මෙම තත්ත්වය මත ප්‍රධාන දේශපාලන පක්ෂ සභාග රජයක් පිහිටුවීම සඳහා මේ වනවිට සූදානම් වේ. ඒ අනුව හිටපු අගමැතිවරයෙක් වන නවාස් ෂෙරීෆ් මහතා සහ ඔහුගේ සොහොයුරු ෂෙබාස් ෂරීෆ්ගේ පක්ෂය වන පකිස්ථාන මුස්ලිම් ලීගය – නවාස් (පීඑම්එල්-එන්) සහ බිලාවල් භූතෝ සර්දාරිගේ පකිස්ථාන මහජන පක්ෂය (පීපීපී) සභාග රජයක් පිහිටුවීමට එකඟ වී ඇත.
මේ අතර, සිරගතව සිටින පකිස්ථාන විපක්ෂ නායක ඉම්රාන් ඛාන්ගේ පකිථාන තරීක් ඊ ඉන්සාෆ් (පීටීඅයි) පක්ෂයේ සහාය ලබන අපේක්ෂකයන් රජයක් පිහිටුවීමට ද සැලසුම් කර තිබේ. ජාතික සභාවේ ආසන 265ක් සඳහා මැතිවරණ පැවැත්වුණු අතර සරල බහුතරයක් සඳහා දේශපාලන පක්ෂයකට ආසන 133ක් අවශ්‍ය වේ. මේ වන විට ඉම්රාන් ඛාන්ගේ තරීක් ඊ ඉන්සාෆ් පක්ෂයට අනුබද්ධ ස්වාධීන අපේක්ෂකයන් ජාතික සභා ආසන 265 න් 97 ක් ලබාගෙන ඇත.
නවාස් ෂරීෆ්ගේ පීඑම්එල්-එන් ජාතික සභාවේ ආසන 76ක් ද පකිස්ථාන මහජන පක්ෂය ජාතික සභාවේ ආසන 54ක් ද අනෙකුත් පක්ෂ ආසන 37ක් ලබාගෙන තිබේ.
DN