ඉන්දීය අගමැති නරේන්ද්‍ර මෝදි අතින් එම කෝවිල විවෘත වූ අතර, එය එක්සත් අරාබි එමීර් රාජ්‍යයේ ස්වර්ණමය පරිච්ඡේදයක් ලියා තැබූ බව අගමැතිවරයා ප්‍රකාශ කර ඇතැයි ද වාර්තා වේ. එහිදි අගමැතිවරයා එම කෝවිල ඉදි කිරීමට දායකත්වය දැක්වූ ගෘහ නිර්මාණ ශිල්පීන්, ඉංජිනේරුවරුන් සහ ස්වේච්ඡා සේවකයන් මුණ ගැසී ස්තූතිය පුද කළ බව ද විදෙස් මාධ්‍ය වැඩිදුරටත් වාර්තා කළේය. එක්සත් අරාබි එමීර් රාජ්‍යයේ අනුග්‍රහය ඇතිව ඉදි කර ඇති හින්දු කෝවිල එරට රැකියාවේ නිරතව සිටින සහ පදිංචිව සිටින ඉන්දීය ජාතිකයන්ට සිය වැඳුම් පිදුම් සඳහා විශිෂ්ටතම පූජා භූමියක් වනු ඇතැයි ද කියැවේ.
සාම්ප්‍රදායික හින්දු ආකෘතියට අනුව ඉදිකර ඇති එම කෝවිල අක්කර 27ක භූමි කලාපයක පිහිටා ඇති අතර, උසින් අඩි 108කින් සහ පළලින් අඩි 180කින් යුතු බවත් වාර්තා වේ. ඉන්දියාව සහ එක්සත් අරාබි එමීර් රාජ්‍යය අතර සංස්කෘතික අවබෝධය සහ ආගමික ගෞරවය වර්ධනය කිරීමට එය ඉවහල් වනු ඇතැයි ද ඉන්දීය අගමැතිවරයා විශ්වාසය පළ කර තිබේ.
DMN