නුවරඑළිය විශේෂිත ආර්ථික මධ්‍යස්ථායේ සභාපති අරුණ ශාන්ත හෙට්ටිආරච්චි මහතා පැවසිය.
අරුණ ශාන්ත හෙට්ටිආරච්චි මහතා ඒ බැව් කියා සිටියේ නුවරඑළිය විශේෂිත ආර්ථික මධ්‍යස්ථානයේදී විශේෂ මාධ්‍ය හමුවක් පවත්වමිනි .
මෙහිදි අදහස් දැක් වු අරුණ ශාන්ත හෙට්ටිආරච්චි මහතා කියා සිටියේ ,
අද එළවළු ගැනුම් තොග මිල පවතින්නේ ගෝවා කිලෝව රුපියල් 450 – 470 , කැරට් කිලෝව රුපියල් 900 – 950 , ලීක්ස් කිලෝව රුපියල් 340 -360 , බීට් රූට් කිලෝව රුපියල් 400 – 420 , කට් බීට් රූට් කිලෝව රුපියල් 500 – 520 , අර්තාපල් කිලෝව රුපියල් 300 – 320 වශයෙන් ,
නුවරඑළිය ආර්ථික මධ්‍යස්ථානයේ ව්‍යාපාරිකයන් ලෙස කටයුතු කරන ගොවීන්ගේ වගා බිම් වල කැරට් ආ මිල අධික එළවළු තිබීම හේතුවෙන් මිල ඉහළ නැංවූවා යන කතාව අපිට පිළිගන්න බැහැ,
මිල තීරණය වුණේ ආර්ථික මධ්‍යස්ථානය තුළ ක්‍රියාත්මක වන ක්‍රමවේදයකට අනුවයි කිසිදු මාෆියාවක් ක්‍රියාත්මක වුණේ නැහැ ,
රජයෙන් කටයුතු කරනවා නම් එළවළු පිටරටින් ගෙන්නන්න ඒකට විරුද්ධව මුලින්ම පාරට බහින්නේ ගොවියෝ ටිකත් එකතු කරගෙන ආර්ථික මධ්‍යස්ථානවල නිලධාරීන් ව්‍යාපාරිකයන් හා අපි ,
මොකද අපි අද ව්‍යාපාරිකයන් හැටියට වැජඹෙන්නේ ගොවියෝ හැටියට හම්බ කරගත්තු මුදලින් එදා ඉඳන් අපි ගොවියෝ රකින්න කතා කරා මිස ගොවියොන්ට හානියක් වෙන්න නෙමෙයි ,
මහින්ද අමරවීර ඇමතිවරයාගේ විශේෂත්වයක් අපි දකිනවා කලින් හිටිය අනිත් ඇමතිවරුන්ට වඩා,
අපි ඇමැතිවරයාගෙන් ඉල්ලා සිටිනවා කෘෂිකර්ම නිලධාරීන්ගෙන් හරියට වැඩක් ගන්න ඒ වගේම එයාලට ඉලක්කයක් දීලා ඒ ඉලක්ක සපුරනවාද යන වග ප්‍රාදේශීය නිලධාරීන් හරහා හොයලා බලන්න එවිට කෘෂිකර්මාන්තය නගා සිටවන්න පුළුවන් ,
ඒත් සමගම පාරම්පරික තාක්ෂණයන් එක තබා නුවරඑළිය ගොවි ජනතාවටත් පිටරට තාක්ෂණය පුහුණු කිරීම අත්‍යවශ්‍ය කාරණාවක් වෙනවා එවිට අපිට තරගකාරී ලෙස ගොවි ආර්ථිකය නගා සිටුවන්නට පුළුවන් යනුවෙන් පැවසිය.
– රංජිත් රාජපක්ෂ