අමෙරිකාවට නැවත පූර්ණ සූර්යග්‍රහණයක් දැක බලා ගැනීමේ අවස්ථාව උදා වන්නේ 2044 දී බැවින් පෙරේදා සූර්යග්‍රහණය අමෙරිකානු ජනතාව උත්සවශ්‍රීයෙන් සැමරූ බව ද විදෙස් මාධ්‍ය වැඩිදුරටත් වාර්තා කළේය. වසර 2026 අගෝස්තුවේ 12 වැනිදා සිදුවන මීළඟ පූර්ණ සූර්යග්‍රහණය ග්‍රීන්ලන්තය, අයිස්ලන්තය සහ ස්පාඤ්ඤය හරහා සිදුවන බවට වාර්තා වේ. පැසිෆික් සාගරයෙන් ආරම්භ වූ මෙවර සූර්යග්‍රහණය අනතුරුව මෙක්සිකෝව හරහා අමෙරිකාවට ද, ඩලස්, ටෙක්සාස් ඇතුළු ප්‍රාන්ත රැසක් අඳුරු කරමින් කැනඩාවට ද උදා වූ බව වාර්තා වේ.

වොෂින්ටන් ඩීසී සහ නිව්යෝක් නගරයට සූර්යග්‍රහණය දිස් වූයේ 90%කින් පමණ වැසී ඇති අවස්ථාවකදී බවත්, ජනතාව උස් ගොඩනැඟිලි සහ වීදිවල සිට එය දැකබලා ගත් බවත් එරට මාධ්‍ය වාර්තා කළේය. වසර 2017න් පසු උතුරු අමෙරිකාවේ විශාල ප්‍රදේශයක් ආවරණය කළ පළමු සූර්යග්‍රහණය මෙය බැවින් ලක්ෂ සංඛ්‍යාත ජනතාව ආරක්ෂිත අව් කණ්ණාඩි පැලඳ එය දැකබලා ගැනීමට වීදි පුරා එක්රොක් වූ බව විදෙස් මාධ්‍ය වැඩිදුරටත් වාර්තා කළේය.

DMN