ජනාධිපතිවරයා මේ බව සඳහන් කළේ, ගාල්ල දිස්ත්‍රික්කයේ සංචාරක ක්ෂේත්‍රයේ නිරත ව්‍යාපාරිකයන් සමග පැවති හමුවකට එක් වෙමිනි.
පසුගිය කාලයේ සිදු වූ ආර්ථික පසුබෑම නිසා සංචාරක ක්ෂේත්‍රයේ නියුතු පුද්ගලයින්ට විවිධ පීඩාවන්ට ලක් වීමට සිදු වූ නමුත් එම තත්ත්වය වෙනස් කරමින් සංචාරක ව්‍යාපාරය නැවත නගා සිටුවීම සඳහා සැලසුම් සහගත වැඩපිළිවෙළක් ක්‍රියාත්මක කරන බව ජනාධිපතිවරයා මෙහිදී කියා සිටියේ ය.
ජනාධිපතිවරයා පැවසුවේ, වසරකට සංචාරකයින් ලක්ෂ 20 කට වඩා වැඩි සංඛ්‍යාවක් ශ්‍රී ලංකාවට ගෙන්වා ගැනීමේ වැඩපිළිවෙළක් සකස් කිරීම සහ දිනකට ඩොලර් 500ක් වියදම් කළ හැකි සංචාරකයන් ගෙන්වා ගැනීම අපේක්ෂාව බවයි.
එම සැලසුම් ක්‍රියාවට නැංවීම සඳහා කමිටුවක් පත් කර ඇති අතර එම කමිටු වාර්තාව ලැබීමත් සමග එය කඩිනමින් ක්‍රියාත්මක කරන බව ජනාධිපතිවරයා ප්‍රකාශ කළේ ය.