එක්ස් සමාජ මාධ්‍ය ජාලය ඔස්සේ සටහනක් තබමින් ඉන්දීය නාවික හමුදාවේ ප්‍රකාශකයකු සඳහන් කර ඇත්තේ මෝල්ටා රාජ්‍යයේ ධජය සහිත ‘එම්වී රුයෙන්’ නමැති එම භාණ්ඩ ප්‍රවාහන නෞකාව පැහැරගත් මුහුදු කොල්ලකරුවන් 35 දෙනා නාවික හමුදාවට බාර වූ බවය. අනතුරුව ඉන්දීය නාවික හමුදාව විසින් එම නෞකාවේ නීතිවිරෝධි අවිආයුධ, පතරොම් සහ තහනම් භාණ්ඩ තිබේදැයි පරීක්ෂා කළ බවත් වාර්තා වේ.
එම්වී රුයෙන් සෝමාලියානු මුහුදු කොල්ලකරුවන් විසින් පැහැරගනු ලැබුවේ පසුගිය වසරේ අගභාගයේදී වන අතර, මාස හතරකට වැඩි කාලයක් එම නෞකාව පිළිබඳ තොරතුරු අනාවරණය වී නැති බවත් වාර්තා වේ.
පසුගියදා බංග්ලාදේශයට අයත් භාණ්ඩ ප්‍රවාහන නෞකාව සහ එහි කාර්ය මණ්ඩලය පැහැර ගැනීමට සෝමාලියානු මුහුදු කොල්ලකරුවන් එම්වී රුයෙන් නෞකාව භාවිත කර ඇතැයි අනුමාන කරන බව යුරෝපා හමුවේ නාවික හමුදාව ප්‍රකාශ කර තිබේ.
DMN