කෘත්‍රිම බුද්ධිය පදනම් කරගත් යෙදුම් සහ ආකෘති නිර්මාණය කිරීමට අත්‍යවශ්‍ය ග්‍රැෆික් සැකසුම් ඒකක දසදහසක් සක්‍රීය කිරීමට ද රජය පියවර ගෙන ඇතැයි ද එම සැකසුම් ඒකක සඳහා සේවාදයකයන්ගෙන් ඉල්ලුම වැඩි වී ඇතැයි ද එරට මාධ්‍ය සඳහන් කළේය. ග්‍රැෆික් සැකසුම් ඒකක දසදහසක් සක්‍රීය කර පර්යේෂකයන්ට සහ නවෝත්පාදකයන්ට ලබාදීම මඟින් කෘත්‍රිම බුද්ධිය අතින් ඉන්දියාව ගෝලීය කේන්ද්‍රස්ථානය බවට පත් කිරීම මෙහි අරමුණ බව ද වාර්තා වේ. පරිඝනක බලයේ සිට ආකෘති දක්වා ද, යෙදුම්වල සිට දක්ෂතා දක්වා ද. දත්ත සැපයුම් වේදිකාවේ සිට නියාමන රාමුව දක්වා ද සමස්ත පරිසර පද්ධතියම සංවර්ධනය කිරීම කෙරෙහි ඉන්දීය රජයේ අවධානය යොමු වී ඇතැයි එරට තොරතුරු හා තාක්ෂණ ඇමැති අශ්විනි වෛෂ්නව් ප්‍රකාශ කර ඇතැයි ද වාර්තා වේ.
DMN