Features

සෑම අපේක්ෂක ලැයිස්තුවකම කාන්තාවන් 25% ක් නියෝජනය විය යුතුය යන නීතිය අනුව නව පළාත් පාලන ආයතනවලට කාන්තා මුහුණු රාශියක් ද එක්වීමපෙබරවාරි මස 10 වෙනි දින පැවැත්වෙන පළාත්පාලන මැතිවරණයේ විශේෂත්වයකි. පළාත් පාලන මැතිවරණය සහ කාන්තා නියෝජනය පිළිබඳව බීබීසී සිංහල සේවය ගෙන එන ලිපි මාලාවක දෙවැන්න ලෙස, ලේඛිකා සහ මානව හිමිකම් ක්‍රියාධාරිනී කුමාරි කුමාරගමගේ පළ කරන අදහස් මේ.

විදුලිබල හා පුනර්ජනනීය බලශක්‌ති අමාත්‍යාංශය හා විශේෂ කාර්ය භාර අමාත්‍යාංශය මගින් ශ්‍රී ලංකාවේ විදුලිබල ජනන සංයුතිය තීරණය කිරීම සම්බන්ධයෙන් කැබිනට්‌ පත්‍රිකාවක්‌ ඉදිරිපත් කර ඇත. එම කැබිනට්‌ පත්‍රිකාවේ යෝජනා 11 ක්‌ වේ. එම යෝජනා මගින් සිදු කිරීමට වෑයම් කර ඇත්තේ විදුලිබල හා පුනර්ජනනීය බලශක්‌ති අමාත්‍යාංශය විසින් 2015 වසරේ දී ඉදිරිපත් කළ 'දැනුම මත පදනම් වූ ආර්ථිකයක්‌ උදෙසා ශ්‍රී ලංකාවේ බලශක්‌ති ක්‌ෂේත්‍රයේ සංවර්ධන සැලැස්‌ම 2015-2025Z (Sri Lanka Energy Sector Development Plan For a Knowledge-based Economy 2015 - 2025) නම් වූ බලශක්‌ති ප්‍රතිපත්තිය වෙනස්‌ කිරීමටයි. 

 
 2015 වසරේ දී රජය විසින් ස්‌ථාපිත කළ ප්‍රතිපත්තියේ මෙලෙස සඳහන් වේ.
 
 බලශක්‌ති ක්‌ෂේත්‍රයේ ඉලක්‌ක-
 
 * 2030 වනවිට ශ්‍රී ලංකාව බලශක්‌තියෙන් ස්‌වයංපෝෂිත වීම
 
 * විදුලිබලය නිපදවීම සඳහා පුනර්ජනනීය බලශක්‌තියෙන් ලැබෙන දායකත්වය 2014 දී 50%ක්‌ වූ අතර එය 2020 වනවිට 60% දක්‌වා ඉහළ නැංවීම හා 2030 වනවිට 100%ක්‌ම දේශීය බලශක්‌තියෙන් විදුලිය නිපදවීම 
 
 * 2020 වනවිට ස්‌වභාවික වායු හා දර විදුලියෙන් මෙගාවොට්‌ 2000ක්‌ නිෂ්පාදනය කිරීම
 
 * 2025 වනවිට ශ්‍රී ලංකාවේ බලශක්‌ති ක්‌ෂෙත්‍රයේ කාබන් පා සලකුණ 5% කින් අඩුකිරීම
 
 එම ප්‍රතිපත්තිය තුළ ගල් අඟුරු බලාගාර ඉදිකිරීමට කිසිදු ඉඩක්‌ නොමැත. එහෙත් මෙම කැබිනට්‌ පත්‍රිකාව මගින් උත්සාහ කර ඇත්තේ දැනට තිබෙන මෙගාවොට්‌ 900 ට අමතරව තවත් ගල් අඟුරු බලාගාර පිහිටුවීම සඳහා රජයේ බලශක්‌ති ප්‍රතිපත්තිය වෙනස්‌ කිරීමටයි.
 
 රජය අනාගතයේ දී ගල් අඟුරු බලාගාර ස්‌ථාපිත නොකරන බවට තීරණයක්‌ ගෙන ඉන්දියානු රජය සමඟ ඒකාබද්ධව දියත්කිරීමට නියමිත වූ සාම්පූර් ගල් අඟුරු බලාගාරය අත්හැරීමට ඉන්දියානු රජය සමඟ රාජ්‍යතාන්ත්‍රික සාකච්ඡා මගින් එකඟ වී ඇත. ඒ සඳහා ජනාධිපතිතුමාත් අග්‍රාමාත්‍යතුමාත් Rජුවම ඉන්දියානු අග්‍රාමාත්‍යතුමා සමඟ සාකච්ඡා කරනු ලැබීය. එය ආපිට කැරකැවීම එම දෙපළටත් ශ්‍රී ලංකා රජයටත් කරනු ලබන බරපතළ අවමානයකි.
 
 ගල් අඟුරු වල මිල අධිකයි
 
 දැනටමත් ජල විදුලිය, සුළං බලය, සූර්ය බලය හා ස්‌වභාවික වායු වලට වඩා ගල් අඟුරු බලාගාර වලින් නිපදවන විදුලිය වියදම් අධික බව ලංකා විදුලිබල මණ්‌ඩලයේ දත්ත මත පදනම්ව මහජන උපයෝගීතා කොමිසම විසින් පෙන්වා දී ඇත. දැනට පවතින ඉන්ධන මිල ගණන් අනුව මහජන උපයෝගීතා කොමිසම ඉදිරිපත් කර ඇති මිල ගණන් පහත දැක්‌වේ. එම නිසා ගල් අඟුරු බලාගාර ස්‌ථාපිත කිරීම වියදම් අධික, විදේශ විනිමය වැයවන විකල්පයක්‌ බව පැහැදිලිය.
 
 තවද 2010 දශකය තුළ මේ දක්‌වා සුළං හා සූර්ය බලයෙන් නිපදවන විදුලියේ මිල 80% කින් පමණ පහත වැටිණි. එම නිසා ඉදිරියේදී ද එම බලශක්‌ති ප්‍රභවවල මිල තවදුරටත් පහළ යනු ඇත. එබැවින් ගල්අඟුරු බලාගාර ඉදිකිරීමෙන් රටට සිදුවන අවාසිය තව තවත් වැඩි වේ. 
 
 ශ්‍රී ලංකාවේ පුනර්ජනනීය බලශක්‌තිය ඕනෑවටත් වඩා ඇත. මන්නාරම් ෙද්‍රdaණියේ ස්‌වභාවික වායු තිබීමට ඉඩ ඇත. එහෙත් ශ්‍රී ලංකාව සතුව ගල්අඟුරු නිධි නැත. එම නිසා වඩා ලාභදායී දේශීය බලශක්‌ති සම්පත් තිබියදී වියදම් අධික ගල් අඟුරු බලාගාර වෙත අවධානය යොමු කිරීමේ කිසිදු අවශ්‍යතාවක්‌ නැත.

ස්‌ථාවර බලශක්‌තිය පිළිබඳ මිත්‍යාව
 
 ස්‌ථාවර බලශක්‌තියක්‌ ලෙස ගල් අඟුරු බලාගාර අවශ්‍ය බව මෙම කැබිනට්‌ පත්‍රිකාවෙන් ඉදිරිපත් කර ඇති ප්‍රධානම කරුණයි. එහෙත් ස්‌ථාවර බලශක්‌තිය කියා දෙයක්‌ නැත. අවශ්‍ය වන්නේ බලශක්‌තිය ගබඩා කර ගෙන අවශ්‍ය වෙලාවට ලබා ගැනීමට හැකිවීම පමණි. ඛනිජ තෙල්, ගල් අඟුරු, ස්‌වභාවික වායු හා දර ආදිය ගබඩා කර ගත හැක. ජල විදුලි බලාගාරවල ජලය ඉහළ ප්‍රදේශවල ගබඩා කර ගනී. සුළං හා හිරුඑළිය බැටරිවල හෝ ජලය පොම්ප ජල විදුලි බලාගාරවල හෝ හයිඩ්‍රජන් ලෙස හෝ ගබඩා කර ගනී. ගබඩා කිරීමේ තාක්‌ෂණයන් ලාභදායී ලෙස තිබේ නම් ඕනෑම බලශක්‌තියක්‌ ස්‌ථාවර බලශක්‌තියක්‌ වේ. 
 
 දැනටමත් ලංකාවේ ඇති ජල විදුලි බලාගාර විසින් සුළං හා සූර්ය බලය ගබඩා කෙරේ. ඛනිජ තෙල් හා ස්‌වභාවික වායු බලාගාරවලට ද සුළං හා සූර්ය බලය ගබඩා කළ හැකිය. එමෙන්ම ජලය පොම්ප කර ගබඩා කර විදුලිය නිපදවීම ද දැනටමත් ලාභදායී වේ. ලංකා විදුලිබල මණ්‌ඩලයේ දැනට තිබෙන සැලසුම් ක්‍රියාත්මක කළහොත් 2025 වනවිට ශ්‍රී ලංකාවේ ප්‍රථම ජල පොම්ප ජල විදුලි බලාගාරයක්‌ (3ං200 ඵඋ) ස්‌ථාපිත කළ හැක. ලංකා විදුලිබල මණ්‌ඩලයේ ගණනය කිරීම්වලට අනුව මෙගාවොට්‌ 200 ක ජල පොම්ප ජල විදුලි බලාගාරයක්‌ සඳහා ඇ. ඩොලර් මිලියන 217 ක්‌ වැය වේ. ඒ අනුව සුළං හෝ සූර්ය විදුලිය එක එකකයක්‌ ගබඩා කිරීම සඳහා වැය වෙන මුදල රු 0.50 කට අඩුය. එම නිසා සුළං බලය හා සූර්ය ශක්‌තිය ගබඩා කිරීම සහිතව ස්‌ථාවර බලශක්‌තියක්‌ ලෙස ගල්අඟුරුවලට වඩා විශාල වශයෙන් ලාභදායී වේ. තවද ලෝකයේ බැටරි තාක්‌ෂණයන්වල මිල පසුගිය වසර 5 තිස්‌සේ ශීඝ්‍රයෙන් අඩු වෙමින් පවතී. එබැවින් 2020 වනවිට බැටරි මගින් විදුලිය ගබඩා කිරීම ද ලාභදායී විය හැකිය. එවිට සූර්ය බලය හා සුළං බලය සම්බන්ධයෙන් කිසිදු ගැටලුවක්‌ මතු නොවේ. 
 
 ගල්අඟුරු බලාගාරවල විදුලි ජනනය අඩු වැඩි කිරීමට නොහැකි හෙයින් ගල්අඟුරු බලාගාර පුනර්ජනනීය බලශක්‌ති සමඟ ගැලපෙන්නේ නැත. ලංකා විදුලිබල මණ්‌ඩලයේ සැලසුම්වලට අනුව මීළඟ ගල්අඟුරු බලාගාරය ඉදි කළ හැකි වන්නේ 2025 දී පමණි. නමුත් 2025 වනවිට ස්‌ථාවර බලශක්‌තියක්‌ ලෙස ගල්අඟුරු බලාගාර ශ්‍රී ලංකාවට අවශ්‍ය වන්නේ නැත. 2025 දක්‌වා කාලය තුළ පුනර්ජනනීය බලශක්‌තියට ඌණ පූරණයක්‌ ලෙස ස්‌ථාවර බලශක්‌තිය ලෙස අවශ්‍ය වන්නේ ස්‌වභාවික වායු බලාගාරයි. 
 
 ගල් අඟුරු අපිරිසිදුයි
 
 දැනට තිබෙන බලශක්‌ති ප්‍රභව අතරින් වඩාත්ම දේශගුණික විපර්යාසයට හේතුවන කාබන්ඩයොක්‌සයිඩ් වැඩියෙන්ම පිට කරන බලශක්‌ති ප්‍රභවය ගල්අඟුරුය. එම නිසා ලෝකයේ අනාගත බලශක්‌ති සංයුතිය තුළ ගල්අඟුරු බලාගාරවලට කිසිදු ඉඩක්‌ නැත. අනාගතයේදී ගල්අඟුරුවලට හා ගල්අඟුරු විදුලිය භාවිතා කර නිපදවන භාණ්‌ඩවලට නොයෙක්‌ අධි භාර පැන වේ. එම නිසා ගල්අඟුරු විදුලියේ සැබෑ මිල තවත් ඉහළ යනු ඇත.
 
 අමාත්‍ය මණ්‌ඩල සංදේශය මගින් දැනට නොරොච්චෝලේ ක්‍රියාත්මක වන ගල්අඟුරු බලාගාරය අපිරිසිදු බව පිළිගෙන ඇත. එම බලාගාරයේ පරිසර දූෂණය අවම කිරීමට තවමත් විදුලිබල මණ්‌ඩලය අසමත් වී ඇත. එම අපිරිසිදු බලාගාරයේ වියදම දැනටමත් පුනර්ජනනීය බලශක්‌තියට හා ස්‌වභාවික වායුවලට වඩා වැඩිය. එසේ පිරිසිදු කරන්නේ නම් ගල්අඟුරු විදුලියේ මිල තවත් ඉහළ යයි. එබැවින් ඊටත් වඩා පිරිසිදු යෑයි පවසන ගල්අඟුරු මිල ඊටත් වඩා වැඩිවේ. එය කොහෙත්ම ශ්‍රී ලංකාවට ඔරොත්තු නොදේ. පිරිසිදු ගල්අඟුරු තාක්‌ෂණයන්ට අදාළ සැබෑ ගණන් හිලව් ඉදිරිපත් කිරීමට මෙම කැබිනට්‌ පත්‍රිකාව අසමත් වී ඇත. 
 
 දියුණු රටවල්, ගල්අඟුරු බලාගාර පරණවී භාවිතයෙන් ඉවත් කරන විට ඒ වෙනුවට අලුතින් ගල්අඟුරු බලාගාර ඉදි නොකරති. ඒ පිරිසිදු ගල්අඟුරු තාක්‌ෂණයක්‌ කියා දෙයක්‌ ලෝකයේ නැති නිසාය. ගල්අඟුරු බලාගාරවලින් පිට වන විෂ වායු ගණනාවකි. සල්µර්, නයිට්‍රජන්, අංශු ආදිය වාතය, ජලය හා භූමියට පිට වීම අවම කිරීම හැකි වුවද දේශගුණික විපර්යාසයට ප්‍රධානතම හේතුව වූ කාබන්ඩයොක්‌සයිඩ් වායුව පිට වීම වැළැක්‌විය නොහැකිය. ගල් අඟුරු බලාගාර යල්පැන ගොස්‌ ඇත්තේ එබැවිනි. එමනිසා ශ්‍රී ලංකාව වැනි ගල්අඟුරු නිධි නැති රටක්‌ ඉදිරි වසර 20 තුළ ගල්අඟුරු බලාගාර ඉදිකිරීමට අවධානය යොමු කිරීම ඥානවන්ත ක්‍රියාවක්‌ නොවේ. ගල් අඟුරුවලින් පිටවන කාබන්ඩයොක්‌සයිඩ් වායු උරා ගැනීම සඳහා වන වගා කළ යුතු බැව් මෙම පත්‍රිකාවේ 3.11 මගින් යෝජනා කර ඇත. මෙය වැරදි අදහසකි. කාබන් චක්‍රයට අනුව ගල් අඟුරුවලින් පිටවන කාබන්ඩයොක්‌සයිඩ් වායුව වසර මිලියන ගණනක ක්‍රියාවලියකි. එම කාබන් ගස්‌වැල්වලින් උරා ගැනීම තාවකාලිකය. එය වසර 100 ක්‌ ඇතුළත යළිත් වායුගෝලයට එකතු වේ. එම නිසා වන වගාවෙන් ගල් අඟුරුවල පරිසර ප්‍රශ්නය විසඳිය නොහැක.

අශෝක අභයගුණවර්ධන,  සභාපති,  උපායමාර්ගික ව්‍යවසාය කළමනාකරණ ආයතනය - දිවයින

 

මන්ද යත්, ශ්‍රී ලංකාව තුළ දැනට (2014 වන විට) පාර්ලිමේන්තුවේ කාන්තා නියෝජනය 5.8% ක සහ පළාත් පාලන ආයතනයන්හි කාන්තා නියෝජනය 3.9%ක (2013 වන විට) අගයක තිබියදී එය එකවරම 25% කින් වැඩි කිරීම කිසියම් අයුරකින් ස්වභාවික සමාජමය විපර්යාසයක් හෝ අවශ්‍යතාවයක් මත වන වැඩිවීමක් නොව බාහිර බලපෑමක ප්‍රතිඵලයක් ලෙස එය සිදු කිරීමට යාම නිසාය.

දේශපාලනය සමඟ සම්බන්ධතා නැති අපරාධකරුවන් විසින් මිනීමැරුමක් කළ විට එය ඉතා ඉක්මනින් විභාග කොට වසර කිහිපයක් ඇතුළත දඬුවම් පමුණුවන නමුත් ලසන්ත වික්‍රමතුංග ඝාතනයට සම්බන්ධ පුද්ගලයන්ට දඬුවම් දීමට අපොහොසත් වීම හේතුවෙන් ඊට වගකිව යුතු ප්‍රධාන සැකකරු හෝ සැකකරුවන්ට අනාගතයේදී රටේ ජනාධිපති හෝ අගමැති පදවියට වුවද තේරී පත් වීමට දොරටු විවෘත විය හැකැයි ලසන්තගේ සොහොයුරු ලාල් වික්‍රමතුංග වෙනුවෙන් ප්‍රකාශයක් ඉදිරිපත් කළ පවුලේ සාමාජිකාවක් කියා සිටියාය.

ඇය එම ප්‍රකාශය කළේ ලසන්ත වික්‍රමතුංග ඝාතනයට අදාළ පරීක්ෂණවල මන්දගාමීභාවය සම්බන්ධයෙන් කනගාටුව පළ කරමිනි.

ලසන්ත වික්‍රමතුංග ඝාතනය සිදු කොට වසර නවයක් සම්පූර්ණ වෙයි.

"දේශපාලනයට සම්බන්ධ නැති අපරාධකරුවන් මිනීමැරුමක් කළොත් ඉක්මනින් විභාග කරනවා"

ඒ නිමිත්තෙන් අද ලසන්ත වික්‍රමතුංග සොහොන් ස්මාරකය අසළට පැමිණි සිටි ඔහුගේ පවුලේ ඥාතීන් හා හිතමිතුරෝ වසර නවයක් ගත වී ඇතත් මරා දමන ලද මාධ්‍යවේදියා වෙනුවෙන් යුක්තිය ඉටු නොකිරීම සම්බන්ධයෙන් ඔවුන්ගේ කනගාටුව පළ කළහ.

ලසන්ත වික්‍රමතුංග වෙනුවෙන් කලින් පැවති මෙවැනි සමරු උත්සව දේශපාලනඥයන්ගෙන් පිරී තිබුනත් අද උදෑසන පැවති සමරුවට සහභාගී වූ එකම දේශපාලකයා වුණේ හිටපු මුදල් අමාත්‍ය රවී කරුණානායක පමණි.

'සන්ඩේ ලීඩර්' පුවත් පතේ කතෘවරයාව සිටි මාධ්‍යවේදී ලසන්ත වික්‍රමතුංග රත්මලානේ සිය කාර්යාලය වෙත සිය මෝටර් රථයෙන් ගමන් ගනිමින් සිටියදී, අත්තිඩිය ප්‍රදේශයේදී ඝාතනය කරන ලද්දේ 2008 වසරේ ජනවාරි 08 වෙනි දිනයි.

එම අපරාධයෙන් අනතුරුව වසර නවයක් කාලයක් ගතවී ඇතත් ලසන්ත වික්‍රමතුංග ඝාතකයන් හෙළිකර ගැනීමට පොලිසිය තවමත් අපොහොසත්ව ඇත.

2015 වසරේදී වත්මන් ආණ්ඩුව බලයට පත් වූ පසු ලසන්ත වික්‍රමතුංග ඝාතකයන් සොයා ගැනීමේ කාර්යය අපරාධ පරීක්ෂණ දෙපාර්තමේන්තුවට භාර දුන් නමුත් වසර තුනක් ගත වී ඇතත් තවමත් එහි අවසන් ප්‍රතිඵලයක් ලැබී නැත.

අදාළ පරීක්ෂණ එහි අවසාන අදියරේ පවතින බව ආණ්ඩුව නිතර ප්‍රකාශ කළත් එම ප්‍රකාශන මැතිවරණ ප්‍රයෝජන සඳහා සිදු කරනු ලබන ඒවා බව ආණ්ඩුවට එරෙහිව නැගෙන චෝදනා මගින් පැවසෙයි.

අගමැති රනිල් වික්‍රමසිංහ එක්සත් ජාතික පක්ෂයේ 70 වැනි සංවත්සරය සඳහා පසුගිය දා නිකුත් කල නිවේදනයේත් ලසන්ත වික්‍රමතුංග ඝාතකයන්ට දඬුවම් දීම සඳහා ආණ්ඩුව කැප වන බවක් සඳහන් කර තිබුණි.

පරීක්ෂණ කොතැනද ?

"පරීක්ෂණ සිදු කෙරෙමින් පවතිනවා."යම් යම් බාධා කිරීම්" නැත්නම් අපට මීට වඩා ප්‍රගතියක් අත්කර ගන්න තිබුණා. මෙය වසර ගණනක් හංගපු දෙයක්. ඒ නිසා යම් කාලයක් ගත වෙනවා" සිය නම සඳහන් කිරීමට අකැමැති අපරාධ පරීක්ෂණ දෙපාර්තමේන්තුවේ නිලධාරියෙක් පරීක්ෂණ වල ප්‍රගතිය ගැන බීබීසි සිංහල සේවයට අදහස් දක්වමින් කියා සිටියේය.

ලසන්ත ඝාතනය පිළිබඳව සිදු කෙරෙමින් ඇති පරීක්ෂණයට සම්බන්ධ එම නිලධාරියා "යම් යම් බාධා කිරීම්" ලෙස හඳුන්වන්නේ ආරක්ෂක අංශ වලට සම්බන්ධ හිටපු ප්‍රධානීන්ගෙන් ප්‍රශ්න කිරීම අතින් එල්ල වූ විවිධ බාධා කිරීම්ය.

ලසන්ත ඝාතනයට හමුදා බුද්ධි අංශ සම්බන්ධයක් ඇතැයි පොලිසිය සැක කරන අතර ඒ අනුව 2017 වසර මුලදී හමුදා බුද්ධි අංශ සාමාජිකයන් කීප දෙනෙක් අත්අඩංගුවට ගනු ලැබුණි.

ලසන්ත වික්‍රමතුංග ඝාතනය මෙන්ම මාධ්‍යවේදී ප්‍රගීත් එක්නැලිගොඩ අතුරුදහන් වීම සහ මාධ්‍යවේදී කීත් නොයාර්ට පහර දීමට සම්බන්ධ බවට සැක කෙරෙන හමුදා බුද්ධි අංශ නිලධාරීන්ද මෙලෙස අත්අඩංගුවට ගැනීම් පසුගිය කාලයේ සිදු කරනු ලැබුණි.

හමුදා බුද්ධි අංශ එම අපරාධවලට සම්බන්ධ නම් පරීක්ෂණ ඉදිරියට ගෙන ගොස් ඔවුන්ට උපදෙස් දුන් පුද්ගලයන් අත්අඩංගුවට ගැනීමට පොලිසිය තවමත් අසමත්වීම සම්බන්ධයෙන් ද සමාජ කතිකාවක් ඇත.

සාක්ෂි නොමැති වීම එවැනි අත්අඩංගුවට ගැනීම්වලට බාධාවක් වී ඇති බව එක් අතකින් ප්‍රකාශ වෙන අතර , ආරක්ෂක අංශයේ හිටපු ප්‍රධානීන් අත්අඩංගුවට නොගන්නා ලෙස ආණ්ඩුවේ ප්‍රබලයකුගෙන් නියෝගයක් ලැබී ඇතැයි තවත් පිරිසක් පවසති.

විශේෂයෙන්ම රණවිරුවන් අත්අඩංගුවට ගන්නා බවට එල්ල වෙන චෝදනා වලින් මිදීම සඳහා ආරක්ෂක අංශයේ හිටපු ප්‍රධානීන් අත්අඩංගුවට ගැනීම වළක්වා ඇත යන්න ඔවුන්ගේ මතය වෙයි.

ලසන්ත වික්‍රමතුංග ඝාතනයෙන් හිටපු ආරක්ෂක ලේකම් ගෝඨාභය රාජපක්ෂගේ මෙන්ම හිටපු හමුදාපති සරත් ෆොන්සේකාගේ නම් කියැවුණත් ඔවුන් දෙදෙනා විසින්ම එම ප්‍රකාශන ප්‍රතික්ෂේප කරනු ලැබ ඇත.

"මේ ගැන කතා කරලා වැඩක් නැහැ, ඔක්කොම හොයා ගත්තාය කියල කිව්වා. නමුත් මොකුත් වෙන්නේ නැහැ. අපි දැන් ඒ ගැන කතා කරන්නේවත් නැහැ. මොකද එය කාලය නාස්ති කිරීමක් විතරයි" සන්ඩේ ලීඩර් හිටපු මාධ්‍යවේදිනී මන්දනා ඉස්මයිල් තම කතුවරයා ගේ ඝාතනය ගැන සිදු කෙරෙන පරීක්ෂණ ගැන බීබීසි සිංහල සේවයට අදහස් දක්වමින් කියා සිටියාය.

ශ්‍රී ලංකාවේ මාධ්‍යවේදීන්ට සහ මාධ්‍ය ආයතනවලට එරෙහිව සැලසුම් සහගතව සිදු කළ අපරාධ සම්බන්ධයෙන් පරීක්‍ෂණ අවසන් කොට, යුක්තිය ඉටු කිරීමක් ඉතිහාසය පුරා ම සිදු වී නොමැති බව නිදහස් මාධ්‍ය ව්‍යාපාරය පසුගිය දා ප්‍රකාශ කළේය.

ජනමාධ්‍යවේදීන් වෙනුවෙන් යුක්තිය ඉටු කිරීම සඳහා පූර්ණ බලැති ජනාධිපති කොමිසමක් පත් කරන ලෙස නිදහස් මාධ්‍ය ව්‍යාපාරය ඇතුළු ජනමාධ්‍ය සංවිධාන ජනාධිපති මෛත්‍රිපාල සිරිසේනගෙන් අවස්ථා ගණනාවක දී ඉල්ලීම් කර ඇත.

bbc

පසුගිය මාස කිහිපය තුළ ලෝකයේ දකුණු අර්ධ ගෝලයේ ඇන්ටාටිකාවේ සිදු වූ සිදුවීමක්‌ සමග ලෝකයේ දේශගුණික හා කාලගුණික විද්‍යාඥයින්ගේ විශේෂ අවධානයට යොමු වී තිබෙනවා. එයට හේතු වී ඇත්තේ ඇන්ටාටිකාවේ විශාල ප්‍රදේශයක්‌ වර්ග කි.මී. 4000 කටත් අධික ප්‍රදේශයක ඝනව තිබූ ගොඩබිම අයිස්‌ ප්‍රමාණයක්‌ කුට්‌ටියක්‌ වශයෙන් වෙන් වී දිය වී යාමේ තර්ජනයකට මුහුණ දීමයි. ඇත්තටම දක්‌ෂිණ අර්ධ ගෝලය තුළ ඇන්ටාටිකාව ලෝකයේ අයිස්‌වලින් 90% කට ආසන්න ප්‍රමාණයක්‌ රැඳී තිබෙනවා.

ශ‍්‍රීලංකන් සහ මිහින් ලංකා ගුවන් සමාගම්වල සිදු වූ බවට සැක කරන මූල්‍ය අක‍්‍රමිකතා සොයා බැලීම සඳහා ජනාධිපති පරීක්ෂණ කොමිෂන් සභාවක් ජනවාරි මාසයේ මුල් භාගයේදී පත්කරන බව ජනාධිපති මෛත‍්‍රීපාල සිරිසේන මහතා පසුගිය දා ප‍්‍රකාශ කළා.

පුද්ගලයකුගේ ජීවිතය තත්පර ගණනකින් වෙනස් වෙන්න පුළුවන්. විනාඩි ගණනකින් වෙනස් වෙන්නත් පුළුවන්. පැය ගණනකින්, දවස් ගණනකින් නැතිනම් වසර ගණනාවකින් වෙනස් වෙන්නත් පුළුවන්.

බුදු දහම කියන්නෙ ආසියාතික කලාපයේ ආගමක්‌ කියලා තමයි බොහොම දෙනා හිතන්නෙ. ඒත් ඒ මතය මුළුමනින්ම නිවැරදි නැහැ. බුදුදහම කියන්නෙ ආසියාකරයෙන් පිටතදිත් සියවස්‌ ගාණක්‌ පුරා නොනැසී පැවතුණු ධර්මයක්‌. ඒ අපූරු කතාව කියන්නට නම් සියවස්‌ ගාණක එපිට අතීතයක්‌ හාරාවුස්‌සන්නට වෙනවා.

ඊජිප්තුවේ අස්වාන් නගරය ආසන්නයෙන් මෑතක සිදුකළ පුරාවිද්‍යාත්මක කැණීම් මගින් වසර 3000 වැඩි කාලයකට ඉහත දී මිහිදන් කළ ළමුන් සිව් දෙනෙකුට අයත් ඇටසැකිලි සොයා ගත් බව බලධාරීහු පවසති.

ස්වීඩන සහ ඊජිප්තු ඒකාබද්ධ කණ්ඩායමකට එලෙස හමු වූ එක් ඇටසැකිල්ලක ඖෂධ ගල්වා සංරක්ෂණය කිරීමට යොදා ගත් හණ රෙදි (ලිනන්) තිබු බව පුරාවස්තු අමාත්‍යාංශයේ ප්‍රධානී ආචාර්ය අයිමන් ඇශ්මවි ප්‍රකාශ කළේය.

මිහිදන් කළ මිනිස් ඇටසැකිලි ඊජිප්තුවේ 18 වෙනි රාජවංශය දක්වා දිව යයි. (ක්‍රි.පූ 1549/1550 - 1292)
මේ අතර ඊජිප්තු සහ ඔස්ට්‍රියානු ඒකාබද්ධ කණ්ඩායමක් විසින් සොහොන් බිමක කොටසක් සොයා ගනු ලැබ ඇති අතර ස්විට්සර්ලන්ත කණ්ඩායමක් විසින් කාන්තා ප්‍රතිමාවක් සොයා ගනු ලැබ ඇත.

පුරාවිද්‍යාඥයන් විසින් භූමදානය කළ මිනිස් මළ සිරුරුවලට අයත් ඇටසැකිලි සොයාගනු ලැබුවේ ගෙබෙල් අල්-සිල්සිලා පුරාවිද්‍යා භූමි ප්‍රදේශයෙනි.

අවුරුදු දෙකත් තුනත් අතර වයසේ පසු වූ කුඩා දරුවෙකු වෙනුවෙන් නිර්මාණය කර ඇති එක් සොහොන් ගැබක් ගලක් තුළ නෙළා ඇත.

මළ සිරුර ඔතන ලද රෙදිවලට අමතරව, මෘත දේහය බහාලූ ලී පෙට්ටියේ අවශේෂ අතර තිබී කාබනික කොටස් හමුවී තිබේ.
අවුරුදු හයත් නවයත් අතර වයසේ පසු වූ දරුවෙකු සහ අවුරුදු පහත් අටත් අතර වයසේ පසු වූ දරුවෙකු දෙවන හා තෙවන වලවල් තුළ මිහිදන් කර ඇත. ඔවුන් මිහිදන් කිරීම සඳහා ද ලී පෙට්ටි යොදා ගනු ලැබ තිබේ. ආරක්ෂාවට බඳින සුරයක් සහ මැටියෙන් කරන ලද වළන් කට්ටලය බැගින් එම වලවල් තුළ තිබී සොයා ගනු ලැබ ඇත.

සිව් වෙනි වල අයත් වන්නේ ද අවුරුදු පහත් අටත් අතර වයසේ පසු වූ දරුවෙකුටය.

නව සොයා ගැනීම් මගින් තට්මොසිඩ් යුගය හෙවත් 18 වෙනි රාජවංශ යුගයට අයත් මිහිදන් කිරීමේ චාරිත්‍ර මෙන්ම සමාජීය, ආර්ථික සහ ආගමික වත්පිළිවෙත් පිළිබඳ නව මානයක් පෙන්නුම් කරනු ඇති බව ස්වීඩනපුරාවිද්‍යා මෙහෙයුම් කණ්ඩායමේ ප්‍රධානී ආචාර්ය මරියා නිල්සන් පවසන්නීය.

ගෙබෙල් අල්-සිල්සිලා පුරාවිද්‍යා භූමි ප්‍රදේශයෙන් මේ දක්වා සොයා ගනු ලැබ ඇති සොහොන් ගැබ් සංඛ්‍යාව 69 කි.

මේ අතර වසර 4000 වඩා පැරණි ඊජිප්තුවේ පළමු මධ්‍යතන යුගය දක්වා දිවෙන සොහොන් භූමියක කොටසක් සොයා ගැනීමට කොම් ඔම්බො (Kom Ombo) නගරයේ කඳු ගැටයක ගවේශණයේ යෙදුනු ඊජිප්තු සහ ඔස්ට්‍රියානු ඒකාබද්ධ කණ්ඩායමක් සමත් වී තිබේ. හුණු ගලෙන් නිර්මාණය කර ඇති සෙන්ටි මීටර 38 පමණ උසැති හිස රහිත ප්‍රතිමාවේ පාද සහ දකුණත දක්නට නොමැත.

ප්‍රතිමාවේ දක්නට ඇති වස්ත්‍රය සහ ග්‍රීක දෙවගනක් වන ආතමිස්ගේ වස්ත්‍ර අතර සමානකම් දක්නට ඇති බව ප්‍රදේශයේ පුරාවස්තු පිළිබඳ ප්‍රධානි අබ්දෙල් මෝනිම් සයීඩ් පැවසීය.

ශ්‍රී ලංකාවේ ප්‍රධාන තේ ගැනුම්කරුවකු වන රුසියාව පසුගියදා අපේ තේ තහනමට ලක්‌ කිරීමට ගෙන ඇති තීරණය නිසා අපේ තේ අලෙවිය සම්බන්ධයෙන් මේ වනවිට දැවැන්ත අර්බුදයක්‌ මතුව තිබේ. මේ ගැන දැන් රට තුළ පුළුල් සංවාදයක්‌ ඇතිව තිබෙන අතර රජය උත්සාහ කරන්නේ රාජ්‍ය තාන්ත්‍රික සබඳතා භාවිතා කරමින් ශ්‍රී ලංකාවට පනවා තිබෙන තේ තහනම කෙසේ හෝ කඩිනමින් ඉවත් කර ගැනීමටය.

Features

Image

Stats

There are 28559 listings, 863 categories and 102 owners in our website