ශාන්තිකර සාගරයේ පිහිටි සුප්‍රකට සංචාරක පාරාදීසයක් වන හවායි දූපත් සමූහයට අයත් මායූ දූපතේ පසුගියදා හටගත් ළැව් ගින්නට හසුවී මිය ගිය පුද්ගලයන්ගේ සංඛ්‍යාව 55 දක්වා ඉහළ ගොස් ඇතැයි විදෙස් මාධ්‍ය වාර්තා කළේය. අධික සුළං තත්ත්වයත් සමඟ වේගයෙන් පැතිරී යන ළැව්ගින්න හේතුවෙන් අතුරුදන් වූ සංඛ්‍යාව දහසකට ආසන්න බවත් විදෙස් මාධ්‍ය වැඩිදුරටත් වාර්තා කළේය.

අලි - මිනිස් ගැටුම නිසා වසරකට ලෝකයේ වැඩිම අලි සංඛ්‍යාවක් මිය යන රට බවට ශ්‍රී ලංකාව පත්ව තිබේ. මිනිසුන් මිය යන රටවල් අතරින් ශ්‍රී ලංකාව දෙවැනි වන්නේ ද ඉන්දියාවට පමණි.

අධිකරණයට අපහාස කළේ යැයි චෝදනා කරමින් අගවිනිසුරු ජයන්ත ජයසූරිය මහතාට එරෙහිව නීතිඥ නාගානන්ද කොඩිතුවක්කු මහතා විසින් ගොනු කර තිබූ පෙත්සමක් විභාගයට ගැනීමට අවසර ලබාදීමකින් තොරවම ශ්‍රේෂ්ඨාධිකරණය විසින් ඊයේ (11දා) ප්‍රතික්‍ෂේප කරන ලදී.

ආදුරුප්පු වීදිය පොලිසියට ලැබුණු ඔත්තුවක් අනුව කොළඹ ඔරුගොඩවත්තේ සිදුකළ වැටලීමක දී රහස් පොලිසියේ සේවය කරන පොලිස් කොස්තාපල්වරයකු පෙරේදා (10 දා) හෙරොයින් මත්කුඩු මිලිග්‍රෑම් 50ක් සමග අත්අඩංගුවට ගෙන ඇත.

බඩඉරිඟු ආනයනය කිරීම සඳහා අවසර ලබා දෙන්නේ නම්, දෙසැම්බර් මාසය වන විට බිත්තරයක් රුපියල් 35ක මිලකට ලබා දිය හැකි බව ශ්‍රී ලංකා සත්ත්ව නිෂ්පාදකයන්ගේ සංගමය අවධාරණය කරයි.

නීති විරෝධී අන්දමින් මෙරටට ගෙන්වූ රුපියල් කෝටි 400 කට අධික වටිනාකමෙන් යුත් වාහන 400 ක් සඳහා ව්‍යාජ දත්ත ඉදිරිපත් කර ඒවා අලෙවි කිරීමේ යෙදුණු සංවිධානාත්මක ජාලයක සුලමුල හෙළිකරගත් වලාන දූෂණ මර්දන ප්‍රහාරක බළකාය

ණය ප්‍රශස්තකරණ කටයුතු අවසන් වූ වහාම ‘ආසියාන්’ සංවිධානයේ අනෙකුත් රටවල් සමග ද නිදහස් වෙළෙඳ ගිවිසුම් ඇති කර ගැනීම සඳහා සාකච්ඡා ආරම්භ කිරීමට බලාපොරොත්තු වන බව ජනාධිපති රනිල් වික්‍රමසිංහ මහතා පැවසීය.

දුම්රිය මාර්ගයේ නඩත්තු කටයුත්තක් හේතුවෙන් මහනුවර සිට මාතලේ දක්වා දුම්රිය ධාවනය තාවකාලිකව නතර කිරීමට සිදුවන බව

මහා භාණ්ඩාගාරයට බරක් නොවන ආකාරයට බන්ධනාගාර පවත්වා ගෙන යාමේ නීත්‍යනුකූල ක්‍රමවේදයක් සැකසීම පිළිබඳ සාකච්ඡාවක් මේ වන විට ආරම්භ කර ඇති අතර එය කිසි සේත්ම සමාජයේ කතාබහට ලක් වී ඇති පරිදි මුදල් ගෙවා වෙනම සිර මැදිරි වෙන් කර ගැනීමට අවස්ථාව ලබාදෙන ආකාරයේ කටයුත්තක් නොවන බව අධිකරණ හා බන්ධනාගාර රාජ්‍ය අමාත්‍ය අනුරාධ ජයරත්න මහතා පැවසීය.

එක්සත් රාජධානියේ වෙරළට ආසන්නව නැංඟුරම් ලා ඇති පුද්ගලයින් 500කට නවාතැන් දිය හැකි බාර්ජ් එකට රැගෙන ගිය පළමු කණ්ඩායමට අයත් සරණාගතභාවය පතන්නෙකු පවසන්නේ එය ඔහුට අල්කට්රාස් බන්ධනාගාරය සිහිපත් කරන බවයි.