උන්වහන්සේ ඒ බව සඳහන් කළේ, විශ්වවිද්‍යාලය විවෘත කරන්නේ ද යන්න පිළිබඳව නිව්ස්ෆසට් කළ විමසීමට පිළිතුරු ලබාදෙමිනි.
සිසුන් සියල්ලන්ම ගෙනවිත් විවෘත කරන ලෙසට සිසුන් ඉල්ලුම් කළ ද එය කිරීමට හැකියාවක් නොමැති බව ද උන්වහන්සේ ප්‍රකාශ කළාහ.
පියවරෙන් පියවර සිසුන් සඳහා විශ්වවිද්‍යාලය විවෘත කරන ලෙසට පාලක සභාව ප්‍රකාශ කර ඇති බව ද උපකුලපති මහාචාර්ය නෙලුවේ සුමනවංශ නා හිමියන් පවසති.
මේ අතර මාස දෙකක කාලයක් වසා දමා ඇති ශ්‍රී ලංකා බෞද්ධ හා පාලි විශ්වවිද්‍යාලය නැවත විවෘත කරන්නැයි ඉල්ලමින් විශ්වවිද්‍යාලයේ මහා ශිෂ්‍ය සංගමයේ ශිෂ්‍ය භික්ෂූන් වහන්සේ ඊයේ පස්වරුවේ විරෝධතාවක් ආරම්භ කළේ ය.
ඊට පොලීසිය බාධා කිරීම නිසා උණුසුම් තත්ත්වයක් ඇති වුණි.