Monday, 09 September 2019 10:28

සුළි කුණාටුවක් ජපානයේ ජන ජීවිතය අඩාල කරයි

‘‘ෆැක්සෙයි’’ නම් ප‍්‍රබල සුළි කුණාටුවකින් ජපානයේ ජන ජීවිතයට බලපෑම් එල්ල වෙමින් තිබෙනවා. විදෙස් වාර්තා පැවසුවේ පැයට කිලෝ මීටර් 210 ක පමණ වේගවත් වූ සුළං ධාරා සහ දැඩි වර්ෂාවක් ද සමගින් ෆැක්සෙයි, ටෝකියෝ අගනුවරින් රට තුළට ඇතුළු වන බවයි.

ආපදාවට ලක්වෙතැයි අපේක්ෂිත ප‍්‍රදේශවල වෙසෙන වැසියන් 390,000 කට පමණ ආරක්ෂිත ස්ථාන කරා යොමු වන ලෙසට බලධාරීන් පූර්ව දැනුවත් කිරීම ද සිදුකර තිබෙනවා.

ප‍්‍රබල සුළං ප‍්‍රවාහයන් සහ දැඩි වර්ෂාපතනය හේතුවෙන් ටෝකියේ අගනුවර හරහා සිදුකෙරෙන දුම්රිය ගමන්වාර 100 ක් පමණ ද අත්හිටවනු ලැබුවා. එසේම සියයකට අධික ගුවන් ගමන් වාර ප‍්‍රමාණයක් ද අත්හිටුවා ඇති බවයි විදෙස් මාධ්‍ය වාර්තා කළේ.

ෆැක්සෙයි සුළි කුණාටුව සමගින් රටතුළට කඩාවදින සුළං ප‍්‍රවාහයන් හේතුවෙන් විදුලි රැහැන්වලට මේ වනවිටත් හානි සිදුව ඇතැයි සඳහන්. ඉන් අගනුවර හා ඒ ආසන්නයේ වෙසෙන 290,000 ක පමණ පිරිසකගේ විදුලි සැපයුමද බිඳ වැටී තිබෙනවා.

මේ අතර උතුරු කොරියාවට ඊයේ (08) බලපෑ තවත් ප‍්‍රබල සුළි කුණාටුවකින් පුද්ගලයින් 05 දෙනෙකු ජීවිතක්ෂයට පත්වුණා.

(Neth)

World News

Stats

There are 28560 listings, 863 categories and 102 owners in our website