දකුණු ගාසා තීරයේ පිහිටි කාන් යුනිස් නගරයේ පිහිටුවා ඇති යුද්ධයෙන් අවතැන්ව සිටින සිවිල් වැසියන්ට නේවාසික පහසුකම් සපයන එක්සත් ජාතීන්ගේ සංවිධානයට අයත් මධ්‍යස්ථානයකට එල්ල වු ප්‍රහාරයකින් 12 දෙනකු මියගොස් තවත් 75 දෙනකු තුවාල ලබා ඇති බව එක්සත් ජාතීන්ගේ පලස්තීන සරණාගත ආයතනය පවසයි.
කාන් යුනිස් නගරයේ සටන් පවතින බටහිර කලාපයේ පිහිටි අදාළ මධ්‍යස්ථානයට එල්ල වූ ෂෙල් වෙඩි ප්‍රහාරයන් දෙකක් හේතුවෙන් මෙම ව්‍යසනය සිදුව ඇතැයි සරණාගත ආයතනය කියයි. මේ අතර සිය ගුවන් හමුදාව විසින් මෙම ප්‍රහාරය සිදු නොකළ බව ඊශ්‍රායල හමුදාව විසින් නිවේදනය කර තිබේ.
DN
