මොස්කව් නුවර පිහිටි අනුස්මරණ ස්මාරකයක් අසල මල් පොකුරු තැන්පත් කරමින් විදෙස් තානාපතිවරු රුසියාවේ විපක්ෂ නායකයාට අවසන් ගෞරවය දැක්වීම ජාත්‍යන්තර අවධානයට ලක් වී ඇතැයි ද විදෙස් මාධ්‍ය වැඩිදුරටත් වාර්තා කළේය.
මේ අතර බෙල්ජියමේ බ්‍රසල්ස් නුවරදී යුරෝපා අමාත්‍යවරුන්ගේ සමුළුවකට සහභාගි වී ඇති නවාල්නිගේ බිරිය යූලියා නවල්නායා නිදහස් රුසියාවක් සඳහා සිය සැමියා කළ අරගලය අඛණ්ඩව ඉදිරියට ගෙන යන බවට ප්‍රතිඥා දී ඇතැයි විදෙස් මාධ්‍ය වැඩිදුරටත් වාර්තා කළේය. ඒ සඳහා එක්වන ලෙස ඇය පාක්ෂිකයන්ගෙන් ඉල්ලීමක් කර ඇතැයි ද, සැමියාගේ මරණය සම්බන්ධව ජනාධිපති ව්ලැදිමිර් පුටින්ට චෝදනා එල්ල කර ඇතැයි ද වාර්තා වේ.
ඔහුගේ මව සහ හිතවතුන් නවාල්නි මිය ගිය බව කියන බන්ධනාගාරය ආසන්නයේ පිහිටි ස්ථාන රැසක ඔහුගේ මළ සිරුර සොයමින් සිටින බව ද විදෙස් මාධ්‍ය වාර්තා කළේය. කෙසේ වුවද මරණ පරීක්ෂණය අවසන් වනතුරු නවාල්නිගේ මෘතදේහය පවුලේ සාමාජිකයන්ට භාර දිය නොහැකි බව රුසියානු බලධාරීන් ප්‍රකාශ කර තිබේ.
DMN