ගාසා තීරයේ ඊශ්‍රායල ගුවන් ප්‍රහාරයකින් හමාස් සංවිධානයේ නායක ඉස්මායිල් හනියාගේ පුතුන් තිදෙනකු සහ මුනුපුරන් තිදෙනකු ජීවිතක්ෂයට පත් වී ඇතැයි විදෙස් මාධ්‍ය වාර්තා කළේය.

ඇෆ්ගනිස්තාන සරණාගතයන් නීති විරෝධී ලෙස පිටුවහල් නොකරන ලෙසට සිදු කරන ජාත්‍යන්තර ඉල්ලීම්වලට පාකිස්තාන රජය අවනත විය යුතු බවට ජාත්‍යන්තර ක්ෂමා සංවිධානයේ සරණාගතයන් සහ සංක්‍රමණික අයිතිවාසිකම් පිළිබඳ නියෝජිත ජේම්ස් ජෙනියොන් ප්‍රකාශ කර ඇතැයි විදෙස් මාධ්‍ය වාර්තා කළේය.

මාලදිවයිනේ මහ පරිමාණයේ කෘෂිකාර්මික ව්‍යාපෘතියකට එක් වී සිටින චීන සමාගමක් විසින් එහි හමුදා ක්‍රියාකාරකම් සිදු කරන බවට එරට ප්‍රධාන විපක්ෂය වන මාලදිවයින ප්‍රජාතන්ත්‍රවාදී පක්ෂය චෝදනා කර ඇතැයි විදෙස් මාධ්‍ය වාර්තා කළේය.

වසර 7කට පසු උතුරු අමෙරිකානු මහාද්වීපය දිවා කාලයේ අඳුරට හරවමින් පෙරේදා සිදු වූ පූර්ණ සූර්යග්‍රහණය මෙක්සිකෝව, කැනඩාව සහ අමෙරිකාවේ ප්‍රාන්ත 15ක මිලියන 32කට වැඩි පිරිසක් දැක බලා ගත් බව විදෙස් මාධ්‍ය වාර්තා කළේය.

මුහුදු මතුපිට උෂ්ණත්වය අධික ලෙස ඉහළ යෑම හේතුවෙන් පසුගිය මාර්තු මාසයේදී ගෝලීය උණුසුම වාර්තාගත අයුරින් ඉහළ ගිය බව යුරෝපීය දේශගුණික නිරීක්ෂණ ඒජන්සිය ප්‍රකාශ කර ඇතැයි විදෙස් මාධ්‍ය වාර්තා කළේය.

තවත් 26ක් අතු­රු­දන්

නීති­වි­රෝධී අයු­රින් මගීන් 130 දෙනකු රැගෙන යමින් තිබූ ධීවර යාත්‍රා­වක් මොසැ­ම්බික් රාජ්‍යයේ උතුරු මුහුදේ ගිලී­යෑ­මෙන් පුද්ග­ල­යන් 96 දෙනකු ජීවි­ත­ක්ෂ­යට පත් වී ඇතැයි විදෙස් මාධ්‍ය වාර්තා කළේය.

දකුණු ගාසා තීරයේ මෙහෙ­යු­ම්වල නිර­තව සිටින යුද හමු­දාව අවම කරන බව ඊශ්‍රා­ය­ලය ප්‍රකාශ කළ බව ද, එම නිවේ­ද­න­යත් සමඟ අව­තැන් වී සිටි පල­ස්තීන ජන­තාව නැවත එම පළාතේ පිහිටි ඛාන් යූනිස් නුවර බලා පැමි­ණෙ­මින් සිටින බව ද විදෙස් මාධ්‍ය වාර්තා කළේය.

අමෙරිකාවේ නිව්යෝක් නුවර නැ‍ෙඟනහිර වෙරළ තීරය ආශ්‍රිතව පසුගියදා සිදු වූ රිච්ටර් මාපකයේ 4.8ක අගයක් සටහන් කළ භූ කම්පනයෙන් ලෝක ප්‍රකට ලිබර්ටි ප්‍රතිමාව ද සෙලවුණු බව විදෙස් මාධ්‍ය වාර්තා කළේය. එම සෙලවීම සහ නිව්යෝක් නුවර භූ කම්පනය ලිබර්ටි ප්‍රතිමාවේ සවි කර ඇති සීසීටීවී කැමරාවල සටහන්ව තිබූ බව වැඩිදුරටත් වාර්තා වේ.

මොසැම්බික් හි උතුරු වෙරළට ඔබ්බෙන් වූ ප්‍රදේශයකදී යාත්‍රාවක් පෙරලී යාමෙන් පුද්ගලයින් 90කට වැඩි පිරිසක් මියගොස් තිබේ.