Wednesday, 14 August 2019 09:02

මුතුපන්තිය දූපතට පැමිණ සිටි ආගන්තුකයා ගැන තොරතුරු සොයයි

මින් පෙර මෙරටදී වාර්තා නොවූ බව කියන ආගන්තුක පක්ෂියෙකු අනවිළුන්දාව රම්සා අභය භූමියට ආසන්නයෙන් පිහිටි හලාවත - මුතුපන්තිය දූපතට පැමිණ සිටියදී ගම්වාසීන් විසින් අල්ලා ගෙන වන ජීවී නිලධාරීන්ට බාරදීමට කටයුතු කර තිබෙනවා.

පෙරේදා (12) රාත්‍රියේ මෙම පක්ෂයා මුතුපන්තිය දූපතට පැමිණ තිබුණා. පසුව ගම්වාසීන් විසින් මෙම පක්ෂියාව හොයා ගෙන ඇති අතර හොට සහ වළිගය දිය කාවෙකුගේ හැඩය ගන්නා මෙම පක්ෂියාගේ පාද රාජාළියෙකුගේ පාදවලට සමාන බව වන ජීවී නිලධාරීන් කියයි.

සෙන්ටිමීටර් 109 ක් බැගින් වන පියාපත් දෙකක්ද මෙම පක්ෂියාට පිහිටා තිබෙනවා. මෙම පක්ෂියා සම්බන්ධ තොරතුරු ලබා ගැනීම සඳහා තව දුරටත් උත්සාහ කරන බව වන ජීවී නිලධාරීන් සඳහන් කළා.

ආනවිළුන්දාව කුරුළු අභය භූමියට විවිධ සංචාරක පක්ෂීන් පැමිණ ඇති නමුත් මෙවැනි පක්ෂියෙකු කිසිදු දිනක දැක නොමැති බව ප්‍රදේශවාසීන් සහ වනජීවී නිලධාරීන් ද සඳහන් කරයි.

මෙම පක්ෂියාගේ සිරුරේ සුළු තුවාල කීපයක් දක්නට ඇති බැවින් එම සතාට ප්‍රතිකාර කිරීම සඳහා වන ජීවී දෙපාර්තමේන්තුවේ පශු වෛද්‍ය ඒකකයට බාර දීමට කටයුතු කර තිබෙනවා.

(Neth)

Education News

Stats

There are 28649 listings, 863 categories and 102 owners in our website