ගාසා තීරයේ යුද මෙහෙයුම් වහාම නවත්වන්නැයි එක්සත් ජාතීන්ගේ සංවිධානයේ ජාත්‍යන්තර අපරාධ අධිකරණය ඊශ්‍රායලයට නියෝග කළ බව විදෙස් මාධ්‍ය වාර්තා කළේය. එම නියෝගය නිකුත් කර ඇත්තේ දකුණු අප්‍රිකාව විසින් හදිසි අවශ්‍යතාව මත ඊශ්‍රායලයට එම නියෝගය නිකුත් කරන ලෙස ජාත්‍යන්තර අපරාධ අධිකරණයෙන් කළ ඉල්ලීම සැලකිල්ලට ගෙන බවත් විදෙස් මාධ්‍ය වැඩිදුරටත් වාර්තා කළේය.
ඊශ්‍රායල හමුදාව රෆා නුවර සිදු කරන ප්‍රහාරය ජනසංහාරයක් දක්වා ඇදී යන බවටත්, පලස්තීන ජනතාවගේ ජීවිතවලට එය තර්ජනයක් වී ඇති බවටත් දකුණු අප්‍රිකාව අඛණ්ඩව ඊශ්‍රායලයට චෝදනා එල්ල කළ අතර, පසුගිය ජනවාරියේ සිට වරින් වර ගාසා තීරයේ ප්‍රහාර සම්බන්ධව ජාත්‍යන්තර අපරාධ අධිකරණයට කරුණු දක්වා තිබිණි.
DMN