යුරෝපීය විදේශ ක්‍රියාකාරී සේවා නියෝජ්‍ය කළමනාකාර අධ්‍යක්‍ෂ Paola Pampaloni, ආසියා පැසිෆික් කලාපය, නව පනත් කෙටුම්පත පිළිබඳ කනස්සල්ල පළ කරමින් මෙහි විදේශ අමාත්‍යාංශයට ලිපියක් යැවූ බව තතු දත් මූලාශ්‍රයකට අනුවය.
නව පනත් කෙටුම්පතේ අන්තර්ගතය සම්බන්ධයෙන් ඇමරිකාව සිය අප්‍රසාදය වොෂින්ටනයේ ශ්‍රී ලංකා තානාපති මහින්ද සමරසිංහ හරහා දන්වා තිබේ. එමෙන්ම මෙම පනත් කෙටුම්පත වෙනස් නොකළහොත් මනාප වෙළෙඳාම හරහා වෙළෙඳ සබඳතාවලට බලපෑමක් ඇති කරන බව එක්සත් රාජධානියේ බලධාරීන් එහි සිටින ශ්‍රී ලංකා විදේශ ලේකම් අරුණි විජේවර්ධනට දන්වා සිටියේය.
ඊට අමතරව, 2023 අප්‍රේල් 17 වැනි දින ජනාධිපති රනිල් වික්‍රමසිංහ මහතා සහ ඔහුගේ කාර්ය මණ්ඩල ප්‍රධානී සාගල රත්නායක මහතා සමඟ තේ පානය සඳහා කැඳවූ අවස්ථාවේදී යුරෝපා සංගමයේ සාමාජික රටවල ඇතැම් නියෝජිතයන් මේ සම්බන්ධයෙන් අවධානය යොමු කළහ.