මෙම රාජ්‍ය බැංකු ප්‍රතිව්‍යුහගත කිරීම ගැන රාජ්‍ය ව්‍යවසාය ප්‍රතිසංස්කරණ ඒකකය සහ මහ බැංකු අධිපතිවරයා එකිනෙකට පරස්පර ප්‍රකාශයන් සිදුකරමින් සිටින බවත්, මේ ගැන රජය කරුණු පැහැදිලි කළ යුතු බවත් එම සංගමයේ ප්‍රධාන ලේකම් රන්ජන් සේනානායක මහතා පවසයි.
විශේෂයෙන් රාජ්‍ය බැංකුවල අයිතිකරු වන මුදල් අමාත්‍යාංශය සහ එහි ලේකම්වරයා විසින් රටේ මහජනතාවට කඩිනම් පැහැදිලි කිරීමක් කළ යුතු බව ද රන්ජන් සේනානායක මහතා සඳහන් කරයි.
ඉතිහාසය පුරාම රාජ්‍ය බැංකුවල රාජ්‍ය අයිතිය මෙන්ම ඒවාට එල්ලවන විවිධ දේශපාලන අයථා බලපෑම් හා ව්‍යාපාරික මාෆියාවන් වෙතින් එම බැංකු මුදා ගැනීම සඳහා දිවි පරදුවට තබා කටයුතු කළ සංගමයක් ලෙස මේ මොහොතේ ඒ වෙනුවෙන් ඕනෑම පියවරක් ගැනීමට පසුබට නොවන බව ද ලංකා බැංකු සේවක සංගමයේ ප්‍රධාන ලේකම්වරයා පවසයි.
එසේම මහජනතාවට අයත් මෙම ජාතික සම්පත් රැක ගැනීම සඳහා සබුද්ධිකව පෙරට ඒම සමස්ත පුරවැසියන් සතු වගකීමක් යැයි ද ඒ මහතා තවදුරටත් සඳහන් කරයි.
ශ්‍යාම් නුවන් ගනේවත්ත