Wednesday, 09 October 2019 10:07

ගෝඨාට සහාය දෙන ශ‍්‍රීලනිප – පොහොට්ටු ගිවිසුම් දෙකකට අත්සන් තැබීම ඇල්පිටිය ඡන්දයෙන් පසු

ඉදිරි ජනාධිපතිවරණයේදී ශී‍්‍ර ලංකා පොදු ජන පෙරමුණේ ජනාධිපති අපේක්‍ෂක ගෝඨාභය රාජපක්‍ෂ මහතාට සහාය ලබා දීම සඳහා ගිවිසුම් දෙකකට අත්සන් කිරීම ඇල්පිටිය පළාත් පාලන මැතිවරණයෙන් පසුව සිදුවන බව ශ‍්‍රී ලංකා නිදහස් පක්‍ෂයේ උප සභාපති තිලංග සුමතිපාල මහතා පැවසීය.

ඉන් එක් ගිවිසුමක් ශී‍්‍ර ලංකා නිදහස් පක්‍ෂය සහ ශ‍්‍රී ලංකා පොදුජන පෙරමුණ අතර ද අනෙක් ගිවිසුම ශී‍්‍ර ලංකා නිදහස් පක්‍ෂය සහ ජනාධිපති අපේක්‍ෂක ගෝඨාභය රාජපක්‍ෂ මහතා අතර ද අත්සන් කිරීමට නියමිත බව මන්ත‍්‍රීවරයා කියා සිටියේය.

මේ වනවිට ශ‍්‍රී ලංකා නිදහස් පක්‍ෂයේ මධ්‍යම කාරක සභාව ජනාධිපති අපේක්‍ෂක ගෝඨාභය රාජපක්‍ෂ මහතාට සහාය දීමට සිය කැමැත්ත ලබාදී ඇති අතර එහි අවසන් තීන්දුව ගැනීමට ජනාධිපති මෛත‍්‍රිපාල සිරිසේන මහතාට භාරදී ඇති බවත් හෙතෙම කියා සිටියේය.

ජනාධිපතිවරයාගේ තීන්දුව මත ඇල්පිටිය පළාත් පාලන මැතිවරණයෙන් පසුව හෝ ඊට පෙර ශ‍්‍රී ලංකා පොදු ජන පෙරමුණ විසින් අනුරාධපුරයේ පවත්වනු ලබන මංගල රැුලියේදී අත්සන් කිරීමට බොහොදුරට ඉඩ ඇති බවයි.

මේ වනවිට ශ‍්‍රී ලංකා නිදහස් පක්‍ෂයෙන් ගොඩන`ගන සන්ධානය පිළිබඳව පොදුජන පෙරමුණට ඉදිරිපත් කරන ලද යෝජනා විස්සකට එක`ගතාව පළ කර ඇති අතර ගෝඨාභය රාජපක්‍ෂ මහතාටද ඉදිරිපත් කරන ලද යෝජනා දාහතකට ද ගෝඨාභය රාජපක්‍ෂ මහතා එක`ගතාව පළ කර ඇති බවත් ගොඩන`ගන සන්ධානයේ ව්‍යවස්ථාවටද පොදුජන පෙරමුණේ එක`ගතාව පළ කර ඇති බවත් හෙතෙම වැඩිදුරටත් කියා සිටියේය.

(Lanka Leads)

නවතම පුවත්

Stats

There are 28560 listings, 863 categories and 102 owners in our website