මුලින්ම ත්‍රී රෝද රථය ගිණිගෙන ඇති අතර අවට සිටි අය සැක කරන්නේ මෙම ත්‍රී රෝද රථය තුළ පෙට්‍රල් ප්‍රවාහනය කරමින් සිටි බවයි.
ත්‍රී රෝද රථයේ රියදුරු දැඩි පිලිස්සුම් තුවාල සහිතව රෝගල් ගත කර ඇත.
ත්‍රී රෝද රථය ගැටී ගිනිගත් අනෙක් රථයේ ගමන් කර ඇත්තේ නිවාඩුව සඳහා ශ්‍රී ලංකාවට පැමිණි ශ්‍රී ලාංකිකයෙකි. ඔහු සමග තවත් හතර දෙනෙකු රථයේ සිට ඇති අතර වාසනාවට මෙන් අදාල මෝටර් රථයෙහි අගුළු විවෘත වී තිබුනු නිසා ඔවුන්ට මෝටර් රථයෙන් පිටතට පැනගැනිමට හැකි වී ඇති අතර කිසිවෙකුට තුවාල වී නොමැත.
දෙහිවල ගල්කිස්ස ගිනි නිවීමේ ඒකකය පැමිණ ගින්න මැඩ පැවැත්වීමට කටයුතු කර තිබෙන බවද වාර්තා විය. 
