ඒ අනුව කෘෂිකර්ම අංශයේ රැකියාවන් සඳහා ශ්‍රී ලාංකිකයන්ට වීසා ලබාදීමට දැනටමත් එරට රජය කටයුතු කරමින් සිටින බව ද ඒ මහතා ‘දිවයින’ට කීය.
තම ගමන් බලපත්‍රය රැගෙන එරට තානාපති කාර්යාලයට පැමිණෙන ලෙස ඔහු නිවේදනයක් මගින් ශ්‍රී ලාංකිකයන්ගෙන් කළ ඉල්ලීම අනුව ඊයේ (24 දා) වනවිට විශාල පිරිසක් එහි පැමිණ තිබේ.
දැනට වීසා නොමැතිව ශ්‍රී ලාංකිකයන් 700 කට ආසන්න ප්‍රමාණයක් එරට සිටින බව හෙළි වී තිබේ. මේ අතර ඉන් ඇතමකු වසර 7, 8 ක් එරට වීසා නොමැතිව සිටිනවුන්ය. නව ක්‍රමවේදය අනුව ඔවුනට වීසා බලපත්‍රය සමග රැකියාවක් ද ලබා ගැනීමට ඉඩක් ලැබෙනු ඇතැයි විශ්වාස කෙරේ.
ගයාන් සමරසිංහ