බලුකිස්තාන සමාජ ක්‍රියාකාරීන් සහ අතුරුදන්වූවන්ගේ පවුල්වල සාමාජිකයන් විසින් යොමු කරනු ලැබූ සිසුන් අතුරුදන් කිරීම් සහ පැහැරගෙන යෑම් සම්බන්ධ අභියාචනාව විභාගයට ගත් අවස්ථාවේදි මහාධිකරණය හමුවේ පෙනී සිටිමින් භාරකාර අගමැතිවරයා මේ ප්‍රකාශය සිදු කර ඇතැයි ද වාර්තා වේ.
දරිද්‍රතාවයෙන් පීඩා විඳින බලුකිස්තානයේ නිරන්තරයෙන්ම ගැටුම් පවතින බවත්, සිසුන් අතුරුදන් වීම එම ප්‍රාන්තයේ අභ්‍යන්තර ගැටලුවක් බවත් භාරකාර අගමැතිවරයා මහාධිකරණයට ප්‍රකාශ කර තිබේ. පාකිස්තාන බුද්ධි අංශය සහ හමුදාව බලුකිස්තානයේ සිසුන් පැහැරගෙන යෑමට සහ අතුරුදන් කිරීමට සම්බන්ධ බවට එල්ල වූ චෝදනාව ද භාරකාර අගමැතිවරයා ප්‍රතික්ෂේප කර ඇත. එම ප්‍රාන්තයේ බෙදුම්වාදී කණ්ඩායම් රැසක් ක්‍රියාත්මක බවට තොරතුරු ලැබී ඇති බැවින් සිසුන් අතුරුදන් කිරීම් සඳහා එම කණ්ඩායම් සම්බන්ධ වන්නට ඇතැයි අනුමාන කරන බවත් පාකිස්තාන භාරකාර අගමැතිවරයා වැඩිදුරටත් ප්‍රකාශ කර ඇතැයි වාර්තා වේ.
DMN