ජාතික ජනබලවේගයේ පාර්ලිමේන්තු මන්ත්‍රී අනුර කුමාර දිසානායක මහතා යොමු කළ ප්‍රශ්නයකට පිළිතුරු දෙමින් කථානායකවරයා මේ බව පැවසීය.

අනුර කුමාර දිසානායක මහතා (ජාජබ)

පොලිස්පතිවරයා විශ්‍රාම යෑමෙන් පසුව යළිත් ඔහුට වැඩ බැලීමට මාස 3 බැගින් රීලෝඩ් ක්‍රමයට පත්කළා. අවසන් පත්වීමත් පසුගිය 9 වැනිදා අවසන් වුණා. යළිත් ඔහුට වැඩබැලීමට ජනපති කළ යෝජනාව ව්‍යවස්ථාදායක සභාව ප්‍රතික්ෂේප කළා. දැන් පොලිස්පති කවුද?

දිනේෂ් ගුණවර්ධන: ජනාධිපතිට තිබෙන විශේෂ බලය අනුව වැඩබැලීමට පත්කර තිබෙනවා. මේ මාසයේ අවසානය දක්වා දැනට සිටින පොලිස්පති වැඩබැලීම සිදුවෙනවා.

කථානායකවරයා: පත්කිරීම ජනපති අතේ තියෙනවා. ව්‍යවස්ථාදායක සභාව අනුමත කළත් නොකළත් පත්කිරීමේ බලය ජනපතිට තියෙනවා. ඒ ගැන කතාකර පලක් නැ. පත් කිරීමට අදාළ ලිපිය ලැබී තිබෙනවා.

අකිත පෙරේරා, රනිල් ධර්මසේන