සිවිල් ගුවන්සේවා අමාත්‍යාංශයේ අධීක්ෂණය යටතේ ශ්‍රී ලංකා දුම්රිය දෙපාර්තමේන්තුව මෙම ව්‍යාපෘතිය ක්‍රියාවට නංවනු ඇත.

දුම්රිය මගී පහසුකම් වැඩිදියුණු කිරීම, වැඩි මගීන් පිරිසක් දුම්රිය භාවිත කිරීමට ආකර්ශණය කර ගැනීමට කළයුතු හදිසි අවශ්‍යතාවයක් බවට ප්‍රවාහන හා සිවිල් ගුවන්සේවා අමාත්‍යාංශය දැනට හඳුනාගෙන ඇත. එලෙස වැඩි මගීන් පිරිසක් දුම්රිය භාවිත කිරීමට පෙළඹවීම කාර්යක්ෂම හා වියදම් අවම ප්‍රවාහන ක්‍රමවේදයක් වන අතර, දුම්රිය පීලි හා සංඥා පද්ධතිය වැඩිදියුණු කිරීම තුළින් දුම්රිය ගමනාගමන තදබදය අඩු කිරීමටද හැකිවන අතර ඒ මගින් දුම්රිය භාවිතඑ කිරීමට උනන්දු කරවීම හා බඩු භාණ්ඩ ප්‍රවාහනය කාර්යක්ෂම කිරීමට ඉවහල්වන හදිසි කාරණාවක් බව හඳුනාගෙන ඇත.
පසුගිය වසර කීපය තුළ ශ්‍රී ලංකාව තුළ ඉන්දියානු සෘජු ආයෝජන විශාල වශයෙන් පුළුල් වී ඇත.

වර්තමානයේ ඉන්දීය සංවර්ධන ණය ආධාර ප්‍රධාන වශයෙන් යොමු කර ඇත්තේ ආර්ථික යටිතල පහසුකම්, ජීවන මාර්ග සංවර්ධන, අධ්‍යාපන, සෞඛ්‍ය, ක්ෂේත්‍ර සංවර්ධන හා ආර්ථික පුනර්ජීවනය වැඩිදියුණු කිරීමේ ව්‍යාපෘති ක්‍රියාත්මක කිරීම සඳහාය.

ප්‍රවාහන හා සිවිල් ගුවන්සේවා අමාත්‍යාංශයේ ලේකම් නිහාල් සෝමවීර මහතා, ඉන්දීය නියෝජ්‍ය මහ කොමසාරිස් අරින්දම් බච් මහතා, විදේශ සම්පත් දෙපාර්තමේන්තුවේ අධ්‍යක්ෂ ජනරාල් ප්‍රියන්ත රත්නායක මහතා හා දෙරටේ අනෙකුත් නිලධාරී පිරිසක් මෙම අවස්ථාවට සහභාගී වූහ. (biz.adaderana)

Business News

Image

Stats

There are 28560 listings, 863 categories and 102 owners in our website