බැංකු ගිණුම් ආරම්භ කර ඇති බොහෝ පිරිසකගේ අස්වැසුම් ගිණුම්වලට තවමත් මුදල් එවා නොමැති නිසා එම ජනතාව ඉතා අසරණ වී සිටිති. සීතාවක ප්රාදේශීය ලේකම් කොට්ඨාසයේ ග්රාමනිලධාරී වසම් කිහිපයක ජනතාව නිරතුරුවම තම ගිණුම් ආරම්භ කර ඇති බැංකු වෙත ගොස් විමසූ විට ලැබෙන පිළිතුර තවම ඇවිල්ල නෑ යන පිළිතුර බව ඔවුහු කියති. ඉකුත් අගෝස්තු මාසයේ සිට එම ජනතාවට ලැබෙමින් තිබූ සහනාධාරත් නවතා දමා ඇති බව කියති. විෂයභාර ඇමැතිවරයා විසින් අස්වැසුම දෙවන පියවර ගෙවීම් සඳහා මුදල් බැංකු වෙත යවා ඇති බව පවසා ඇතත් බැංකුව ජනතාවට කරන මෙම ප්රකාශ ගැන ඔවුහු විමතිය පළ කරති.
ලබුගම ඩේවිඩ් අමරසිංහ