එම ආයුධ ජාවාරම්කරුවන් සිව්දෙනා සමඟ තවත් 7 දෙනකු පසුගියදා අමෙරිකානු නාවික හමුදාව විසින් අත්අඩංගුවට ගනු ලැබූ බව ද වාර්තා වේ. ඔවුන් අත්අඩංගුවට ගෙන ඇත්තේ ඉරානයේ නිෂ්පාදිත මිසයිල කොටස් සහ වැඩිදියුණු කරනු ලැබූ අනෙකුත් ආයුධ හවුති කැරැලිකරුවන්ට රැගෙන යමින් සිටියදී බව ද විදෙස් මාධ්‍ය වාර්තා කළේය.
අත්අඩංගුවට ගනු ලැබූ ආයුධ කෘෘස් මිසයිල නාශක කොටස් බවට හඳුනාගෙන ඇති අතර, ඒවා හවුති කැරලිකරුවන්ට රතු මුහුදේ අමෙරිකානු හා බ්‍රිතාන්‍ය නෞකාවලට ප්‍රහාර එල්ල කිරීමට භාවිත කරන මිසයිල කොටස් බවද සඳහන් වේ. අත්අඩංගුවට ගත් පාකිස්තාන ජාතිකයන්ගේ යාත්‍රාවේ කපිතාන්වරයා බව කියන පුද්ගලයා එම මිසයිල කොටස් ඉරානයේ චබහාර් වරායෙන් ලබා ගත් බවත්, ඒවා සෝමාලියාවට රැගෙන යන බවත් ඔහු ප්‍රකාශ කර ඇති අතර, සෝමාලියාවේ සිට යේමනයේ හවුති කැරැලිකරුවන්ට ප්‍රවාහනය කිරීමට නියමිතව තිබූ බවත් සඳහන් කර ඇතැයි විදෙස් මාධ්‍ය වැඩිදුරටත් වාර්තා කළේය.
DMN