රතු මුහුදේ හවුති කැරැලිකරුවන්ට ආයුධ ජාවාරමේ නිරත වූ බවට පාකිස්තාන ජාතිකයන් සිව්දෙනකුට අමෙරිකානු අධිකරණ දෙපාර්තමේන්තුවෙන් චෝදනා එල්ල කර ඇතැයි විදෙස් මාධ්ය වාර්තා කළේය.
බලුකිස්තානයේ සිසුන් අතුරුදන්වීම සම්බන්ධ වගකීම රජය භාර නොගන්නා බව පාකිස්තාන භාරකාර රජයේ අගමැති අන්වර් උල් හක් ඉස්ලාමාබාද් මහාධිකරණයේදී ප්රකාශ කර ඇතැයි විදෙස් මාධ්ය වාර්තා කළේය.
බංග්ලාදේශයේ සාප්පු සංකීර්ණයක හටගත් ගින්නකින් අවම වශයෙන් පුද්ගලයන් 46 දෙනකු ජීවිතක්ෂයට පත් වී ඇතැයි ද, තවත් පුද්ගලයන් විශාල පිරිසක් තුවාල ලබා ඇතැයි ද විදෙස් මාධ්ය වාර්තා කළේය.
වසර 2023දී එක්සත් අරාබි එමීර් රාජ්යයට ඉන්දීය ජාතිකයන් මිලියන 2.46ක් සංචාරය කර ඇතැයි එරට දත්ත සංඛ්යාලේඛන වාර්තාවලින් අනාවරණය වූ බව විදෙස් මාධ්ය වාර්තා කළේය.
බටහිර අප්රිකානු රටක් වන බුර්කිනා ෆාසෝ රාජ්යයේ මුස්ලිම් දේවස්ථානයක සිදුවූ වෙඩි ප්රහාරයකින් ඉස්ලාම් බැතිමතුන් 12 දෙනකුට අධික පිරිසක් ජීවිතක්ෂයට පත් වී ඇතැයි විදෙස් මාධ්ය වාර්තා කළේය.
රුසියානු විපක්ෂ නායකයා වන ඇලෙක්සි නවාල්නිගේ දේහය ඔහුගේ මව වෙත භාරදී තිබේ. ඔහුගේ ප්රකාශකයෙකු සහ සහායකයෙකු වන කිරා යර්මිෂ් ඉකුත් සෙනසුරාදා (24දා) පණිවුඩයක් නිකුත් කරමින් සඳහන් කර ඇත්තේ ඇලෙක්සිගේ දේහය ඔහුගේ මවට ලබා දෙන ලදී. අප සමඟ මෙය ඉල්ලා සිටි සියලුම දෙනාට බොහෝ ස්තූතියි, ලෙසය.
ඉන්දීය රුපියල් කෝටි 979ක් වැය කර ඉදිකළ එරට දිගින් වැඩිම කේබල් පාලම සුදර්ශන් සේතු පාලම ඊයේ (25දා) මහජන අයිතියට විවෘත කෙරිණි.
පලස්තීන බටහිර ඉවුරේ පාලනය හිමිකරගෙන සිටි අගමැති Mohammad Shtayyeh ගේ රජය ඉල්ලා අස්වී ඇති බව විදෙස් මාධ්ය පවසයි.