පිලිපීනයට, තායිවානයට හා චීනයට බලපෑ ගයිමි සුළි කුණාටුවෙන් දකුණු චීන මුහුදේදී අනතුරට ලක්වූ භාණ්ඩ නෞකාවේ සිටි අතුරුදන් වූ මියන්මාර ජාතිකයන්ගෙන් සමන්විත කාර්ය මණ්ඩලයේ 9 දෙනාගෙන් සිව්දෙනකු බේරා ගැනීමට හැකි වූ බව තායිවාන වෙරළාරක්ෂක බළකාය ප්‍රකාශ කර ඇතැයි විදෙස් මාධ්‍ය සඳහන් කළේය. නෞකාවේ කපිතාන්වරයාගේ මළසිරුර ඊට පැය කිහිපයකට පසු සොයාගෙන ඇති අතර, අතුරුදන්වූ සෙසු පුද්ගලයන් සිව්දෙනා සොයා මෙහෙයුම් අඛණ්ඩව සිදුකරන බව ද තායිවාන වෙරළාරක්ෂක බළකාය වැඩිදුරටත් ප්‍රකාශ කර තිබේ.
ටැන්සානියා ධජය සහිතව යාත්‍රා කරමින් තිබූ ෆූ ෂුන් නමැති එම භාණ්ඩ නෞකාව ගයිමි සුළිකුණාටුවට හසුවී අනතුරට ලක්වීමෙන් පසු එහි සිටි කාර්ය මණ්ඩලයේ සාමාජිකයන් ජීවිතාරක්ෂක කබා පැලඳ මුහුදට පැන ජීවිත රැක ගැනීමට උත්සාහ කළ බව ඊයේ තායිවාන වෙරළාරක්ෂක බළකාය විසින් මුදා ගනු ලැබූ පිරිස සඳහන් කර තිබේ.
DN