චෝදනා රැසකට වරදකරු වී සිරදඬුවම් විඳින පාකිස්තාන හිටපු අග්‍රාමාත්‍ය ඉම්රාන් ඛාන්, බන්ධනාගාරයේ සිටිද්දී, කෘත්‍රිම බුද්ධි තාක්ෂණය භාවිතයට ගනිමින් ජන රැලියක් ඇමැතුවේය.

චීනයේ බීජිං අගනුවර උමං දුම්රිය මාර්ගයක (14) දින ගමන් ගත් දුම්රිය දෙකක් එකට ගැටීම හේතුවෙන් ඒවායේ ගමන් ගත් මගීන් 500 කට අධික පිරිසක් තුවාල ලබා රෝහල්ගත කර ඇති අතර ඉන් 102 කගේ අස්ථි කැඩී ගොස් ඇතැයි චීන මාධ්‍ය පවසයි.

යුරෝපා සංගමයේ සාමාජික රටක් වන හංගේරියාව විසින් යුරෝපා සංගමය විසින් යුක්‍රේනයට ලබා දීමට ගිය යුරෝ බිලියන 50 ක ආධාර ප්‍රමාණය අවහිර කර ඇති බව විදෙස් මාධ්‍ය පවසයි.

ඊශ්‍රායල් හමාස් යුද්ධය ආරම්භ වූ පළමු මාසයේ ම උතුරු ඇමරිකාවේ වෙසෙන යුදෙව්වන් ඊශ්‍රායලය වෙත ඩොලර් බිලියනයක් ලබාදී ඇත.

ලබන සතියේ සිට ළූණු මිල අඩු වනු ඇතිබව ළූණු තොග වෙළදුන් පවසයි. පකිස්තානයෙන් සහ ඉන්දියාවෙන් ළූණු අානයන කිරීම ඊට හේතුවී ඇත.

ඇමැතිවරුන් ද ඇතුළුව ආණ්ඩු පක්‍ෂයේ පාර්ලිමේන්තු මන්ත්‍රීවරුන් 25දෙනකු ඉදිරියේ දී සමගි ජන බලවේගය සමග එක්වීමට තීරණය කර ඇතැයි හිටපු පාර්ලිමේන්තු මන්ත්‍රී සුජීව සේනසිංහ මහතා ‘දිවයින ඉරිදා’ සංග්‍රහයට පැවසීය.

පළාත් පාලනය වැඩිදියුණු කිරීමේ ආංශික ව්‍යාපෘතිය (පුරනැගුම) යටතේ රුපියල් මිලියන 3809ක මුදලක් වැයකර ආරම්භ කර තිබූ ව්‍යාපෘති 33ක් විවිධ හේතු නිසා අතරමග නවතා දමා ඇති බව ජාතික විගණන කාර්යාලය පවසයි.

උතුරු පළාතට බලපා ඇති වැසි සහිත කාලගුණික තත්වය හමුවේ මුලතිව් දිස්ත්‍රීකයේ ප්‍රදේශ රැසක් ජලයන් යටව පවතී .

මීට දෙවසරකට පෙර තාලිබාන් සංවිධානය ඇෆ්ඝනිස්ථානයේ යළි බලයට පත්වූ විට, දසදහස් ගණනක් ඇෆ්ඝනිස්ථාන ජාතිකයින් ඔවුන්ගේ ආරක්ෂාව සඳහා එක්සත් ජනපදය විසින් ඉවත්කර ගෙන යනු ලැබුණි.

පෙරේදා (13දා) දිනයේ ඉන්දීය පාර්ලිමේන්තුව වන ලෝක් සභාවට දුම් බෝම්බ රැගෙන තරුණයන් දෙදෙනකු කඩා වැදීමේ සිද්ධිය සම්බන්ධයෙන් ලෝක් සභා පාර්ලිමේන්තුවේ මහ ලේකම් කාර්යාලයේ සේවකයන් හත් දෙනකුගේ සේවය අත්හිටුවීමට බලධාරීන් විසින් පියවර ගෙන ඇති බව ඉන්දීය මාධ්‍ය පවසයි.