Features

බලන්ගොඩ, පහළ වලේබොඩ ප්‍රදේශයේ රක්ෂිතයක වන ලැහැබක සැඟව තිබූ මෙතෙක් දේශීය විදේශීය සංචාරකයන්ගේ ඇස නොගැටුණු අඩි සියයක් පමණ උසින් යුත් දිය ඇල්ලක් සොයාගත් බව ප්‍රදේශවාසීහු පවසති.

සමනල රක්‍ෂිතයෙන් පෝෂණය වී පහළට ගලා බසින බුදුගේ ඔයේ ගල් පොත්තකින් නිර්මාණය වී ඇති මෙම දිය ඇල්ල පහළ ඇති කළු ගල්වලින් නිර්මාණය වුණු අපූරු ජල තටාකය මතට ඇද වැටේ.

මෙම දිය ඇල්ල සොයාගත් ප්‍රදේශවාසීහු කිහිපදෙනෙක් මෙලෙස අදහස් දැක්වූහ.

ඉමුලපේ ප්‍රාදේශීය සභාවේ හිටපු උපසභාපති එස්.ඒ. රත්නපාල වලේබොඩ මහතා,

"මෙම දිය ඇල්ල උතුරු වලේබොඩ හා කට්ටඩිකන්ද ග්‍රාම සේවා වසම් දෙකට අයත් පහළ වලේබොඩ ප්‍රදේශයේ බුදුගේ ඔයෙන් නිර්මාණය වී තිබෙනවා. දිය ඇල්ල මෙතෙක් දේශීය හෝ විදේශීය සංචාරකයන්ගේ ආකර්ෂණයට ලක්ව නැහැ. මේක අපි අලුතෙන් සොයාගත් දිය ඇල්ලක්. මේ දිය ඇල්ල බුදුගේ ඔයෙන් ගලා බසින නිසා අපි 'බුදුඔය ඇල්ල' ලෙස නමක් යෝජනා කරනවා. මෙම දිය ඇල්ල ඇති ස්ථානය සඳහා මාර්ගයක් ඉදිකර සංචාරකයන්ට දිය ඇල්ල හා අවට පරිසරය නැරඹීම සඳහා පහසුකම් සලසා දෙන ලෙස සබරගමුව පළාතේ සංචාරක අමාත්‍යාංශයෙන් ඉල්ලා සිටිනවා"

පැණි පංගුව උපතැපැල් ස්ථානාධිපති එස්. ඒ. ජයසේකර මහතා,

"මෙම දිය ඇල්ල අඩි සියයක් පමණ උසින් යුක්තයි. අඩි හැටක් පමණ පළලයි. දිය ඇල්ල පිහිටා තිබෙන ප්‍රදේශයට පහසුවෙන් ගමන් කිරීමට හැකියාවක් තිබෙනවා. සිත්ගන්නා සුලු ආකාරයේ රමණීය දිය ඇල්ලක් කියලා මේ අලුත් දිය ඇල්ල හඳුන්වන්න පුළුවන්. බලන්ගොඩ නගරයේ සිට ගුරුබැව්ල හරහා පහළ වලේබොඩ මාර්ගයේ හෝ බලන්ගොඩ සිට සීතගල හරහා පහළ වලේබොඩ මාර්ගයේ කිලෝමීටර් විස්සක් පමණ ගමන් කළ විට මෙම දිය ඇල්ල නැරඹීමට හැකියාව පවතිනවා"

වලේබොඩ ධර්මදාස මිණින්කුඹුර මහතා,

"ගේත් ගතටත් සිතටත් ප්‍රබෝදයක් ගෙන එන මෙම දිය ඇල්ල වරක් දෙවරක් නොව සිය වරක් නැරඹුවත් අමුතු චමත්කාරයක් ගෙනදෙන්නක්. රත්නපුර දිස්ත්‍රික්කයේ ඇති අනිත් දිය ඇලි බොහොමයක් නරඹන්න තියෙන්නේ දිය ඇල්ලේ ඉහළ ප්‍රදේශයේ සිටයි. ඒත් මේ දිය ඇල්ලේ විශේෂත්වය තමයි මේක ඔනෑම සංචාරකයෙකුට මෙන්ම කුඩා දරුවකුට වුවත් පහසුවෙන් පහළ සිට නැරඹීමේ හැකියාව තිබෙනවා. මෙතැන ඉතා ආරක්ෂිත ස්ථානයක්. මෙම දිය ඇල්ල පහළ ඇති කළුගල්වලින් නිර්මාණය වුණු අපූරු ජල තටාකයකට එකතු වෙනවා."

බලංගොඩ රෝහණ වසන්ත (අද)

කොළඹ ජාතික රෝහලේ හෘද රෝග ඒකකයේ ශීඝ්‍රයෙන් පැතිර යන මකුණු වසංගතයක් හේතුවෙන් රෝගීන් දැඩි අපහසුතාවට පත්ව ඇතත් බලධාරීන්ට තවමත් ඊට විසඳුමක් ගත නොහැකි තත්ත්වයට පත්ව ඇතැයි වාර්තා වේ.

මකුණු වසංගතය මර්දනය කිරීමට අවශ්‍ය ප්‍රතිකර්ම යෙදීමට නම් රෝගීන් දින කිහිපයක් ඒකකයෙන් ඉවත් කළ යුතු අතර රෝගීන් ඉවත්කර ගත නොහැකි වීමේ ප්‍රායෝගික අපහසුකම් නිසා මේ වනතුරුත් ගැටලුවට විසඳුම් ගැනීමට නොහැකි වී ඇත.

මකුණු වසංගතය නිසා පසුගිය වසරේත් ජාතික රෝහලේ ඒකක කිහිපයක් වසා දැමීමට සිදුවිය. (am)

කොළොන්නාවේ නොහොත් මීතොටමුල්ලේ සුප්‍රකට කුණු කන්ද නායගොස්‌ මහා විනාශයක්‌ සිදුව තිබේ. අවම තරමින් මිනිස්‌ ජීවිත 32 ක්‌ මේ මහා ෙ€දවාචකය නිසා කුණු කන්දට යට වී අහිමි වූ අතර, දේපළ විනාශයද සුළු පටු නොවේ. අපේ රටෙන් මෙවන් ෙ€දවාචකයක්‌ වාර්තාවන්නේ ප්‍රථම වතාවටය. එනම්, ජනතාවට මෙවන් අත්දැකීමක්‌ ලැබෙන්නේ ප්‍රථම වතාවටය.

එය හරියට 2004 වසරේ රටට බලපෑ " සුනාමි" ව්‍යසනය මෙනි. එනමුත්, ලෝකයේ මෙවන් කුණු කඳු නායගොස්‌ ජීවිත දේපළ හානි සිදු වු අවස්‌ථා මීට පෙර වාර්තා වී තිබේ. ආසන්නතම සිදුවීම වාර්තා වුයේ ඉතියෝපියාවෙනි. පසුගිය මාර්තු මාසයේදී (15දා) සිදු වු මෙවැනිම ෙ€දවාචකයකින් ජීවිත ගණනාවක්‌ (113 ක්‌) අහිමි විය.

ශ්‍රී ලංකාවේ ආපදා කළමනාකරණ අමාත්‍යාංශයේ කිසිවකු හෝ ආපදා කළමනාකරණ මධ්‍යස්‌ථානයේ කිසිවකු හෝ එය දන්නේ දැයි හෝ දැන සිටියේ දැයි හෝ අපි නොදනිමු. එය දැනසිට, අපේ කුණු කන්දකින්ද එසේම සිදුවිය හැකි යෑයි උපකල්පනය කරන්නටවත් නොහැකි වූ ශ්‍රී ලංකාවේ ආපදා කළමනාකරණය "බලු" වටින්නේ යෑයි මේ අනුව අපට ප්‍රකාශ කළ හැකිය. මන්ද හැමදාමත් අපේ රටේ ආපදා කළමනාකරණයෙන් කරන්නේ මහා ෙ€දවාචකයක්‌ සිදු වු විට ඊට මැදිහත් වී සංඛ්‍යා ලේඛණ ටිකක්‌ ඉදිරිපත් කිරීම හෝ "බත් පැකට්‌ ටිකක්‌" බෙදා හැරීම වැනි ප්‍රාථමික කාර්යයක්‌ පමණක්‌ වන නිසාය. නැතහොත් "පසු" ආපදා අවස්‌ථාවේදී ඊට සහන සැලසීම පමණක්‌ වන නිසාය.

එනමුත් ආපදාවකදී "පෙර ආපදා" "ආපදා අවස්‌ථාව "පසු ආපදා" අවස්‌ථාව වශයෙන් අවස්‌ථා තුනක්‌ ඇති නමුත් පෙර ආපදා අවස්‌ථාව නොහොත්, ආපදාවට පෙර, ආපදාවක්‌ යන්න කුමක්‌ද හඳුනාගෙන ඊට සහන සැලසීමේ, අනාගතය කියෑවීමේ, අනාවැකි කීමේ හෝ උපකල්පන මත සිට හෝ වැඩකිරීමේ හැකියාවක්‌ නැති අපේ රටේ ආපදා කළමනාකරණය තවමත් ඇත්තේ "මොන්ටිසෝරි" යුගයකය.

එසේ නොවන්නේ නම්, ඉතියෝපියාවේ කුණු කන්ද කඩාගෙන වැටී ජීවිත දේපළ බිලිගනිද්දී අපේ ආපදා කළමනාකරණයටත් එහිදී ඇස්‌ ඇරෙන්නට තිබිණි. එසේ වූයේ නැත. එහෙත්, ඔරුගොවත්ත වැල්ලම්පිටිය මාර්ගයේ පසුගිය දිනවල ගමන් කළ කාට හෝ මේ විසල් කුණු කන්ද දුටුවිට සිහිපත් වූ කාරණය නම්, " මේ කුණු කන්ද කොයි මොහොතේ හෝ කඩා වැටේවි"යන භයංකාර සිතිවිල්ලය. ඒ තරමටම කිසිදු විද්‍යාත්මක පදනමකින් තොරව මේ කසළ කන්දේ "බැකෝ" කාරයන්ට උවමනාපරිදි කුණු උඩට, උඩට ගොඩගසන ලද්දේය. සමබර නොවිණි. පාදස්‌ථය අස්‌ථාවරව තිබිණි.

කොළඹ මහ නගර සභාවේ හෝ, මේ කුණු කන්දට වගකිවයුතු, සබඳකමක්‌ තිබූ කිසිදු රාජ්‍ය පෞද්ගලික ආයතනයක මොළේ කළඳක්‌ ඇත්තෙකු නොහිටියේ යෑයි අපට උපකල්පනය කළ හැකිය. ඉංජිනේරු අංශද තවත් මෙකී නොකී " පඩි ලබන" අංශ කොතෙකුත් කොළඹ මහ නගර සභාව ඇතුලු තවත් ආයතනවල හිටියත්, කොළොන්නාව මීතොටමුල්ලේ කුණු කඳු ගොඩගැහුවේ "සත්තු" සිදු කරන විදිහටය.

මේ කුණු ගොඩගැසීමේ කිසිදු විද්‍යාත්මක ක්‍රමවේදයක්‌ පැවතියේ නැත. නිකං ඔහේ කුණු දාන්නම් වාලේ මීතොටමුල්ල වගුරු බිමට කුණු දමා, විශ්වාස කළ නොහැකි තත්ත්වයේ කුණු ගොඩක්‌ නිර්මාණය කළේම කිසිදු "පදනමක්‌" නැතිවය. මෙහිදී අප පදනමක්‌ යෑයි කීවේ ශක්‌තිමත් "පාදමක්‌" යන්නය. වගුරු බිමකට කුණු කසළ පුරවන්නට ඕනෑම මෝඩයකුට පුළුවන්ය. ඕනෑම මෝඩයකුට යුද්ධ කරන්න පුළුවන් යෑයි ප්‍රකට දේශපාලකයකු කී " මෝඩ" කතාවක්‌ මෙහිදී අපට සිහිපත් වේ.

නමුත් එසේ නොව සැබැවින්ම හිස්‌ ඉඩම්වලට පදනමකින් තොරව කුණු පුරවන්නට කටයුතු කිරීම මේ දියුණු යුගයේ සිදුකරන අන්ත මෝඩ කටයුත්තකි. එය හරියට නුවර පාරේ මානෙල්ගම වගුරු හා ඇළමාර්ගවලට කැලණිය ප්‍රාදේශීය සභාවෙන්ද, වේයන්ගොඩ පත්තලගෙදර ජනාකීර්ණ පොල් වගාවකට ගම්පහ, අත්තනගල්ල ඇතුලු පළාත් පාලන ආයතන මගින් කසළ ගොඩ කරන මෝඩ තුච්ඡ කටයුත්තට සමානය. නොහොත්, මෙරටේ පළාත් පාලන ආයතන බහුතරය සිදු කරනු ලබන්නේද කිසිදු වගකීමක්‌ නැති අන්ත මෝඩ, මොන්ටිසෝරි මට්‌ටමේ කසළ බැහැර කිරීමකි. එහි අති සුවිශාල වු ජයග්‍රහණය අත්කරගෙන සිටින්නේ කොළඹ මහ නගර සභාවය.

මේ රටේ ආචාර්ය, මහාචාර්ය, විද්වතුන්, විද්‍යාඥයන්, රටේ නායක කාරකාදීන්, පරිසර ඇමතියන්, කසළ ඇමැතියන්, කොළඹ හා බස්‌නාහිර පළාත් "ගොඩදාන" ඇමැතියන්, පළාත් මහ ඇමැතියන්, පරිසර හා කසළ ඔස්‌තාර්වරුන්, එන්ජීඕ කාක්‌කන්, යුද්ධය හා සාමය ගැන කතා කරන්නන්, රටට බණ දේශනා කරන්නන් ඇතුලු "හැට හුට හමාරක්‌" වූ තමන්ම විද්වතුන් යෑයි කියා ගන්නා තක්‌කඩි රැළක්‌ දිවිගෙවන කොළඹ නගරයේ කසළ කළමනාකරණයේ අබමල් රේණුවක වැඩ කොටසක්‌ මෙතෙක්‌ සිදු වී නැත.

ඒ වෙනුවට කුණු කඳු ගොඩ ගසා කුණු කන්දකට ජීවිත තිස්‌ ගණනක්‌ බිලිදීම සැබැවින්ම ඉහත කී උන්ගේ රෙදි උනා දමන විලි ලඡ්ජාව ලෝකයට ප්‍රදර්ශනය කරන සිදුවීමකි. දැන් ඉතින් කසළ කළමනාකරණය ගැන මොන උගතා මොන දේශපාලකයා මොන දේ කිව්වත් අපට කියන්නට ඇත්තේ "ලෝකෙට පරකාසේ ගෙදරට මරගාතේ" යෑයි කීවා සේ මුන්ගේ කසළ කළමනාකරණයේ " වැදි බණ" "රෙද්දපල්ලේ බේරෙන" බවකි. එබැවින් ඔය කියන කතන්දරය කියන්නටත් පෙර තමන්ගේ රෙද්ද පල්ලේ බේරෙන විලි ලඡ්ජාවට ප්‍රතිකර්මයක්‌ කරගත යුතු බවද මෙහිදී අපට සිහිපත් කරන්නට සිදුවේ.

සැබැවින්ම වගුරු බිමකට හෝ නිසරු යෑයි සලකන බිමකට කසළ බැහැර කිරීම "කසළ කළමනාකරණය" නොවේ. ඒ අතින් කොළඹ නගරය (හෝ නගර සභාව) තවමත් ඉන්නේ ඉතා නොදියුණු ප්‍රාථමික යුගයකය. වසර ගණනාවක්‌ තිස්‌සේ පටන් කොළඹ 13 බ්ලුමෙන්ඩල් ප්‍රදේශයේ ජනාකීර්ණ වගුරු බිමක්‌ ගොඩකර හැදූ වියළි කුණු කන්ද ලෝකය පුරා ජනප්‍රිය විය. එහෙත් නැගුණු ජනතා විරෝධය හමුවේ සහ පරිසර සංවිධානවල අධිකරණ ක්‍රියා මාර්ග හමුවේ බ්ලුමෙන්ඩල් කුණු කන්ද, තවදුරටත් කසළ බැහැර කරන තැනක්‌ හැටියට භාවිත නොකිරීම සඳහා ශ්‍රේෂ්ඨාධිකරණය තහනම් නියෝගයක්‌ නිකුත් කරන ලද්දේය. ඉන්පසු අන්ත අසරණ වූ කොළඹ කුණු බැහැර කිරීම කොළොන්නාවට (මීතොටමුල්ලට) ගියේද ජනතා විරෝධය මත බව ද අපේ මතකයේ තිබේ.

කොළොන්නාව නගර සභාවේ කසළ බැහැර කරන අංගනයක්‌ ලෙස භාවිතා කළ මෙතැනට, කොළඹ දිනකට එකතුවන කසළ ටොන් 700 ක පමණ ප්‍රමාණයක්‌ ගෙනවිත් දැමීම සුළුපටු ක්‍රියාවක්‌ වන්නේද? පළමුවෙන්ම කොළොන්නාව නගර සභාවේ විරෝධයක්‌ද මේ සඳහා උද්ගතවූ නමුත්, කොළඹ කුණු මීතොටුමුල්ලේ ගොඩගසන්නට ඉඩදීම කොළොන්නාව නගර සභාවේ බලධාරීන් ගත් අදූරදර්ශී කොන්ද පණ නැති, අකටයුත්තක්‌ සේ අපි දකිමු.

සැබැවින්ම විය යුතුව තිබුණේ බ්ලූමැන්ඩල් ජනතාව ජයග්‍රහණය කළා සේ මීතොටුමුල්ලේ ජනතාවටද ඒ අධිකරණ සාධාරණත්වයම ලැබිය යුතු වීමය. එනමුත් කොළාන්නාව නගර සභාව අහක බැලුවත්, එහි ජනයා ඒකරාශී වී, මීතොටුමුල්ල කසළ කන්දෙන් ජනතාව සුරැකීමේ ජනතා බලවේගයක්‌ ගොඩනැගුවේය. ඔවුන් තමන්ට නිදහසේ දිවි ගෙවීමට වීදි බැස්‌සෙත් පහුගිය රජයෙන් මේ විරෝධතාකරුවන්ට උරුම වූයේ පොලිස්‌ බැටන්පොලු ප්‍රහාර, ජල ප්‍රහාර විදීම වැනි යකඩ සපත්තුකරුවන්ගේ මර්දනකාරී ක්‍රියාමාර්ගය.

කීර්තිරත්න පෙරේරා වැනි සැබෑ ජනතා නායකයින්ගේ අත්පා බිඳ දමා, ඔළුපලන්නට පොලිසිය යෙදවූ පාලකයින්ම අද ලඡ්ජා නැතිව කසල කන්දට යටවී මියගිය කීර්තිරත්නගේ බිරිඳ දරු මුනුපුරන් ඇතුලු මීතොටුමුල්ලේ ජනතාව වෙනුවෙන් කිඹුල් කඳුළු හෙළීම දේශපාලනයේ පාදඩ බව කියාපාන්නකි. බ්ලූමැන්ඩල් ජනතාව මෙන් මීතොටුමුල්ලේ කසළ කන්දේ ප්‍රශ්නයෙන් කීර්තිරත්නලාට ජයග්‍රහණය ලබන්නට නොහැකි වුවද, මේ රටේ කප්පරක්‌ රාජ්‍ය නායකයන්ට, දේශපාලකයන්ට, නිලධාරීන්ට, හා කසළ ඔස්‌තාර්වරුන්ට කසළ කළමනාකරණයේ පාඩම කියා දෙන්නට කීර්තිරත්නලා ගත් ක්‍රියාමාර්ගය ලෝක ඉතිහාසයේ ලියෑවෙනු ඇත.

කීර්තිරත්නලාගේ විරෝධයෙන් සිදුවූ එක්‌ යහපතක්‌ විය. එනම්. පසුගිය රජය මීතොටමුල්ලේ කසළ කන්ද පුත්තලමේ අරුවක්‌කාලු ප්‍රදේශයේ (විල්පත්තු මායිමේ කල්පිටිය කළපුව අසල) ඇති සිමෙන්ති සංස්‌ථාවට හුණුගල් ලබා ගන්නා දැවැන්ත වළවල් තුළට දමා වසා දැමීමට තීන්දුවක්‌ ගැනීමය. එහෙත් සිදුවූයේ පරිසරවේදීන්ගේ විරෝධය ඊට එල්ල වීමය. මේනිසා විල්පත්තු වනෝද්‍යානයටත්. කල්පිටිය මුහුදු කලාපයටත්. අරුවක්‌තාලු ප්‍රාග් ඓතිහාසික පාෂාණ කලාපයටත් මහා විනාශයක්‌ මේ නිසා සිදුවන බවට පරිසරවේදීහු කියා සිටියහ. සැබැවින්ම ඔවුන්ගේ අනාගත දැක්‌ම අප පැසසිය යුත්තකි.

බ්ලූමැන්ඩල් කුණුකන්ද කොළොන්නාවට ගෙන ගියාක්‌ මෙන් කොළොන්නාවේ කුණු කන්ද පුත්තලමේ අරුවක්‌කාලුවලට දුම්රියෙන් රැගෙන ගොස්‌ බැහැරලීම කොළඹ කසළ ප්‍රශ්නයට විසඳුමද? එය ආසියාවේ ආශ්චර්යයක්‌ වන්නේ කෙලෙසදැයි අපට නම් තේරුණේ නැත. හුදෙක්‌ තැනකින් තැනකට ගෙන ගොස්‌ කසළ ගොඩගැසීමේ අඳබාල තීන්දුව සිදුනොකර මෙරට බලධාරීන් සිදුකළ යුත්තේ, කොළඹ නගරයේ (හෝ රටේම) කසළ ජනනයවීම අවම කිරීම සඳහා ක්‍රියාමාර්ග ගැනීම හා කසළ "කළමනාකරණය" යන්න ප්‍රායෝගිකවම සිදුකිරීමය.

නීති මගින් හා හොඳ පුරුදු මගින් කසළ ජනනය අවම කළ හැකිය. ගෙදරදීම කසළ තෝරාදීමට ක්‍රියා කිරීමෙන් (නීති මගින් හෝ) කසළ කළමනාකරණය ආරම්භ වේ. මෙසේ වෙන් වෙන් වශයෙන් ලැබෙන කසළ මගින් ආර්ථිකමය වටිනාකම් ලැබෙන පරිදි ප්‍රතිචක්‍රීකරණය (නොදිරන ද්‍රව්‍ය) හා කොම්පෝස්‌ට්‌ පොහොර හැදීම (දිරන ද්‍රව්‍ය) කසළ ප්‍රශ්නය කළමනාකරණයේ සරළ විසඳුම්ය. මේ කටයුත්ත මගින් සුවිසල් ආර්ථික වටිනාකමක්‌ කසළ ගොඩකට ලැබේ. ලෝකය කසළ කළමනාකරණය නොහොත්, කසළ අර්බුදය විසඳන්නේ මීට සමාන අයුරිනි.

ඊට හොඳම නිදසුන ජනාකීර්ණ බැංකොක්‌ (තායිලන්තය) නගරයයි. ඔවුන් කසළ මගින් සිදුකරන්නේ ද මෙසේ කොම්පෝස්‌ට්‌ නිෂ්පාදනයයි. ලංකාවේ පළාත් පාලන ආයතන කිහිපයක්‌ දැනටත් මේ සරළ "තියරිය" ප්‍රායෝගිකව ක්‍රියාවට නඟයි. එබැවින් මෙය ලංකාවට ආගන්තුක කටයුත්තක්‌ හෝ ආගන්තුක කතාවක්‌ද නොවේ. දිනකට ටොන් 700 ක්‌ එකතුවන කොළඹ මහ නගර සභාවටත් දැනටමත් ටොන්.... ක්‌ ඇති මීතොටුමුල්ලේ කසළ කන්දටත් ඒකාන්ත විසඳුම ඇත්තේ පොහොර නිෂ්පාදනය හා ප්‍රතිචක්‍රීකරණය තුළය. ඒ නැතිව යළිත් කොළඹින් අස්‌කරගෙන ගොස්‌ අරුවක්‌කාලුවේ පස්‌යට දමා වළලා විල්පත්තුවට හෝ කල්පිටිකළපුවට හෝ තවත් පරිසර ප්‍රශ්නයක්‌ ඇති කිරීම විසඳුම නොවේ.

මේ පිළිබඳව අදහස්‌ දක්‌වන ප්‍රකට හා ප්‍රවීන පරිසරවේදියකු, ඉංජිනේරුවරයකු හා උපායමාර්ගික ව්‍යවසාය කළමනාකරණ ආයතනයේ සභාපති අසෝක අබේගුණවර්ධන මහතා පවසන්නේ කාර්මික යුගයේ නියත ප්‍රතිඵලය වන කසළ උත්පාදනය අප දැන් තිරසාර යුගයට රැගෙන යැමේදී එය විසල් සම්පතක්‌ බවට පත්කරගත යුතු බවකි. තිරසර යුගයේදී කාබනික පොහොර නිෂ්පාදනයේදී රටට ගොවි නිෂ්පාදන සැපයීමට මීතොටමුල්ල වැනි කුණු කඳු දහයක්‌ තිබුණත් අපට ප්‍රමාණවත් නොවේ. එළවළු, මාළු වෙළෙඳපොළ ඇතුලු නිවසින් ජනනය වන දිරායන සියලු දැ අවසානයේ පෙළොවට පොහොරකි. දිරා නොයන දේa භාවිතය අඩුකළ යුතු අතර, ඒවා ප්‍රතිචක්‍රිකරණයට යෙදවිය යුතු සම්පත් ගණයට වැටේ.

ඉදින්· කසළ යෑයි දෙයක්‌ තවත් ලෝකයේ ඉතිරි නොවේ. අනාගත ලෝකය හරිත ලොවක්‌ සේ සුරක්‌ෂිත කළ යුතු නම් කසළ යනු හුදෙක්‌ මහානර්ඝ සම්පතකි. ඒ සරළ උත්තරය තේරුම් නොගන්නා, ආත්මාර්ථකාමී, පණ්‌ඩිතයන් බහුල රටකය අප මේ දිවි ගෙවන්නේ. කසළ කඳු පාතාලයට බදු දී, උණ්‌ගේ උදව්වෙන් සංතෝසම්ද ඡන්ද ද අපේක්‌ෂා කරන තුච්ඡ , පාදඩ දේශපාලකයන්ට හා නිලධාරීන්ට මීතොටුමුල්ල කසළ කන්ද හොඳ ඉල්ලමක්‌ වි තිබිණි. නමුත් ඒ කසළ කන්දම අද උන්ට කදිම උත්තරයක්‌ ලබාදී තිබේ. එහෙත් ඒ මළකඳන් මගින් වීමය කණගාටුවකට ඇත්තේ. මේ අවස්‌ථාවේදීවත් පාඩම් ඉගෙන නොගන්නා ජාතිය තවත් කසළ කළමනාකරණය ගැන ජනතාවට කියා දෙන්නට එයි නම් එය උන්ගේ අවසානයක්‌ බවට පත්කරලීමද ජනතාවගේ කාර්යයක්‌ විය යුතුව තිබේ. (divaina)

සෙනසුරාදා, 22 අප්‍රේල් 2017 21:54

මහින්දගේ අවුරුදු වෙනම නැකතකට

මෙවර සිංහල දෙමළ අවුරුදු චාරිත්‍ර වාරිත්‍ර විධි සැමරීමේ නැකත්වල පැවති යම් යම් දෝෂ හේතුවෙන් තමන් අවුරුදු නැකත් සැමරීම සිදුකළේ කළින් ඉදිරිපත් කරන ලද නැකැත් චාරිත්‍ර අනුව නොවන බව හිටපු ජනාධිපති මහින්ද රාජපක්ෂ මහතා අවුරුදු උත්සවය නිමිත්තෙන් මහනුවරට පැමිණ මල්වතු අස්ගිරි මහා නායක හිමිවරැන් සහ අනුනායක හිමිවරුන් හමුවෙහි පැවසීය.

මෙවර අවුරුදු නැකැත් පිළිබඳව තමන්ට කිසිදු විශ්වාසයක් නොතිබූ බැවින් තමන් අවුරුදු චාරිත්‍ර සැමරීම සිදුකළේ තමන් විසින්ම යොදාගත් විශේෂ නැකැත් වේලාවන් තුළ බවද හිටපු ජනාධිපති මහින්ද රාජපක්ෂ මහතා මහනුවරදී මහානායක හිමිවරුන් හමුවේ කීය.

තමන් රට පාලනය කරන සමයේදී අවුරුදු චාරිත්‍ර ඉටුකිරීම සඳහා වූ සකසන ලද නැකැත් වේලාවන් තුළදී සියලු චාරිත්‍ර එකම දිනයේදී නිසිලෙස ඉටුකළ බවද හිටපු ජනාධිපතිවරයා මෙහිදී වැඩිදුරටත් ප්‍රකාශ කළේය.

l ජේ.ඒ.එල්. ජයසිංහ (deshaya)

මෙවර මැයි දිනෙන් පසුව සිදු කිරීමට නියමිත කැබිනට් මණ්ඩල සංශෝධනයේදී ඒකාබද්ධ විපක්ෂයේ මන්ත්‍රීවරු කිහිප දෙනෙකුට නියෝජ්‍ය ඇමැති ධුර ලබාදීමට බොහෝ දුරට ඉඩ ඇතැයි රජයේ ආරංචි මාර්ග සඳහන් කරයි.

ඒකාබද්ධ විපක්ෂයේ මන්ත්‍රීවරු කිහිප දෙනෙකු සමග පැවැති ඉහළ පෙළේ සාකච්ඡා වට කිහිපයකින් පසු ඒකාබද්ධ විපක්ෂයේ මන්ත්‍රීවරු තිදෙනෙක් ආණ්ඩුවට එක්වීමේ එකඟතාවට පැමිණ ඇතැයි එම ආරංචි මාර්ග අනාවරණය කළේය.

කෙසේ වෙතත් පෙරේදා (20) පැවති මාධ්‍ය ආයතන ප‍්‍රධානින් හමුවේදී ජනාධිපති මෛත්‍රිපාල සිරිසේන මහතා ප්‍රකාශ කළේ වෙසක් පෝයට පෙර කැබිනට් සංශෝධනයක් බලාපොරොත්තු විය හැකි බවයි. (am)

සෙනසුරාදා, 22 අප්‍රේල් 2017 11:20

පර්පචුවල් යළි මහ බැංකුවට රිංගලා

මහ බැංකු හිටපු අධිපති අර්ජුන් මහේන්ද්‍රන්ගේ බෑනා වන අර්ජුන් ඇලෝසියස්ට අයත් පර්පචුවල් ට්‍රෙෂරීස් සමාගමට මහ බැංකු බැඳුම්කර මත ආයෝජනය කිරීමට යළි ඉඩ දී ඇතැයි දූෂණ විරෝධී හඬ සංවිධානයේ කැඳවුම්කරු...ජවිපෙ මධ්‍යම කාරක සභික වසන්ත සමරසිංහ අනාවරණය කරයි. මහ බැංකු බැඳුම්කර වංචාව විමර්ශනය කිරීමට විශේෂ ජනපති කොමිසමක් ක්‍රියාත්මක වෙමින් තිබියදීත් සමාගමට බැඳුම්කර ආයෝජනය කිරීමට නැවත ටෙන්ඩර් ලබාදීම බරපතළ වරදක් බව සමරසිංහ මහතා පෙන්වා දෙයි.

සමරසිංහ මහතා පවසන්නේ ජනාධිපති කොමිසමේ විමර්ශනය අවසන් වන තුරු පර්පචුවල් ට්‍රෙෂරීස් සමාගමට අයත් බැංකු ගිණුම් හා බලපත්‍ර තාවකාලිකව අවලංගු කළ යුතු බවයි.

මහ බැංකු බැඳුම්කර වංචාවෙන් රුපියල් කෝටි 6900ක් පාඩු කරමින් අයථා ලෙස ඉපැයූ මුදල් පුවත්පත් හා මාධ්‍ය ආයතන, මත්පැන් නිෂ්පාදනාගාර ඇතුළු ව්‍යාපාර ආරම්භ කිරීම, බැංකු මිලදී ගැනීම සිදු කරන අර්ජුන් ඇලෝසියස් ව්‍යාපාරිකයකු ලෙස බෞතීස්ම කිරීමට ආණ්ඩුව ඉඩදී ඇති බවට ඒ මහතා චෝදනා කරයි.

පසුගිය සතියේ සිට පර්පචුවල් ට්‍රෙෂරීස් සමාගමට එලෙස බැඳුම්කර ආයෝජනය කිරීමට ඉඩ දීමේදී බැඳුම්කර වංචාවේ චූදිතයන්ට එල්ල වී ඇති පරණ චෝදනා යට ගැසීමට උත්සාහ කරනවාදැයි බරපතළ සැකයක් මතුවන බව සමරසිංහ මහතා පෙන්වා දෙයි.

මහ බැංකු හිටපු අධිපති වාර 164කදී රුපියල් ලක්‍ෂ 660ක මහ බැංකු මුදල් අවභාවිත කර ඇතැයි අභ්‍යන්තර විගණන වාර්තාවකින් තහවුරු වී තිබියදීත් ඒ පිළිබඳ මෙතෙක් කිසිදු පරීක්‍ෂණයක් කර නොමැති බවද ඒ මහතා මතක් කර සිටියි.

මෙවැනි තත්ත්වයකදී වත්මන් මහ බැංකු අධිපති ආචාර්ය ඉන්ද්‍රජිත් කුමාරස්වාමි ඇතුළු මුදල් මණ්ඩලය බැඳුම්කර මගඩියේ වංචනිකයන්ට ආරක්‍ෂාව සලසමින් නැවත, නැවත සොරකම් කිරීමට ඉඩ සලසා ඇති බව හෙතෙම 'ඉරිදා මව්බිම'ට පැවැසුවේය. (අනුරාධා හේරත්-mawbima)

ගංවතුර, නාය යෑම්, භූ කම්පන, සුනාමි වැනි ස්වාභාවික විපතකදී මිනිස් ජීවිත ලක්ෂ ගණනින් බිලිවුවද වන සිවුපාවුන් එවන් අනතුරුවලින් දිවි ගලවා ගත් අයුරු දක්නට ලැබිණි.
2006 දී සිදුවූ සුනාමි විපතේදීත් මෙම අප්‍රේල් 14 වැනිදා සිදුවූ මීතොටමුල්ල කුණු කන්ද නාය යෑමේදීත් වැළලුණු මිනිස් ජීවිත අතර එකදු සිවුපා සතකුගේවත් මළ සිරුරක් දක්නට නොලැබිණි.

ස්වාභාවික අනතුරක් කලින් දැනගැනීමට තිරිසන් සත්ත්වයන්ට ඇති හැකියාව කවරේද..? මේ පිළිබඳව කොළඹ විශ්වවිද්‍යාලයේ සත්ත්ව විද්‍යා දෙපාර්තමේන්තුවේ සත්ත්ව විද්‍යාඥ දේවක වීරකෝන් මහතාගෙන් අපි විමසීමු.

"සාමාන්‍යයෙන් සුනාමි හෝ නාය යෑමකදී පලක දෙකක් ද්වි ඝර්ෂණය වීමෙන් අධිධ්වනි තරංග ඇතිවෙනවා. මේවා ඒඹ්ජ්ඒ ඵධභදඤඵ හැටියටත් ධ්දටපච ඉධභදඤඵ හැටියටත් නම් කරනවා. ඒතටච ඉධභදඤ යන්නෙන් හඳුන්වන්නේ හර්ට්ස් 20,000කට අධික ශබ්ද තරංග මේවා මිනිස් කනට ඇහෙන්නේ නැහැ. ධ්දටපච කියන්නේ හර්ට්ස් 20 අඩු ශබ්ද තරංග. මේවාත් මිනිස් කනට ඇහෙන්නේ නැහැ. බොහෝවිට භූ කම්පන, නාය යෑම්, සුනාමි වගේ තත්ත්වවලදී 20,000ට අධික ශබ්ද තරංග ඇති ඒතටච ඉධභදඤ තමයි නිකුත් වන්නේ. මේ තරංග තිරිසන් සත්ත්වයන්ට ඇසෙන නිසා ඒවා ග්‍රහණය කරගෙන කලින්ම ඔවුන් අනතුරු හඳුනාගන්නවා. මේ නිසා සාමූහිකව ජීවත්වන සිවුපා සතුන් තමන් කලින් හඳුනාගත් අනතුරු සිය කණ්ඩායමට සංඥා මඟින් දැනුම් දී අන්තරායකර කලාපයෙන් ඉවත්ව ආරක්ෂිත ප්‍රදේශවලට යනවා. මෙසේ ආරක්ෂිත ප්‍රදේශවලට යන නිසා ස්වාභාවික විපත්වලින් බේරීමේ හැකියාව මිනිසුන්ට වඩා තිරිසන් සත්ත්වයන්ට තියෙනවා.

අලුත් අවුරුදු උදාව සිදුවූ අප්‍රේල් 14දා මීතොටමුල්ල කුණු කන්ද නාය ගියේ පස්වරු 2.43ට බව භූ විද්‍යා හා පතල් කාර්යාංශය කියයි. නමුදු මේ ඛේදවාචකය ගැන ඊට කලින් අනතුරු ඇඟවූ මිනිසාගේ කලණ මිතුරා වන සුනඛයා කළ ඉඟිය කිසිවකුත් ගාණකට ගත්තේ නැත.
මීතොටමුල්ල කුණු කන්ද ප්‍රදේශය සිය වාසභවන කරගත් සුනඛයෝ අප්‍රේල් 13දා රාත්‍රිය පුරා උඩුබුරලන්නට වූහ. අලුත් අවුරුද්දේ මේ මොන මූසලකමක්දැයි දෙස් දෙවොල් තබමින් නිවැසියෝ තම නිවෙස්වලින් බල්ලන් එළවා දැමූහ. ගෙදරින් පැන ගිය බල්ලෝ කුණු කන්දේ තැන් තැන්වල හිඳ උඩුබුරලන්නට වූහ. එහෙත් අනතුරක සේයාවක් ගැන කිසිවකුත් තැකීමක් නොකළහ. අවුරුදු ජයට සමරන්නට සූදානම් වූහ.

අනතුර ගැන කලින් වටහා ගත් බල්ලෝ තම ස්වාමියන්ට මේ බව දැනුම් දුන්නද එයට ඇතැම්හු ප්‍රතිචාර දැක්වූයේ ගල් මුල්වලිනි.
කෙසේ වෙතත් අනතුර සිදුවන විට එය මඟහැර සිටින්නට කුණු කන්ද සිය වාසභවන කරගත් බල්ලන්, බළලුන්, ගවයන් මෙන්ම එළුවන්ද සමත් වූහ. ඛේදවාචකය අවසානයේ සිය නිවාස ඇති තැනක්වත් සොයා ගන්නට මිනිසුන්ට නොහැකි විය. එහෙත් බල්ලන් තම ස්වාමියාට අයිති නිවෙස ඇති තැන හරියටම සොයා ගත්තේය. ඔවුන් නිවෙස යට වුණු කුණු කන්ද මතට නැඟ පහුරු ගාමින් සිය ස්වාමියා වැළලුණු තැන් සහන සේවයේ යෙදුණු යුද හමුදා භටයන්ට පෙන්වූහ. බැකෝ යන්ත්‍රයේ කුල්ල හරියටම එතැනට යොමු කෙරිණි. පස් කන්ද අඩි 10ක් 12ක් හාරන විට මියගිය සිරුරු මතුවන්නට විය.

පණ්ඩුක සමරසේකර (mawbima)

මිරිජ්ජවිල උද්භිද උද්‍යානය නොහොත් හම්බන්තොට උද්භිද උද්‍යානය ශ්‍රී ලංකාවේ වියළි කලාපය තුළ ඉදිකරනු ලැබු පළමු උද්භිද උද්‍යානය වේ.

කොළඹ-කතරගම ප්‍රධාන මාර්ගයේ මිරිජ්ජවිල ප්‍ර දේශයේ මෙම උද්‍යානය පිහිටා ඇත. උද්‍යානයට වම් පසින් මත්තල ජාත්‍යන්තර ගුවන් තොටුපලත් දකුණු පසින් මාගම්පුර වරායත් ඇති අතර මිරිජ්ජවිල හන්දියේ සිට කිලෝ මීටර් පහක් මිරිජ්ජවිල සුරියවැව මාර්ගයේ ගියවිට උද්‍යානයට ළඟාවිය හැකිය.

වර්ෂ 2006 උද්‍යානයේ ඉදිකිරීම් කටයුතු ආරම්භ කරනවිට එම භූමිය කටු පදුරු සහ අත් හරින ලද හේන් භූමිවලින් සමන්විත වු කැලෑවකි. උද්‍යානය අක්කර 300ක භූමි භාගයක පැතිරී ඇත.

2013 නොවැම්බර් 14 උද්‍යානය විවෘත කර ඇත උද්‍යානය තුළ පොදු රාජ්‍ය මණ්ඩල සමුලුවට සහභාගී වූ ජනාධිපති වරු තිදෙනෙක් උප ජනාධිපතිවරු හත් දෙනෙක් අගමැතිවරු සිව් දෙනෙක් සහ විදේශ ඇමතිවරු ඖෂධීය ශාක පැළ රෝපණය කර තිබේ.

ජාතික උද්භිද උද්‍යාන පිහිටුවීමේ ප්‍රධාන අරමුණු අතර ශ්‍රී ලංකාවේ විතැන් ශාක සංරක්ෂණය කිරීම ශාක සම්බන්ධ පර්යේෂණ කිරීම පාරිසරික සංචාරක ව්‍යාපාරය නගා සිටුවීම නව උද්භිද උද්‍යාන පිහිටුවීම ඓතිහාසික වටිනාකමකින් යුත් ශාක සංරක්ෂණය කිරීම ශ්‍රී ලංකාවේ මල් වගාව වැඩි දියුණු කිරීම ද වෙයි වියළි කලාපයේ සහ අර්ධ ශුෂ්ක කලාපයේ ශාක සංරක්ෂණය කිරීම පිණිස හම්බන්තොට මිරිජ්ජවිල වියළි කලාපීය

උද්භිද උද්‍යානය නිර්මාණය කර ඇත.

ශ්‍රී ලංකාවේ රජ සමයෙන් පසුව උද්භිද උද්‍යාන ඉදිකරනු ලබන්නේ ඉංග්‍රීසීන් මෙරට පාලනය කළ සමයේය. 1826 පේරාදෙනිය 1861 හග්ගල 1876 ගම්පහ සෙනරත් ගොඩ 2008 මිරිජ්ජවිල ද සීතාවක ද උද්භිද උද්‍යාන ආරම්භ කර තිබේ. -

ගාල්ල උතුර සමූහ - දික්වැල්ලේ තිලකරත්න

- dinamina

අඩි 2000 ක් පමණ විශාල දැවැන්ත උල්කාපාතයක් අද පෘථිවිය ආසන්නයෙන් ගමන් කිරීමට නියමිතව තිඛෙනවා.

නාසා ආයතනය නිවේදනය කළේ මෙය වසර 400 කින් පෘථිවිය ආසන්නයට පැමිණෙන විශාලතම උල්කාපාතය බවයි.

මෙම උල්කාපාතය පියවි ඇසින් දැක ගැනීමේ හැකියාව පවතින බවද එම නිවේදනයේ දැක්වෙනවා. (newsradio)

බස්නාහිර මහ ඇමති ගෙන ආ බි‍්‍රතාන්‍ය සමාගමට ව්‍යාපෘතිය ආරම්භ කිරීමට අවශ්‍ය තාක්ෂණික සහ මූල්‍ය හැකියාවක් නොමැති බවත් කැළි කසළ බැහැර කරන ඕනෑම තැනක නියමු ව්‍යාපෘතියක් සිදුකර සාර්ථකත්වය පෙන්වීමට කිසිවෙකුට බාධාවක් නොමැති බවත් මහනගර හා බස්නාහිර සංවර්ධන අමාත්‍ය පාඨලී චම්පික රණවක මහතා පවසයි.

බස්නාහිර සංවර්ධන අමාත්‍යවරයාගේ මාධ්‍ය අංශය නිකුත් කළ මාධ්‍ය නිවේදනයක සඳහන් වන්නේ බි‍්‍රතාන්‍ය සමාගමේ වාර්තාව සම්බන්ධයෙන් පැන නැගුණු කරුණු 17 ක් පිළිබඳව 2016 ඔක්තොම්බර් මාසයේදී විමසා සිටියත් අදවන තෙක් පිළිතුරු නොමැති බවයි.

එම නිවේදනය පහතින්,

බස්නාහිර පළාත් මහ ඇමතිතුමා ඉදිරිපත් කළ බි‍්‍රතාන්‍යයේ SJP සමාගමේ කැළි කසළින් විදුලිය උත්පාදනය කිරීමේ ව්‍යාපෘති යෝජනාවලිය 2016 වසරේ මුල් කාර්තුවේදී ආර්ථික කළමණාකරණ පිළිබඳ කැබිනට් කමිටුව(CCM) අධ්‍යනය කළේය. එහි නිර්දේශය වී තිබුණේ කරදියාන සහ මුතුරාජවෙල ව්‍යාපෘති දෙක සඳහා ක්‍ක්‍ඵ වෙත ඉදිරිපත් කර තිබූ විද්වත් තාක්ෂණික මණ්ඩලය හරහාම එම යෝජනාව ද ඇගයීමට ලක්කර ඉදිරි කටයුතු සඳහා ඉදිරිපත් කරන ලෙසයි. ඒ අනුව 12 දෙනෙකුගෙන් සමන්විත තාක්ෂණික කමිටුවක් පත් කිරීමට මහානගර සහ බස්නාහිර සංවර්ධන අමාත්‍යාංශය කටයුතු කර ඇත. ඒ අනුව SJP Waste to Energy Ltd.(UK) ආයතනය බස්නාහිර මහ ඇමති ඉසුර දේවප‍්‍රිය මහතාගේ උපදෙස් මත බස්නාහිර පළාත් අපද්‍රව්‍ය කළමණාකරණ අධිකාරියේ අධ්‍යක්‍ෂකවරයා මගින් අමාත්‍යාංශය වෙත ඉදිරිපත් කළ ව්‍යාපෘති වාර්තාව තාක්ෂණික සහ මූල්‍ය ඇගයීමට ලක් කළේය. අදාල තාක්ෂණික කමිටුව මේ සම්බන්ධව සැකසූ වර්තාවේ SJP ආයතනය ඉදිරිපත් කළ වාර්තාව ආශ‍්‍රයෙන් පැන නැගුණු කරුණු 17ක් සම්බන්ධයෙන් විමසා 2016 ඔක්තොම්බර් මස 18 වන දින අපද්‍රව්‍ය කළමනාකරණ අධිකාරියේ අධ්‍යක්‍ෂකවරයා වෙත ලිපියක් යොමු කර ඇත. ඒ සම්බන්ධයෙන් මහඇමතිවරයාවද දැනුවත් කොට ඇත.

කෙසේ වෙතත් අදාල වාර්තාවෙන් පැණ නැගුණු කරුණු 17 සඳහා අදවන තෙක් කිසිඳු ප‍්‍රතිචාරයක් දැක්වීමට කිසිඳු අධිකාරියක් කටයුතු කර නැත. අදාල ඇගයුම් වාර්තාවට අනුව SJP Waste to Energy Ltd.(UK) ආයතනය මෙම ව්‍යාපෘතිය ආරම්භ කිරීමට අවශ්‍ය තාක්ෂණික හෝ මූල්‍ය හැකියාවක් ප‍්‍රමාණවත් පරිදි නොමැති බව විශේෂඥ කමිටුව නිර්දේශ කර ඇත. කසල කළමණාකරණයේදී විධිමත් ක‍්‍රමවේදයකට යටත්ව තාක්ෂණික හා මූල්‍යමය ශක්‍යතාවයක් ඇති ආයතන පමණක් තෝරාගැනීම අතිශය වැදගත්වන අතර එසේ නොමැති අතරමැදි දේශීය හෝ විදේශීය ආයතන මෙවැනි ව්‍යාපෘති ආරම්භ කිරීමෙන් කසල තවදුරටත් ගැටළුවක්ම පමණක් වන බව නාගරික සංවර්ධන අධිකාරිය සඳහන් කරයි. කෙසේ වෙතත් බස්නාහිර මහ ඇමතිතුමන්ට අවශ්‍යම වන්නේ නම් බස්නාහිර පළාතේ හෝ රටේ ඕනෑම තැනක ගොඩගැසෙමින් පවතින කුණු කන්දක් ආශ‍්‍රයෙන් විදෙස් හෝ දේශීය ආයෝජකයෙකු හරහා නියමු ව්‍යාපෘතියක් සිදුකර එහි සාර්ථක ප‍්‍රතිපල රට හමුවේ තැබීමට කිසිඳු බාධාවක් නොමැති බවද සඳහන් කර සිටිමු.

මේ වන විට විවිධ මාධ්‍ය වාර්තා මහඇමති ඉසුර දේවප‍්‍රිය මහතා පැවසූවා යැයි කියමින් සඳහන් කරන්නේ අදාල බි‍්‍රතාන්‍ය කසල කළමණාකරණ ව්‍යාපෘතිය සඳහා අවශ්‍ය වූයේ පර්චස් 60 ක බිම් ප‍්‍රමාණයක් බවයි. එහෙත් අමාත්‍යාංශයට ඉදිරිපත් කළ SJP ආයතනයේ ව්‍යාපෘති වර්තාවේ ඒ සඳහා අක්කර 03 ක බිම් ප‍්‍රමාණයක් අවශ්‍ය බව දක්වා ඇත. නාගරික සංවර්ධන අධිකාරිය 2008 වර්ෂයේ පැවැති හදිසි අවශ්‍යතාවය හා එවකට ශ්‍රේෂ්ඨාධිකරණ නියමයන්ට අනුව මීතොටමුල්ල ඉඩම තාවකාලිකව වසර 2 ක කාලයක් සඳහා කැළි කසළ බැහැර කිරීම වෙනුවෙන් අක්කර 2 ක ඉඩම් ප‍්‍රමාණයක් පමණක් ලබාදුන් අතර එම කාලය තුළදී විධිමත් කසළ ප‍්‍රතිචක‍්‍රීයකරණ ව්‍යාපෘතියක් සඳහා යෝජනා කැඳවා කි‍්‍රයාත්මක කරන ලෙස ශ්‍රේෂ්ඨාධිකරණය විසින් කොළඹ මහ නගර සභාවට නියම කොට ඇත. එකී නියමයන්ට අනුව කටයුතු කිරීමට කොළඹ මහ නගර සභාව අසමත් වී ඇති අතර යෝජිත කැළි කසළ බැහැර කිරීම සඳහා 2009 වර්ෂයේ සිට නාගරික සංවර්ධන අධිකාරිය විසින් අක්කර 02 ක භූමි ප‍්‍රමාණයක් ලබාදී ඇත.

කැළි කසළ බැහැර කිරීමේ ක‍්‍රමවේදය විධිමත් පරිදි සිදුනොවීම නිසා අවස්ථා කිහිපයකදී එහි අවධානම දැනුවත් කරමින් එක් එක් අවස්ථාවල නාගරික සංවර්ධන අධිකාරියේ සිටි සභාපතිවරුන් විසින් කොළඹ මහනගර සභාවේ කොමසාරිස් වෙත ලිපි යොමු කර ඇත. අවසන් වරට 2016 ඔක්තොම්බර් මස 06වන දින නාගරික සංවර්ධන අධිකාරියේ සභාපති ආචාර්ය ජගත් මුණසිංහ විසින් කොළඹ මහනගර සභාවේ කොමසාරිස් වෙත ලිපියක් යවමින් සඳහන් කර ඇත්තේ, කොලොන්නාව - මීතොටමුල්ල ඉඩමට බැහැරකර ඇති සියළු කසළ නිසි පරිදි ප‍්‍රතිචක‍්‍රීයකරණය කර හෝ ඉවත් කර හෝ ඉඩම පැවති තත්වයෙන් නැවතත් නාගරික සංවර්ධන අධිකාරියට භාර දෙන ලෙසයි.

තවද 2015 දී කොලොන්නාව සංවර්ධන කමිටුවට සහ නගර සභාවට කුණුකන්ද අවට පිහිටි නිවාස 380 ක අවධානම සම්බන්ධයෙන් නාගරික සංවර්ධන අධිකාරිය දැනුවත් කර ඇත. ඉන් නිවාස 39 ක් දැඩි අවධානමක් පවතින බවත් කඩිනමින් ඔවුන් ඉවත් කිරීමට කටයුතු කලයුතු බවත්, ඒ සඳහා වන විකල්ප නිවාස ලබාදීමට තම අධිකාරිය කටයුතු කරන බවත් දන්වා ඇත. ඒ කිසිඳු උපදෙසකට හෝ ලියවිල්ලකට කි‍්‍රයාමාර්ග ගැනීමට කොලොන්නාව දේශපාලන අධිකාරිය සේම නගර සභාව ද අපොහොසත් වී ඇත.

විධිමත් තාක්ෂණික අධ්‍යනයන්ගෙන් සහ අනුමැතීන්ගෙන් පසුව කරදියාන සහ මුතුරාජවෙල කැළි කසළ බැහැර කිරීමේ සහ ප‍්‍රතිචක‍්‍රීයකරණය කිරීමේ වැඩපිළිවෙල ඉතා සාර්ථකව කි‍්‍රයාත්මක වෙමින් පවතී. කොළඹ එකතුවන දෛනික කසළ එකතු කිරීමට සහ ප‍්‍රතිචක‍්‍රීයකරණය කිරීමට අදාල ගිවිසුම් දෙකක් සඳහා පෞද්ගලික ආයතන ඉදිරිපත් කළ ව්‍යාපෘති වාර්තා විධිමත් තාක්ෂණික අධ්‍යනයකින් පසුව ලබාගත් අනුමැතීන්ට යටත්ව කි‍්‍රයාත්මක කිරීම සඳහා පසුගිය මාර්තු මාසයේදී කටයුතු කළේ ය. නාගරික සංවර්ධන අධිකාරිය සතු වපසරීන්ට අදාලව කළ හැකි සෑම කාර්යයක්ම නොපිරිහෙළා ඉටු කිරීමට එම අධිකාරිය කටයුතු කර ඇත. ඇතැමෙක් ඉදිරිපත් කරන වාචික ප‍්‍රකාශවලට වඩා ප‍්‍රායෝගික කාර්යයන් විධිමත් ක‍්‍රමවේදයකට යටත්ව වැඩදායී ලෙස සිදුකිරීමට නාගරික සංවර්ධන අධිකාරිය කටයුතු කර ඇති බව ද වැඩිදුරටත් සඳහන් කර සිටිමු. (am)

Features

Image

Stats

There are 28559 listings, 863 categories and 102 owners in our website