එහි ජාතික සම්බන්ධීකාරක රවීන්ද්‍ර කාරියවසම් පෙන්වාදෙන්නේ පරිසරය සඳහා ණය නම් වැඩසටහන යටතේ මෙය ක්‍රියාත්මක කිරීමට සාකච්ඡා වෙමින් ඇති බවයි.
ආර්ථික අර්බුදයක සිටින රටකට මූල්‍ය ණය පියවා ගැනීමට පාරිසරික සම්පත් හිලව් කිරීම පහසු යෝජනාවක් ලෙස බලධාරීන්ට පෙනෙන්නට තිබුණද පාරිසරික සම්පත් වෙළඳ භාණ්ඩ බවට පත් කිරීම ජනතාවගේ ජීවිතයට අනතුරක් බව ද හෙතෙම පැවසීය.
මීට වසර දහයකට පෙර ද ජල කළමනාකරණය කරන ලෙස ජලය විකිණීමේ ප්‍රතිපත්තියක් ගෙන ඒමට එවකට පැවති ආණ්ඩු ලෝක බැංකුව සමග එක්ව උත්සාහ දැරු බවද හෙතෙම තවදුරටත් පැවසීය.