බ්‍රහස්පතින්දා, 31 දෙසැම්බර් 2020 09:33

කොරෝනා ආසාදිත මෘතදේහ ආදාහනය පිළිබඳ ගැටළුවට විසඳුම් සොයන හැටි අධිකරණ ඇමති කියයි

කුමන හෝ ගැටළුවක් සම්බන්ධයෙන් ආණ්ඩුව තීරණයක් ගන්නේ කිසිඳු ජන කණ්ඩායමකට බලපෑමක් නොවන ලෙස බව අධිකරණ අමාත්‍ය ජනාධිපති නිතීඥ අලි සබි‍්‍ර පවසනවා. කොරෝනා ආසාදිත මෘත දේහ සම්බන්ධයෙන් මේවන විට රට තුල මතුව ඇති දැඩි කථාබහ සම්බන්ධයෙන් නෙත් නිවුස් කල විමසීමකදී අමාත්‍යවරයා මේ බව කියා සිටියා. එහිදී ඔහු අවධාරණය කලේ කොරෝනා ආසාදිත මෘත දේහ සම්බන්ධයෙන් ආණ්ඩුව තීරණයක් ගන්නේ විද්වත් කමිටුවේ නිර්දේශ මත පදනම්ව පමණක් බවයි.

ඕනෑම තීරණයකින් කිසිඳු විටක ජන කොටසක් පීඩනයට පත් නොවන ලෙස එම තීරණ ගන්නා බව ද අධිකරණ අමාත්‍ය ජනාධිපති නිතීඥ අලි සබි‍්‍ර පැවසුවා.

කොරෝනා ආසාදිත මෘත දේහ සම්බන්ධයෙන් තීරණයක් ගැනීමට මීට පෙරද විද්වත් කමිටුවක් පත් කලා. එමඟීන් ඔවුන් තීරණය කර තිබුණේ කොරෝනා ආසාදිත මෘත දේහ භූමදානය නොකල යුතු බවයි. මෘත දේහ වල ඇති වෛරස් කාණ්ඩ භූගත ජලයට එක් වීමට ඇති අවධානම ඊට හේතුව ලෙසද ප‍්‍රකාශ කර තිබුණා. කෙසේ වෙතත් කොරෝනා ආසාදිත මෘත දේහ සම්බන්ධයෙන් තීරණයක් ගැනීමට යළිත් වරක් විශේෂඥ කමිටුවක් පත් කර තිබෙනවා.

(Neth)

336 x 200 Sinhala

Features

සැබෑ නිදහස

ජනවාරි 10 2021
Image

Stats

There are 29038 listings, 909 categories and 102 owners in our website