ඒ නිසා දරුවන් රෝහලට ගේන්න දෙමාපියන් බියක් දක්වනවා කියලා වෛද්‍යවරුන් මට පැවසුවා. ළමා රෝහල කියන්නේ සංවේදී තැනක්” යැයි සෞඛ්‍ය සේවා නියෝජ්‍ය අධ්‍යක්ෂ ජනරාල්, රිජ්වේ ආර්යා ළමා රෝහලේ අධ්‍යක්ෂ වෛද්‍ය ජී. විජේසූරිය මහතා ‘දිවයින’ට ඊයේ (23 දා) පැවසීය.
ළමා රෝහලේ මැනවින් කැපකිරීම් කරන ළමා රෝග වෛද්‍යවරුන්ට දිගින් දිගටම වාග් ප්‍රහාර එල්ල කරමින් ඔවුන් අධෛර්යවත් කිරීම තුළින් සතුටු වන සංවිධානාත්මක පිරිස සිදුකර ගනුයේ විශාල පාපයක් යැයි ද හෙතෙම කීය.
දිගින් දිගටම බොරැල්ල රිජ්වේ ආර්යා ළමා රෝහලට එල්ල වන විවේචන සම්බන්ධයෙන් විමසූ අවස්ථාවේ ඒ මහතා එසේ කීය.
ළමා රෝහලේ වෛද්‍යවරුන් පුදුම කැපකිරීමක් දරුවන් වෙනුවෙන් කරන්නේ. ඒ අය දරුවන්ට ආදරෙයි. රජයේ වෛද්‍ය නිලධාරීන්ගේ සංගමයේ ඉහළ නිලධාරීන් 4 දෙනෙක් සෞඛ්‍ය අමාත්‍යාංශයේ ඉන්නවා. ඒ අය සමහර වෛද්‍යවරුන්ගේ ස්ථාන මාරුවීම්, අලුත් පත්වීම් සම්බන්ධයෙන් බලපෑම් එල්ල කරනවා. මම ඒ අයගේ බලපෑම්වලට යට නොවී කටයුතු කරන නිසා ඒ අය මට පහර ගහනවා යැයි ද කීවේය.
ප්‍රදීප් ප්‍රසන්න සමරකෝන්