කොට්න් බට්න් භාවිත කරමින් කුඩා දරුවන්ගේ කන්වල ඇති කලාඳුරු ඉවත්කිරීමට දෙමාපියන් පුරුදු වී සිටින බවත්, එලෙස කිරීම තුළින් කන තුවාල වී පැසවා මොළයට විෂබීජ යා හැකි බවත් හෙතෙම කීය.
තවදුරටත් කතාකළ ළමා රෝග විශේෂඥ වෛද්‍ය දීපාල් පෙරේරා මහතා මෙසේ ද කියා සිටියේය.
බොහෝ දෙමාපියන් කුඩා දරුවන්ගේ කන්වල ඇති කලාඳුරු ඉවත්කරන්න මේ පුළුන් සහිත කොට්න් බට්න් භාවිත කරනවා. එලෙස කිරීමෙන් දරුවාගේ කන තුවාල වෙන්න පුලුවන්. කනින් සැරව ගලන්න පුළුවන්. මේ තුළින් කනට විෂබීජ ගියොත් මොළට යන්නත් පුළුවන්. එහෙම ගියොත් දරුවාගේ ජීවිතය අවදානමේ. ඒ නිසා දරුවන්ගේ කනේ කලාඳුරු ඉවත්කිරීමට වෛද්‍යවරයකුගේ උපදෙස් ලබාගැනීම ඉතා වැදගත්. ඒ නිසා වෛද්‍යවරු හැටියට අපි කොට්න් බට්න්වලින් දරුවන්ගේ කන්වල ඇති කලාඳුරු අරන් දැමීම අනුමත කරන්නේ නැහැ.”
ප්‍රදීප් ප්‍රසන්න සමරකෝන්