පාකිස්තානයේ පාලනය යටතේ පවතින කාශ්මීර් පළාතේ පිටි මිල සහ විදුලි බිල්පත් ඉහළ දැමීමට එරෙහිව උද්ඝෝෂණයක නිරත වූ දහස් සංඛ්‍යාත විරෝධතාකරුවන් සහ ආරක්ෂක අංශ අතර ඇතිවූ ගැටුමෙන් පුද්ගලයන් 4 දෙනකු ජීවිතක්ෂයට පත්වී ඇතැයි විදෙස් මාධ්‍ය වාර්තා කළේය. තවත් සියයකට අධික පිරිසක් තුවාල ලබා ඇතැයි ද වාර්තා වේ. පිටි සහ විදුලි බිල්පත් ඉහළ දැමීමට විරෝධය පාමින් පසුගිය සිකුරාදා සිට ජනතාව වීදි බැස උද්ඝෝෂණයක නිරතව සිටින අතර, ගැටුම් සිදුවී ඇත්තේ විරෝධතාකරුවන් විසුරුවා හැරීමට ආරක්ෂක අංශ පියවර ගනිමින් සිටියදී බව ද වාර්තා වේ. තත්ත්වය පාලනය කිරීමට අතිරේක හමුදා කණ්ඩායම් යොදවා ඇතැයි ද, පළාතේ පාසල්, ව්‍යාපාරික ස්ථාන වසා දමා ඇතැයි ද වාර්තා වන අතර, ප්‍රවාහන පද්ධතිය සම්පූර්ණයෙන්ම අත්හිටුවීමට ද පියවර ගෙන ඇතැයි වාර්තා වේ.
DMN