ප්‍රහාරය එල්ල වී ඇත්තේ එම ප්‍රාන්තයේ ධාවනය වෙමින් තිබූ පාකිස්තාන හමුදා සෙබළුන් රැගත් රථ පෙළකටය. එහිදී තවත් සෙබළුන් තිදෙනකු බරපතළ තුවාල ලැබූ බවත් විදෙස් මාධ්‍ය වැඩිදුරටත් වාර්තා කළේය. ප්‍රහාරයේ වගකීම බලුකිස්තාන විමුක්ති හමුදාව භාරගෙන ඇති අතර, නිවේදනයක් නිකුත් කරමින් එම සංවිධානය ප්‍රකාශ කර ඇත්තේ බර අවි සහ ස්වයංක්‍රීය අවි භාවිත කරමින් ප්‍රහාරය සිදු කළ බවය. සැඟවී සිට එල්ල කර ඇති එම ප්‍රහාරයෙන් හමුදා රථයක් මුළුමනින්ම විනාශ වී ඇතැයි ද, තවත් වාහන හතරකට හානි සිදුවී ඇතැයි ද විදෙස් මාධ්‍ය සඳහන් කළේය.
පාකිස්තාන හමුදාවේ සන්නද්ධ වාහනයක් ඇතුළු රථ පෙළකට දුරස්ථ පාලකයකින් ක්‍රියාත්මක වන ආකාරයේ පුපුරණ ද්‍රව්‍ය යොදා ගෙන ඇති අතර, පාකිස්තාන හමුදාවේ ඉදිරි ගමන වැළැක්වීමට එම ප්‍රහාරය එල්ල කළ බව බලුකිස්තාන විමුක්ති හමුදාව සිය නිවේදනයේ වැඩිදුරටත් සඳහන් කර ඇතැයි වාර්තා වේ. ප්‍රහාරයෙන් පසු පාකිස්තාන ගුවන් හමුදාවට අයත් හෙලිකොප්ටර් යානා කිහිපයක් එම පළාතේ මුර සංචාරයක නිරතවෙමින් විශේෂ මෙහෙයුමක් සිදු කර ඇති අතර, ඒ වනවිටත් බලුකිස්තාන විමුක්ති හමුදාවේ සාමාජිකයන් එම පළාත හැර ගොස් සිටි බව ද වාර්තා වේ.
DN