වෘත්තීයවේදීන්ගේ වෘත්තීය සමිති එකමුතුවට වෛද්‍යවරුන්, වරාය, විදුලිය, ජල, විශ්වවිද්‍යාල ආචාර්යවරුන් ඇතුළු වෘත්තීය සමිති 40 ක් ඇතුළත් ය.

මේ අතර සෞඛ්‍ය වෘත්තීය සමිති එකමුතුවේ සාමාජිකයින් ඊයේ (08) පෙරවරු 6.30 ට ආරම්භ කළ එක්දින සංඛේත වැඩ වර්ජනය අද උදෑසන 6.30 ට අවසන් කළේ ය.

ඔවුන් එම සංඛේත වැඩ වර්ජනයේ නිරත වුණේ, වැටුප් හා දීමනා කප්පාදුව ඇතුළු කරුණු කිහිපයක් මුල්කර ගනිමිනි.

මෙම වැඩ වර්ජනය හේතුවෙන් ඊයේ දිනයේදී රජයේ රෝහල්කටයුතුවලට ද බාධා සිදු විය.

ඊයේ රාත්‍රී මහනුවර ජාතික රෝහලේ කටයුතුවලට හමුදා පිරිස් ද සහය පළ කරන ආකාරය දක්නට ලැබුණි.