නුවරඑළිය නගර සීමාව අවට මාර්ග රැසක ගස් කඩා වැටීමෙන් එම මාර්ගයන් වසා දැමීමට කටයුතු කළ අතර මාර්ගයද කඩා වැටුණු ගස් ඉවත් කිරීමේ කටයුතු නුවරඑළිය මහ නගර සභාවේ ගිනි නිවීම් හා ආපදා කළමනාකරණ ඒකකය විසින් සිදු කරනු ලබයි ,
මෙම තත්ත්වය හේතුවෙන් නුවරඑළිය නගරය හා අවට ප්‍රදේශයන්හි සංවිධානය කළ වෙසක් වැඩසටහන් රැසකට බාධා ඇතිවී ඇති බවද අට්ටාල සකසා ක්‍රියාත්මක කිරීමට සූදානම් කර තිබූ වෙසක් දන්සල් වෙනුවට ආදේශක ස්ථාන සෙවීමට සංවිධායකවරුන්ට සිදුවී ඇති බවද ආපදා කළමනාකරන ඒකකය අනාවරණය කරයි ,
නුවරඑළිය දිස්ත්‍රික්කය පුරාවට දැඩි මීදුමක් අධික වැස්සක් සහ සුළං සහිත දේශගුණික තත්ත්වයක් පැවතෙන බැවින් නුවරඑළිය ප්‍රදේශයේ සංචාරය සඳහා තෝරාගත් පිටස්තර ප්‍රදේශවල රියදුරන් හා සංචාරයේ සඳහා පැමිණෙන්නන් වගේම ප්‍රදේශවාසීන්ද දැඩි විමසිලිමත්ව කටයුතු කරන ලෙස ආපදා කළමනාකරන ඒකකය ජනතාවගෙන් ඉල්ලා සිටියි.
– රංජිත් රාජපක්ෂ