චීනයට අයත් ගුවන්යානා මගින් පසුගියදා එම පිරිස ගෙන්වා ගෙන ඇත්තේ මියන්මාරයේ කූප්‍රකට නීතිවිරෝධී මධ්‍යස්ථාන ලෙස සැලකෙන තායිලන්ත දේශසීමාව අසල පිහිටි මායි සොට් නමැති නගරයෙන් බව ද වාර්තා වේ. මිනිස් ජාවාරමේ ගොදුරු බවට පත් වූ විදේශීය පුද්ගලයන් දහස් ගණනක් එම නීතිවිරෝධී මධ්‍යස්ථානවල සේවය සඳහා යොදවා ඇති අතර, විවිධ අපරාධ සහ ජාත්‍යන්තර මිනිස් ජාවාරම් සඳහා ඔවුන්ගේ සේවය ලබාගන්නා බවට වාර්තාවේ. එම මධ්‍යස්ථාන වසා දමන ලෙසට පසුගිය කාලය පුරා චීනය විසින් මියන්මාර හමුදා රජයට සහ එරට ක්‍රියාත්මක වන සන්නද්ධ කණ්ඩායම්වලට බල කරමින් සිටි අතර, සිය පුරවැසියන් නැවත ගෙන්වා ගැනීමට සමත් වීම චීනය ලැබූ ජයග්‍රහණයක් බව ද විදෙස් මාධ්‍ය වැඩිදුරටත් වාර්තා කළේය.
.වරකට පුද්ගලයන් 150 බැගින් චීන ජාතිකයන් දහසක් පමණ නැවත ගෙන්වා ගැනීමට චීනය පියවර ගෙන ඇතැයි ද, එහි පළමු අදියර පසුගියදා ක්‍රියාත්මක වී ඇතැයි ද විදෙස් මාධ්‍ය වැඩිදුරටත් වාර්තා කළේය.
DMN