සුද්දෝධන මහ රජතුමාගේ ආරාධනයකට අනුව විසි දහසක් මහ සඟරුවන සමග බුදුරජාණන් වහන්සේ රජගහ නුවර වේළුවනාරාමයේ සිට කිඹුල්වත් පුරයට ප්රථම වරට වැඩම කිරීම සඳහා ගමනාරම්භය සිදු වූයේ, අද වැනි පෝය දිනකදීය.
යශෝදරා දේවියට සඳකිඳුරු ජාතකය දේශනා කිරීමත් රාහුල සහ නන්ද කුමාරවරුන් සසුන්ගත වීමත් සිදු වූයේ, අද වැනි මැදින් පුර පසළොස්වක පෝය දිනකදී බව ශාසන ඉතිහාසයේ සඳහන් ය.
ශාක්යන්ගේ මානය බිඳීම සඳහා භාග්යවතුන් වහන්සේ යමහ මහා පෙළහර පෑම ද සිදු වූයේ අද වැනි පෝය දිනකදී ය.