කාර්යයන් දුම්රිය දෙපාර්තමේන්තුව, ශ්‍රී ලංකා ගමනාගමන මණ්ඩලය, මෝටර් රථ ප්‍රවාහන දෙපාර්තමේන්තුව, මාර්ග ආරක්ෂාව පිළිබඳ ජාතික සභාව, ලක්දිව ඉංජිනේරු සමාගම (පුද්ගලික) සහ ජාතික ප්‍රවාහන වෛද්‍ය ආයතනය සමඟ සංවර්ධන කටයුතු පිළිබඳ සම්බන්ධීකරණ රැස්වීම් පැවැත්වීම. අමාත්‍යාංශය වෙත ඉදිරිපත් කරන ලද ව්‍යාපෘති වාර්තා ඇගයීම සහ නිර්දේශ සහිතව අනුමැතිය සඳහා අදාළ ආයතන වෙත ඉදිරිපත් කිරීම. ශ්‍රී ලංකාවේ අගනුවර සහ තදාසන්න ප්‍රදේශ සඳහා ප්‍රධාන ප්‍රවාහන සැලැස්මක් සකස් කිරීම සහ මේ සඳහා විදේශ සම්පත් දෙපාර්තමේන්තුව හරහා ජපාන ජාත්‍යන්තර සමුපකාර ඒජන්සිය (JICA) සමඟ ඒකාබද්ධව කොළඹ මෙට්‍රොපොලිටන් කලාපය සහ තදාසන්න ප්‍රදේශ සඳහා නාගරික ප්‍රවාහන පද්ධති සංවර්ධන ව්‍යාපෘතිය ආරම්භ කිරීම. 2013 CHOGM හි ප්‍රවාහන කමිටුවට අදාළ මූලික කටයුතු සහ සම්බන්ධීකරණ කටයුතු ආරම්භ කිරීම. “දැයට කිරුළ” ප්‍රදර්ශන භාණ්ඩ සැකසීම සහ ප්‍රදර්ශනය මෙහෙයවීමේ කටයුතු සම්බන්ධීකරණ කටයුතු. ජාතික තොරතුරු මධ්‍යස්ථානය (1919) සහ ICTA සමඟ එක්ව ප්‍රවාහන අමාත්‍යාංශයට අයත් තොරතුරු හුවමාරු කර ගැනීම සහ මහජන පැමිණිලි සඳහා කඩිනම් පිළිතුරු ඉදිරිපත් කිරීම. වාර්ෂික අයවැය ඇස්තමේන්තු සකස් කිරීම, සම්බන්ධීකරණය සහ අයවැය සකස් කිරීම සඳහා සහභාගී වීම. අයවැය කාරක සභා අවස්ථාවේදී පාර්ලිමේන්තුවට ඉදිරිපත් කිරීම සඳහා වාර්ෂික ප්‍රගති වාර්තාව සකස් කර පාර්ලිමේන්තුවට ඉදිරිපත් කිරීම. වසර අවසානයේ අමාත්‍යාංශ කාර්යාලයේ කාර්ය සාධන ඇගයීම් වාර්තාව සකස් කිරීම සහ ඉදිරිපත් කිරීම. ප්‍රවාහන අමාත්‍යාංශයේ නිල වෙබ් අඩවිය නවීකරණය කිරීම සහ යාවත්කාලීන කිරීම.