ජාතික ඖෂධ නියාමන අධිකාරිය මගින් අදාළ ඖෂධ කන්ටේනර් දෙක නිදහස් කර ගැනීමට අවසර නොදීම නිසා ප්‍රමාද වන සෑම දිනකටම බහාලුම් ප්‍රමාද ගාස්තු ලෙස සෞඛ්‍ය අමාත්‍යාංශයට මුදල් ගෙවීමට සිදුවන බව ද උන්වහන්සේ කීහ.
රෝහල් සේවා මණ්ඩලය ලෙස ඉකුත් වසර දහයක කාලයේදී මෙරට රෝහල් සඳහා විදෙස්ගත ශ්‍රී ලාංකිකයින් මෙරටට රුපියල් කෝටි පන්දහසකට අධික ඖෂධ හා වෛද්‍ය උපකරණ පරිත්‍යාග කර ඇතැයි ද රජවැල්ලේ සුභූති හිමියෝ පැවසූහ. විදෙස්ගත ශ්‍රී ලාංකිකයන් මෙරට අසරණ රෝගීන් සඳහා රෝහල්වලට එවන ඖෂධ නිදහස් කර
ගැනීමට අවසර නොදීම පිළිබඳ ඔවුන් ද කනස්සල්ල පළ කරන බව ඒ හිමියෝ කීහ. රජයේ රෝහල්වලට බෙදා දීම සඳහා ඒවා තිබෙන මෙම ඖෂධ තොගය වරායෙන් නිදහස් කර ගැනීමට සෞඛ්‍ය බලධාරීන් හා සෞඛ්‍ය ඇමැතිවරයා සමග සාකච්ඡා කළ ද පලක් වී නැත.
ශිරාන් රණසිංහ