නිවාස සිය ගණනක් විනාශ වී ඇතැයි ද විදෙස් මාධ්‍ය වාර්තා කළේය. ඉදිරි දින කිහිපයේදී වර්ෂාව තවත් අධික වනු ඇතැයි පළ වූ කාලගුණ අනාවැකි හේතුවෙන් තවත් පන්දහසකට අධික පිරිසක් නිවාසවලින් ඉවත් කර ඇතැයි ද වැඩිදුරටත් වාර්තා වේ. හමුදා සෙබළුන් සහ ගිනි නිවන භටයන් සිය ගණනාවක් මේ වන විට නායයෑම්වලට හසු වූ ප්‍රදේශවල මෙහෙයුම් සිදු කරමින් සිටින අතර, මිය ගිය සංඛ්‍යාව තවත් ඉහළ යනු ඇතැයි වාර්තා වේ. වැසි සහිත කාලගුණික තත්ත්වයක් පවතින මාර්තු මාසයේදී එරට වර්ෂාපතනය මිලිමීටර් 140ක සාමාන්‍ය අගයක් ගන්නා බවත්, මෙවර පතිත වූ වර්ෂාව මිලිමීටර් 200කට අධික වූ බවත් එරට කාලගුණ විද්‍යා ඒකකය නිවේදනය කර තිබේ. ඉදිරි දින කිහිපයේදී ද එවැනි තත්ත්වයක් උදාවනු ඇතැයි දැනටමත් අනාවැකි පළ වී ඇත. බ්‍රසීලයට මේ ධාරානිපාත වර්ෂාව ඇද වැටුණේ පසුගිය දින ගණනාවක් පුරා සෙල්සියස් අංශක 62ක් දක්වා ඉහළ ගිය අධික උණුසුම් තත්ත්වයකින් පසුව බව ද විදෙස් මාධ්‍ය වැඩිදුරටත් වාර්තා කළේය.
DN