Saturday, 06 April 2019 09:16

කාබයිඩ් ගැසූ කෙසෙල් සොයන්න ජ’පුර සරසවි සිසුන්ගෙන් ඇප් එකක්..!

කාබයිඩ් රසායනිකය යොදා ගනිමින් ඉදවන ලද පළතුරු සොයා ගැනීම සඳහා ජංගම දුරකතන යෙදවුමක් නිපදවීමට ශ්‍රී ජයවර්ධනපුර විශ්වවිද්‍යාල සිසුන් පිරිසක් සමත් වී තිබේ.

මේ වන විට කෙසෙල්වල කාබයිඩ් තිබේදැයි යන්න සෙවීම සඳහා මෙම දුරකතන යෙදවුමෙන් හැකියාව පවතින බවත් ඉදිරියේ දී අඹ සහ ගස්ලබු පළතුරු සඳහා යොදා ගැනීම සඳහා මෙම ජංගම දුරකතන යෙදවුම වැඩිදියුණු කිරීමට බලාපොරොත්තු වන බවත් මේ සම්බන්ධයෙන් අද දෙරණ වෙත අදහස් දක්වමින්, මෙම නිර්මාණය සිදු කරන ලද ශ්‍රී ජයවර්ධනපුර විශ්වවිද්‍යාලයේ තාක්ෂණ පීඨයේ ආහාර සැකසුම් තාක්ෂණික සිසුන් සඳහන් කරන ලදී.

ශ්‍රී ජයවර්ධනපුර විශ්වවිද්‍යාලයට වසර 60 ක් පිරීම නිමිත්තෙන් සංවිධානය කරන ලද Innovate Sri Lanka 2019 ප්‍රදර්ශනයේ දී මෙම නිමැවුම එළිදක්වන ලදී.

කොළඹ බණ්ඩාරනායක ජාත්‍යන්තර සම්මන්ත්‍රණ ශාලා පරිශ්‍රයේ සිරිමාවෝ බණ්ඩාරනායක පරිශ්‍රයේදී  (02) දින මෙම ප්‍රදර්ශනය ආරම්භ වූ අතර හෙට දිනයේ දීද මෙම ප්‍රදර්ශනය පැවැත්වෙනු ඇත.

මෙම දුරකතන යෙදවුම නිර්මාණය කරන ලද සිසුන් අද දෙරණ වෙත අදහස් දැක්වූ ආකාරය පහතින් නැරඹිය හැකිය.

(අපේ රට) 

Education News

Stats

There are 28607 listings, 863 categories and 102 owners in our website