මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා පවසා සිටියේ අදාළ ණය මුදල පොලී රහිතව ලබා දීමට රජය සූදානම් බවයි.
මේ වන විට ණය පොලී අනුපාත 25%ටත් ඉහළ අගයක පවතින බැවින් එම පහසුකම සිසුන්ට ලබා දීමට තීරණය කළ බව හෙතෙම පෙන්වා දෙයි. වැඩිදුරටත් අදහස් දක්වමින් අමාත්‍ය වරයා කියා සිටියේ සිසුන් පන්දාහකට මෙම පහසුකම ලබා දීමට තීරණය කර ඇති බවයි.
මීට අමතරව දැනට ලංකා බැංකුව මගින් පමණක් ලබාදෙන මෙම ණය පහසුකම ඉදිරියේ දී මහජන බැංකුව සහ ජාතික ඉතිරි කිරීමේ ඉතිරිකිරීමේ බැංකුව මගින් ද ලබාදීමට කටයුතු කරන බවත් මෙම ණය ලබා දීමේදී Z අගය සහ හැදෑරීමට අපේක්ෂා කරන පාඨමාලාවේ ඇති කාලීන වටිනාකම සැලකිල්ලට ගන්නා බව ද අමාත්‍යවරයා වැඩිදුරටත් සඳහන් කරයි.