දැනටමත් වසරකින් කල් දමා ඇති පළාත් පාලන ආයතනවල නිල කාලය මාර්තු මස 19 වැනිදායින් අවසන් වෙයි.
ඒ අනුව දැනට මන්ත්‍රීවරුන් ලෙස කටයුතු කරන සියලු දෙනාගේ මන්ත්රී ධුරය ද එදිනෙන් පසු අහෝසි වෙයි.
මාර්තු මස 9 වැනිදා පළාත් පාලන මැතිවරණය පවත්වා නව සභිකයින් තෝරා පත් කර ගැනීමට සැලසුම් කර තිබුණද දැනට පවතින තත්වය මත මැතිවරණය දින නියමයක් නොමැතිව කල් යාමේ තත්ත්වයක් උදාවී ඇත.
ඒ අනුව මහ නගර සභාවල පාලනය නාගරික කොමසාරිස්වරුන් යටතටත්, නගර සභා සහ ප්‍රාදේශීය සභාවල පාලනය නාගරික ලේකම් සහ ප්‍රාදේශීය සභා ලේකම්වරුන් යටතටත් පැවරීමට නියමිතව තිබේ.