සිකුරාදා, 31 ජූලි 2020 15:19

ඛෙලිඅත්තෙන් නැවතුන දුම්රිය හම්බන්තොට දක්වා

දැනට මාතර සිට බෙලිඅත්ත දක්වා ඉදිකර ඇති දුම්රිය මාර්ගය හම්බන්තොට දක්වා දීර්ඝ කිරීමට සැලසුම් කර ඇතැයි ප්‍රවාහන සේවා කළමනාකරණ අමාත්‍ය මහින්ද අමරවීර මහතා පැවසීය.

අමාත්‍යවරයා මෙම අදහස් පළ කළේ ඊයේ පස්වරුවේ ( 2020.07.30 ) අඟුණකොළපැලැස්සේ දී මාධ්‍යවේදීන් ඇසූ ප්‍රශ්නයකට පිළිතුරු දෙමිනි.

මාතර සිට හම්බන්තොට දක්වා ඉදිකෙරෙන මෙම දුම්රිය මාර්ගය මඟින් මගීන් සහ භාණ්ඩ ප්‍රවාහනය සඳහාත් මාර්ග තදබදය අඩුකර ගැනිමත් අපේක්ෂා කරන අතර, රටට විශාල මුදලක් ඉතිරිකර ගැනීමට අවස්ථාව ලැබෙන බවත් අමාත්‍යවරයා සඳහන් කළේය.

පැයට කි.මි.100 වඩා වේගයෙන් දුම්රිය ගමන් කළ හැකි මෙම දුම්රිය මාර්ගයේ ඉදිකිරීම් ආරම්භ කිරීම සඳහා අමාත්‍ය මණ්ඩල අනුමැතිය හිමි වී තිබෙන බව අමාත්‍යවරයා වැඩිදුරටත් සඳහන් කළේය.

මෙම දුම්රිය මාර්ගය ඉදිකිරීමේ සක්‍යතා අධ්‍යනය හා ඉඩම් අත්පත් කර ගැනිමේ කටයුතු මෙම වසර තුළ අවසන් කෙරේ. ඉදිරිකිරීම් කටයුතු ලබන වසර මුලදී ආරම්භ කරන අතර, 2023 දී පළමු දුම්රිය ධාවනයට සැලසුම් කර තිබේ.

මාතර සිට බෙලිඅත්ත දක්වා දුම්රිය මාර්ගය ඉදිකිරීමේ දී නිල්වලා ගඟේ පාළම ඉදිකර තිබූ බැවින් ගැටළුවකින් තොරව දුම්රිය මාර්ගය ඉදිකිරීමට හැකි වූ අතර, හම්බන්තොට දක්වා මෙම මාර්ග ඉදිකිරීමේ දී ගැටළුවක් පැන නොනගින බවත් ඇමතිවරයා සඳහන් කළේය.

එමෙන්ම මෙම දුම්රිය මාර්ගය ඉදිකිරීමේ දී දේශීය ඉංජිනේරුවරුන් හා තාක්ෂණය හැකිතාක් දුරට යොදා ගැනීම අරමුණ බවත් අමාත්‍යවරයා පැවසීය.

Features

2021 අයවැය ඔක්තෝබර්...

සැප්තැම්බර් 17 2020
Image

Stats

There are 28761 listings, 886 categories and 103 owners in our website