පිරිපහදු කරන ලද පොල්තෙල් ආනයනයේදී කිලෝවක් සඳහා විශේෂ බදු විධිවිධාන යටතේ රජය කිලෝවක් සඳහා රුපියල් පහලොවක බද්දක් අය කරන අතර එය ටොන් එකක් සඳහා රුපියල් එක්ලක්ෂ පනස් දහසකි.

ජනාධිපති ලේකම්වරයාගේ ප්‍රධානත්වයෙන් ශ්‍රී ලංකා දුම්රිය සේවය අධිකාරියක් බවට පත් කිරීම සඳහා ඒ සම්බන්ධයෙන් සොයාබැලීමට කමිටුවක් පත්කර ඇත.

ලංකාවට ආනයනය කරන ඖෂධ වලින් සියයට 80%ක් ඉන්දියාවෙන් ආනයනය කරන බව සෞඛ්‍ය අමාත්‍යංශයේ නිලධාරීන් විසින් සඳහන් කරයි.

පාසල් සිසුන් උපකාරක පන්තිවලට ගෙන්වා ගැනීම තහනම් කර තිබියදී එය නොසලකා කටයුතු කරන පාසල් ගුරුවරුන්ට එරෙහිව විනය පියවර ගන්නා ලෙස සියලුම විදුහල්පතිවරුන්ට නව චක්‍රලේඛයක් නිකුත් කිරීමට සබරගමු පළාත් අධ්‍යාපන අමාත්‍යාංශයේ ලේකම්වරිය කටයුතු කර ඇත.

කොහුවල සහ ගැටඹේ ගුවන් පාලම්වල ඉදිකිරීම් නැවතී ඇති බවත්, ශ්‍රී ලංකාවේ ණය ප්‍රතිව්‍යූහගතකරණ ක්‍රියාවලිය අවසන් වන තෙක් වෙනත් විදේශ ආධාර යටතේ ක්‍රියාත්මක ව්‍යාපෘතීන්ද ඇනහිට ඇති බව ප්‍රවාහන අමාත්‍ය බන්දුල ගුණවර්ධන පාර්ලිමේන්තුවේදි සදහන් කරයි.

රෝගීන් එක පිට එක මිය යන බවත් හරි නම් ඊට වගකීම් භාර ගනිමින් සෞඛ්‍ය අමාත්‍යවරයා ඉල්ලා අස් විය යුතු බවත් ‘වෙනසක තරුණ්‍යය’ සංවිධානයේ කැඳවුම්කරු ලහිරු වීරසේකර සඳහන් කරයි.

රුපියල් කෝටි පනස් පහක් වැය කරමින් ශ්‍රී ජයවර්ධනපුර කෝට්ටේ මහ නගර සභාව රාජගිරියේ ඉදිකර තිබෙන ජනජය සිටි සුපිරි වෙළෙඳ සංකීර්ණය සම්පූර්ණයෙන්ම අසාර්ථක ව්‍යාපෘතියක් බව අනාවරණය වී තිබේ. මේ බව අනාවරණය වී ඇත්තේ පසුගියදා පාර්ලිමේන්තුවේ පැවති පොදු ව්‍යාපාර පිළිබඳ කාරක සභාවේදී (කෝප් කමිටුව)ය.

ශ්‍රී ලංකාවට යුරෝපා සංගමයෙන් ලබා දුන් ජීඑස්පී ප්ලස් සහනය තවත් වසර හතරකට දීර්ඝ කිරීම ගැන සතුටු වන බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ප්‍රේමනාත් දොලවත්ත මහතා සඳහන් කරයි.

දුම්රිය රියදුරු වෘත්තීය සමිතියක් විසින් ආරම්භ කළ වර්ජනය හේතුවෙන් අද (24) උදෑසන කාලයේ දුම්රිය ගමන්වාර 11ක් පමණ අවලංගු විය හැකි බව දුම්රිය දෙපාර්තමේන්තුව පවසයි.

ඉන්දු ඇමෙරිකානු මිත්‍රත්වය ශක්තිමත්ව සදාකාලික බැදීමක් ලෙස පවතින බව ධවල මන්දිරය ප්‍රකාශ කරයි.12u2 සැලසුමට අනුව ඇමෙරිකාව, ඉන්දියාව, ඊශ්‍රායලය සහ එක්සත් අරාබි එමීර් රාජ්‍යය අතර පවතින සහයෝගය මත මෙම සබදතාව තවදුරටත් ශක්තිමත් වන බව ද සදහන් කරයි.