මෙරට වෙළදපොල තුල ඇති වූ බිත්තර හිගය බිත්තර මිල අධික ලෙස ඉහළ යාම ඇතුළු කරුණු හේතුවෙන් බිත්තර ආනයනය කිරීමට රජය තීරණය කළා.
ඒ අනුව එලෙස ආනයනය කළ මිලියන 2 ක් වූ පළමු බිත්තර තොගය පසුගියදා මෙරටට ලැබුණු අතර වරායෙන් එය නිදහස් කිරීමේදී ඇති වූ ගැටලු හේතුවෙන් වෙළදපොලට නිකුත් කිරීමේ ප්රමාදයක් සිදු වුණා.
කෙසේ වෙතත් එම බිත්තර නිදහස් කිරීම සදහා සත්ත්ව නිෂ්පාදන හා සෞඛ්ය දෙපාර්තමේන්තුවේ අනුමැතිය හිමිවීමත් සමඟ රාජ්ය විවිධ නීතිගත සංස්ථාවේ මුතුරාජවෙල බහාලුම් අංගනයේ තිබූ ආනයනික බිත්තර තොග කර්මාන්තකරුවන් වෙත නිදහස් කිරිම ඊයේ සිදු කෙරුණා.
ඒ අනුව අද සිට බේකරි සහ හෝටල් හිමියන්ට බිත්තර බෙදාහැරීම සිදු කෙරෙනවා.
රාජ්ය විවිධ නීතිගත සංස්ථාවේ සභාපති ආසිරි වලිසුන්දර මහතා කියා සිටියේ බිත්තර මිලියන 10 කට ආසන්න ප්රමාණයක් මෙරටට ගෙන්වීට අදාළ ඇණවුම් ලබාදී ඇති බවයි.